¹ Pilatus Yesus med honie name ahow asahain. ² Soldaj nun banang o mang huding hanang ano' hide horo he'e med Yesus elafung tamang, no' horo he'e foiy kod ungu mate laiy med En mang. ³ Supi hod ma Yesus abung horo he'e ubang ho, "boo Yahudi o Afen!" Horo, supi Apongfa' mi ba'. ⁴ Pilatus foiy luling lehel horo he'e supi aramateng ubang ho, "Edun ema! Na Yesus fit luling lehel iyolap hel hunie i ahol bite na e O' ahal nu di ahul nene." ⁵ Horo, Yesus hide mang huding med kod ungu mate laiy putang luling lehel. Pilatus supi ara hu'tang ubang ho, "Aiy ho edun!" ⁶ Ho' araham imam-imam olafung med perwira nun Yesus edun, supi beat bite "Aiy ho hel haleng, Aiy ho hel haleng!" Huni sobo, Pilatus supi aramateng ubang ho, "I Aiy ho fit sam e iri so hel haleng fede' panen aten o ahal nu di na e' Abung ahol nene." ⁷ Yahudi hinung Pilatus o mateng abor ubang ho, "Ni hukung di ara, fe hukung eiy araham ho, Sari uil min asel Sa Sano' orupa Lahtal Aiy honi." ⁸ Ho araham Pilatus mang sari matengpa' ho maeh, sa mang baroc ta ⁹ horo sabor pengadilan bang om lemid, sa Yesus atan, "O usulu asala ho taromi ho?" Honin sobo, Yesus e o mateng abor nene. ¹⁰ Pilatus aramateng ubang ho, "Om e nara hu'tang umang nene? Ahal A e ahol nene bite nari ho'oro Ano' il luling he'e A il luling, Med Ari hel haleng he'e hel haleng?" ¹¹ Yesus ubang ho, "O hak ma naraham ha'aiy, honin sobo hak ho hetoro fe mi fit hel en. Horo eiy fe name ba Nalorang med en ho o doc mi mate." ¹² Mang sari naho ma'eh no', Pilatus Yesus ano' il luling o se'bur lap, sobo Yahudi hinung beat bite, "Mangfede' a Name ho' o ano' il luling, ari ho e Kaisar o tenang el nene." ¹³ Ho araham Pilatus mang hu'tang opa' ho ma'eh, sa Yesus fit luling lehel, horo sa pengadilan o kadere tamih, sari eleme nbu ho ani Litostrotos, sobo Ibrani o mateng mi ubang huni he'e bite Gabata. ¹⁴ Sel ho araham he' e sel sari sadia Paskah lefa eiy, ho'araham ho od talang o pata'. Pilatus Yahudi hinung arahu'tang ubang ho, "Ho'oro i Afen!" ¹⁵ Horo supi beat, "Aiy ho ahin alol! Aiy ho ahin alol! Aiy ho hel haleng!" Pilatus supi aramateng ubang ho, "Na so i Afen ho hel haleng fe?" Imam-imam o lafung ubang ho, "Niri ni afen ha'aiy seiylal Kaisar!" ¹⁶ O amuj mi, Pilatus Yesus alorang supi en hunie hel haleng. YESUS HEL HALENG ¹⁷ Yesus solo salib tefang hel lame mong eleme ba ani "Tengkorak eleme", ba Ibrani o mateng mi he'e bite "Golgota". ¹⁸ Hemomi, supi Name pir alo med Yesus ara hel haleng, hel haleng Yesus atang tani e fi'ing lol, hunie Yesus ham mi. ¹⁹ Pilatus di na nu hul hunie med taqbang bo' ta meng. Nahul ho o p' bite "YESUAS NAZARET HINUNG, YAHUDI HINUNG O AFEN." V 20 Yahudi hinung lafoh sari nahul ho ta'an asel Yesus hel haleng eleme ho kota abung, huninam fe nahul ho Ibrani, Latin med Yunani fe mi hul. ²¹ Horo, Yahudi hinung o Imam mate Pilatus ara mateng "H'aiy hul, 'Afen Yahudi,' sobo hul bite, Name ho'omubang ho, 'Nari ho' oro Yahudi hinung o Afen.'" ²² Pil;atus ubang ho, "Na ba na hulam ho so honi!" ²³ Soldaj nun, ho'araham mang