¹ Yesus name tofang a'raham homi So mateng a'no' an no' Sa Kapernaum leam. Hemomi ho,Romawi o' soldaj matenuho, o' a'ra mih nuo sa sona ukarang bi'.O' a'ra mih ho'o a'ra mode om mi e'dai min. Yesus ei a'raham ho soldaj ho'o ma'eh horo he'e,sa Yahudi o' tumo' bar o'inu a'how sam Yesus a'hol no' hee,a'bang honie,sa Yesus ho' o'a'ra mih ho a'no' birang. Sari tumo' bar ho supi ho' Yesus a'bung,supi atitino' a'bang. Supi ubang ho, sari ay ho'o sa Oukarang med no' sa ni bang ni lelang ho ukarang bi',sariso ni ao'me bang a'ten. Horo Yesus supi a'ra ham ham sam. Yesus sam sari soldaj o'bang ho a'bung honi he'e,soldaj ho so tenang el bar oinu a'how sam Yesus a'ra mateng,Tang,haai obo' a'no' susa med nere'eng e',fede' na ari med ara no bang om lemadong sah. Na nari utanut he'e,na olap ho'sah horoba,na e'nengmi ho olap ho'nene ho. Honi sobo, Amateng pa'nu'le ubang honi he'e, noname nara mih ho uil birang. Fede' naridi name e'far,no'he'e soldaj ka'ay nefar tofang. Mang fede' na pirnu a'ra mateng ubang alame,honi he'e sa lame.Mang fede' na bengnu a'ra mateng ubang ama! honi he'e sa ma.No'mang fede' nonara mih na a'ra maten ubang a na ho'o panen,honi he'e sa panen. Yesus mang naho ma'eh, he'e,Sa Romawi o'soldaj mate ho usahoir empir.Sa sadimang name tofangba a'ra lame eh ho a'ra mateng ubangho, Na ira mateng,Israel hinung o'a'nai horo midi, udume mate ho'oni ho Na a'hol dai. Nameba soldaj a'how Yesus o'lap ho'hu sabor sam soldaj mate o'bang mi honi he'e, soldaj o' a'ra mih ho birang am. Ob a'lofenu o'ay a'no'birang. Midilel Yesus so sakola ai bar med name tofangba a'ta ain lame eh ho,a'ra ham ham sam pali' a'ni Nain holeam. Sa sam sari pali'ho o'fo se'ar mate a'bung honi hee, name beny ai lotenu tefang fo se'ar ho lol hel. Sari ai lote min ho'o,ob a'lofe ho o'ai lote pirnu horo solo.Sari bang ho o'name tofang obtumo' ho a'ra tohuil. Yesus dun ob a'lofe ho a'hol he'e,o'm susa empir horofe,Sa a'ra mateng ubangho,ha'ai a'hain e'. Horo Sa fa beny de'ho a'bung no' Sa a'tor.Name beny tefang ho toh sobarpi. No'Yesus ubangho, Hoi ay a'for,Na aramateng,ahirtoh! Horo he'e,ai fede' min ho toh mih,sa mateng lurung. No' horo he'e,Yesus med o'fo o'na en. Name tofangba dun naho a'hol ho baroc empir horo he'e,supi Lahtal utarain ubangho,Lahtal at afu' hamow o'name matenu a'ra piham homi latelam,Lahtal So nameno' e;dun o'malilam. Horo Yesus ei a'raham ho o'mateng te'eng Yudea pali' med pali' a'bung a'lolang nun ho sobarpi mipir. YOHANIS NAME A"FOIL HO,SOSAKOLA AIBAR AHOW YESUS LAP SAM Na ernu ho ei a'raham ho,Yohanis o'sakola aibar ubang Yohanis e'maring. Horo Yohanis sosakola piralo o'lofe,supi a'ahow sam Yesus a'tan,Ari horo ho'ubang ehho eme? Ni foil bengnu fe a'danang? Supi ho' Yesus a'bung no'supi ubangho,Yohanis name a'foil ehho nihow ho' Atan, Ari horoba ho'am hoeme? Ni foil bengnu fe a'danang? Selho a'raham Yesus name mode tofang,name ba roh sah om tamang honi nun ho a'no' birang eh. Sa name eng sah tofangdi a'no' dun na'hol honiho panen eh. Yesus name piralo ho a'ra mateng,Isam honie,nabafe idun a'hol,nabafe ima'eh: name engsah dun na'hol, name tu ung lame no',name hape burang birang, name a'fel pala' na ma'eh,name min sofetang,med name sah lahal mateng no ham ma'eh alepang,ho'oni nun ho'o ubang Yohanis a'ra mateng. Honife, nameba e'Nari u u'fit nene ho,no'ham a'raham. Yohanis o'name mang sabor he'e,Yohanis ei a'raham ho,Yesus uname tofang ho a'ra mateng ,Isam mong menham laham hemo leam naba