¹ Hair sah'nu araham,Yesus ho'Farisi hinung o'name tur'nu o'bang mi ara roti ade, supi barpi edun. ² Sel ho araham,ai buang'bu nu Ahoi araham mih. ³ Yesus Farisi hinung Taurat o'name om'hul nun aramateng; hair sah om'mi name a'no'birang no' em sah? ⁴ Sobo supi a' bor nene.Horo Yesus ai'mode a'puin a'no birang,no' ahow sam. ⁵ Yesus supi ara'mateng; I'nai homi,a'no so mang'fe'de' o'ai so'em'e o sapi lote hair sah mi muj sei lafo leam sa e'hano'ang sam barig med nene? ⁶ Horo supi di O'mateng pa'ho abor nene. U'ADA AHOL ELEME ⁷ No' he'e, Yesus sa u'papain nu u'mateng, med name ba'maring med, honi'e ho'na'ade sei'na eh'ho, Sa ahol name ho ho' meja na'de ei'fading mih he'e, supi kadere ba'ma'a tamih he'e ,name supi u' ada a'hol ei horo lap. Sa supi a'ramateng; ⁸ Mang fe'de name'nu emaring sam nika o'diang leam, i'haai mih e'leme ba ma'a i'mimih he'e, name i'ri u'ada a'hol fe horo lap e;fe'de bang a'neng ma'a name o' mi iemota hodi e'maring am. ⁹ no' honi he'e,bang a'neng ma o'lap ma ara'mateng;o kadereho med ai ho'oro en sa tamih! Horo he'e, a'mala maniang puin toh sam eleme ka'ai lamang mi'mih. ¹⁰ Sobo mang fe'de name ie'maringam, i'sam name amot mi'mih, honi sa name maring a'hol he'e,sa u'bang ho; nodiail, a'tohsam e'leme no' hemoro mimih. Honi'e name a'ra na'ade apong a'dang mi, a'ada ahol med. ¹¹ Fe'de' name ba sa'no' lafining ho name a'no' lamang, sobo ai sa'no ka'ai lamang ho, name an'o lafining. MARING SAM NA'ADE SOBO FOIL UA'BOR ¹² No' name ba Yesus emaring sam na'ade ho aramateng; A'foil na'ade panen, sari ho'fed sah o'na'ade e'me, dil paka o na'ade so honi he'e, o tenangel, o diailbar,o name bang om mi, name o'abung, name kafac, honi nun ho, ha'ai emaring ho'na'de e.-fe'de supi uil-uil u' abor, supi foil e'maring sam supi ara ham-ham na'ade ¹³ Honi sobo ifoil diangso honi hee, name sah lahal, name falu falu, name tuung doh, name eng sah, honi horo i e'maring. ¹⁴ Sari horo ipanen honie, i untu ada med, fede' name honiho, supi iei o a'bor sah,i o abor medho, name abul tofang sofetang o'selmife, i o a'bor o'den med. LOFE SAM NA'DE ANO' UPAPAIN ¹⁵ Sari aiba ara na'de eho'ho matengpa'ho ma'eh, sa Yesus ara mateng; Nameba sel maeh tong Lahtal o'bang ommi roti adeho, untu ada med. ¹⁶ Sobo Yesus aiho aramateng; Ainu sa dilpaka o'na'de mate panen, sa name tofang o'lofe, ¹⁷ sam dilpaka ei na'de o'selmi, aiho soname baleta ahow sam name maring medho ara mateng; ho'ma,fede' barpi ara mejata a'mihing oham. ¹⁸ Sobo name maring med nunho, nubit alobit. Name aainang ubang; nadai dilmatenu felba, nasam e'dunfe. Honife haai ne'riing e'. ¹⁹ Den ubang, nadai sapi pasang ifihing felba, nasam malilfe. honiba haai ne'riing. ²⁰ Den ubang, nadai nika tafalfe, nasam sah. ²¹ Horo hee name baleta sabor sam sari na hoo barpi usotuang ara mateng .Horo o'tuang a'riing, sa soname baleta ara mateng; Hano ang! Bang ho' miteeng, sam se'bur a'ri'an, seta' omang; name sah lahal, name esah atang sah, name tu'ung doh, name engsah afel pala' barpi ara nolap ho'. ²² Horo name baleta aramateng; tuang nabafe bit, nabarpi panen oham sobo, eleme so oh dai ara eh, ²³ Tuang foil soname baleta ho ara mateng; Sam semate a'ri'an, seta'omang ari an. Name homi nun barpi a'dail ho'honie,sa nobang afeng. ²⁴ Na iramateng; nameba dai ehta Nomaringpa' med ho, pirnudi e'nonamejba usadia hoo, ade nene. YESUS A'TAAIN EI A'RAHAM ²⁵ Name tofang Yesus ara ham ham lame eh. No'Yesus sadimang supi e'dun aramateng; ²⁶ Namenu om Nolapma sobo, sofo somang ara sah nene, sodiail lote bar ob bar ara sah nene, mitata sofetang sa ugariang, honi hee, sasano' Nosakola sah. ²⁷ Mang ano horo, sa tabang bo' e'tefang nene sa Nata'ain, sasano' Nosakola sah. ²⁸ Anoso inai homi om bang aten uma, maa mi aaynang samih o'seng tofang denfe, puin bangho aten pir honiho, sa taan eme aai? ²⁹ Mangfede' sa e'panen honi nene, sa bangho fanderen no' e'a'ten pir nene, name o'asal. Name tofang ubangho aiho na a'ten eham sobo sa ano' pirsah. ³¹ Eme, afen taroso sam afen beng ara mali, sobo sa e'mih utaan sotur, o'bel lamuil rib ernu maa puin afen ari lafang ei bel lamuil ba rib eraloho hadomang no' eme aai? ³² Mang fede'sa afen beng hadomang toh sah, honi hee, ai ari lafang ho dai let hee, saso name tahow sam, honie supi mang sara no'feho, o'asala uta'ain. ³³ Iridi honi sobarpi, name pirnudi sano' Nosakola sah, mangfde' sa sona an anba eiho, sa abole sah. AHEIBA ABOLEAMHO NO'NENE ³⁴ Aheiho no, sobo o'ator suhuinam honi hee, nabafe puin akalafe, sa foil ator? ³⁵ Sari aheihho nanu ano' saham, fisam dil but leamdi sah, puin nate' namuding udafangdi sah, horo hee name ahel few. Ano a'fel ara ualepang, sei honi sa alepang.