Yesus hel haleng no' ho, O fen ho med horo he'e dalam o ut, habuden nu ho med soldaj nun arian, med o kod mate laiy hodi; kod mate laiy ho o kasing ha'aiy, mang diuw lafining mi hel lamang homi meng e harot nene. ²⁴ Soldaj nun ho sara hu'tang ubang ho, "Pi ha'aiy apeh e, sobo mang undi fe adoiy huni pi ahol bite ano so seiy le." Na ho' o ara fe hunie naba hul sura' bolang om mi meng am ho ano' an: "Supi no fen ho so anaiy mi dalam no' no kod mate laiy ho supi o undi adoiy." Maz. 22:18 Horoba soldaj nun na ho barpi panen am. ²⁵ Ho' araham ho, Yesus ofo, Yesus ofo o uding ob, Maria Klopas o ob, med Maria magdalena, O tabang bo' ho abung toh. ²⁶ Ho araham Yesus mang sofo med so sakola aiy ba sa ukarang ho edun, Sa sofo ara mateng ubang ho, "Ob bar, edun ema, ho' o, o aiy!" ²⁷ Horo he'e Yesus so Sakola aiy ba Sa ukarang ho ara mateng, "Ho' oro ife!" Ho'araham he'e sakola aiy ho Yesus ofo med arasam sobang mi. YESUS MIN ²⁸ Mang no' he'e Yesus ahol bite barpi ho panen oh an am, hunie sura' bolang ho no' an, Sa ubang ho, "No doro ta'at!" ²⁹ Homi ho bejana nu anggur aruhuin afeng ara tufeh. Horo he'e, supi bunga pe' ta ba med anggur aruhuin mi balam ho med ti'bur mi atuhuin no' med Yesus at mi aferokang. ³⁰ Mang anggur aruhuin ho palating no', Yesus ubang ho, "No' oh ham." Horo he'e, sa selafung arahel no' So a'eng alo rang. ³¹ Asel sel ho araham sel sari taro' om mi, hunie bein nun ho ha' aiy sel sabat ho mi so ti tahil eh e, fede' sel sabat ho he'e sel mate, Yahudi hinung Pilatus abang hunie name ba ti ta hil eh ho e'fa ahid hunie bein ho hel ti ho ta arahel. ³² Horo, soldaj nun ho' name a'ainang ho e'fa ahid med foiy onu ho ara, ba Yesus ara hel ti ta. ³³ Honi sobo, ho araham supi ho' Yesus abung edun he' e Yesus minam, supi e e'fa ahid nene. ³⁴ Sobo, soldaj nun ho o name nu bok med Yesus ato' mate mite', so horo he'e , fuiy med seiy sara tafoiy her. ³⁵ Name ba dun na ho ahol horo sari na ho'o u hu'tang, fe na ba sa u hu'tang ho' na abul, hunie iridi o atino' bit. ³⁶ Asel, na ho'oni ara fe sura' bolang om ho ano' an: "O tarop nu di ahid sah." ³⁷ Med foiy nu, sura' bolang beng om mi di ubang ho, "Supi Aiy ba te'am ho edun ata'ain." YESUS APOT ³⁸ Barpi ho mang no' Yusup Arimatea miho'', ba saridi Yesus o sakola aiy sobo tafuning-tafuning asel Yahudi hinung nun elbaroc, sa Pilatus abang huni e Yesus o benj ho med no; horo pilatus o mateng pa' ho u inung. Fe, Yusup ba Arimatea mi ho' ho Yesus o benj ho med. ³⁹ Nikodemus, aiy ba tur panapuin Yesus olap ho, hodi Mur e Gaharu o iping puin sara gau fito', o tarofe ho gram erifihing o pata'. ⁴⁰ Horo, supi Yesus o benj ho med no napah lenan puin baloiy na manem ernu med ta,orupa Yahudi hinung o hada damuhuin eiy alol ata'ain huni. ⁴¹ Yesus hel haleng eleme abung ho, hemang no' rupa nu ara, hemang no' rupa om ho mi ho dere habar nu hemomi oleh benj nu di name e med humi meng daiy. ⁴² fede' sel ho araham ho he'e Yahudi hinung o syel sari sadia, hunie dere eleme ho e let nene, supi Yesus o benj med hemomi meng.