e'dun? Sam beng faloba hamoi mitoh ho e'dun? Sobo nabafe isam e'dun? E'dun,nameba fen o'karang puin,bit kafac om mi fetang,mong afen mate o'bang lah femi. Honife, nabafe isam e;dun? Namw Lahtaj at hamow? Ya, Na ira mateng ho'o, name Lahtal at hamow di mi e'mota. ²⁷ Sari name horoba aiho,Ei a'raham horoba hul ubangho: "Alepang! Adai eh, Na No name tahow mi sotur sam. Sariso se'bur utar' med araham homi meng." Maleakhi 3:1 ²⁸ Na ira mateng,nameno' ba barpi ob bar a'fainho,o'a'nai homi den e'mimate Yohanis e'mota nene. Honi sobo o'mi ka'ai tong bang bolang mi horofe,somi mate aiho e'mota. Name tofang med lafung fali med o'name nun ho na hoo ma'eh horo he'e, supi Lahtal o'buj no' bit, fede' Yohanis supi a'foilam. Honi sobo,Farisi hinung med Taurat o'name om hul ernu,supi Lahtal ei tanut hoo bahut few,fede' Yohanis e' supi a'foil dai. Na maa nabafe a'no' upapain med nameba fed hoo mi fetang eh hoo a'raham? Supiho mang fede' naba honi? Supi hoo mang fede' aikabar pong don mimieh honi,solofe soid ubangho,Ni huling a'pu iere'eng sobo i e' sabea nene. Ni beny ulubung o' dal puin dal sobo,i e' a'hain nene. Fede' Yohanis ho' om homi sa e' roti a'de nene, sa e' anggur na nene i ubangho, Aiho setang om halup am. Honi sobo Nameno'Ai ho Sa na'de seina honi he'e iubangho, E'dun, Aiho maro'makakang med seina o'name! Saridi name lafung fali med ei,med name doc a'halfe a'ra tenang el! Honi sobo, na'hol dil ma'eh ho,o' aikabar di o' a'bul ubang. AI OB DOC NU YESUS E"FA HAFO" LAM. Selnumi, Farisi hinung o' namenu Yesus e'maring honie sam a'ra na'de. Yesus sam aiho o'bangmi honie mih na'de. Ai ob docnu a'ra bang pali' homi. Sa a'hol honi hee, Yesus a'ra name Farisi o'bang homi eh horo hee,sa sei manem butiling nu fel. No'horo sa sam Yesus a'motmi, e'fa a'bung homi toh, sa a'hain seng noi ho med Yesus e'fa ta a'her no' hee,selafung a'ri'nemang puin luh. No' hee sa Yesus e'fa a'muning no' sei manem ho sa med Yesus e'fa ta u'huin. Farisi o'nameba Yesus e'maring samho mang naho a'hol horo hee,sa som mi ubangho, Mang fede' Ai hoo name Lahtal at hamow so hee, Sa u'il a'hol hoo ano,med ai ob naba honi soba a'tor eh,fede' ai ob hoo docfe lap panen o' name. Yesus ei a'bor ubangho, Simon, Na nanu u ara matengfe. Simon ubangho, Ubang Guru. Name piralo ai seng a'lorang nu o'seng tuping, nuho seng rat ifihing, nuho seng erifihing. O'sel homi name alo seng ho mana sah horo hee,ai seng a'lorang ho,name piralo o'utho mang luh few. Fed hoo, name piralo o'a'nai homi maa anoso ai seng a'lorangho ukarang bi?. Simon ubangho, nei nom mi honi hee,aiba o'ut mi tofang sobo sa luh few horo. Yesus a'ra mateng ubangho, ei tanut med ei e'dun miho a'bul. Yesus sadimang ai ob ho e'dun, Sa Simon a'ra mateng, Ai ob hoo adun a'hol em aai? Na ho' obangmi a'raham ho,a e'sei nen ne'fa hafo' nene,sobo sa seng mari puin Ne'fa hafo' sa selafung a'ri'nemang puin luh. A e' namuning nene sobo, Na mang bang om lemadong honi hee, sa Ne'fa a'muning uer nene. ⁴⁶ A e'iping med Nelafung miluh nene sobo, sa Ne'fa sei manem med ne'fa ta u'huin. ⁴⁷ Honife Na ara mateng, o'doc tofangho uampo am, fede'ukarang mimateho sa utub am. Honi sobo nameba uampo o'kurang honi hee, o'ukarangdi o'kurang. No'Yesus ai ob ho a'ra mateng ubangho,odocho uampo am. Nameba Yesus a'ra ham ham mih na'de eh ho som mi taany ubangho, Ai hoo ano sofe, Sa name o' doc uampo no'? Yesus ai ob ho a'ra mateng ubangho, oudume so ano' il ano' luling am, no' ham puin abor sam.