¹ Ondaknyo lah satiap orang tunduk kepado pamarentah nang bakuaso korno tidak ado pamarentah nang tidak barasal dari Allah, pamarentah nang ado ditotapkan oleh Allah. ² Oleh korno tu, siapo pun nang manontang pamarentah, dio manontang katotapan Allah, dan mareko nang manontang akan mandatangkan hukuman atas dirinyo. ³ Karono, pamarentah tidak mambuek katakutan kepado nang babuek baek, tapi pado nang babuek jahat. Ondak kah kamu hidup tanpo raso takut tarhadap pamarentah? Korjokanlah apo nang elok, dan kamu akan manarimo pujian darinyo. Tapinyo, bilo kamu mangorjokan apo nang jahat, takutlah, korno bukannyo tak ado alasan pamarentah manyandang podang. Mareko adolah palayan Allah, panuntut balas nang manjalankan murko Allah kepado orang nang babuek jahat. ⁵ Karono tu, kamu harus tunduk, bakan sajo karono murko Allah, tapi jugo karono hati nurani. ⁶ Itulah alasannyo kamu jugo mambayar pajak, korno mareko adolah palayan-palayan Allah nang manghambokan dirinyo buek hal tu. ⁷ Bagikanlah kepado samuo apo nang harus kamu bagi; pajak kepado nang barhak manarimo pajak, cukai kepado nang barhak manarimo cukai, raso takut kepado orang nang barhak manarimo raso takut, dan hormat kepado nang barhak manarimo hormat. ⁸ Jangan barutang apopun kepado siapo pun, tapi kasihilah satu samo nang laen korno orang nang mangasihi sasamonyo udah manggonapi Hukum Taurat. ⁹ Karono, "Jangan bazinah, jangan mambunuh, jangan mancuri, jangan mangkahondaki ¹⁰ Kasih tidak mangorjokan kajahatan kepado sasamo manusio. Korno tu, kasih adolah panggonapan Hukum Taurat. ¹¹ Bagitulah pulaknyo, kamu mangatahui waktunyo buekmu saat kinin untuk bangkit dari tidor; karono kinin kasalamatan udah talobih dokat buek kito daripado waktu partamo kali kito porcayo. ¹² Malam udah lewat dan siang udah dokat, korno tu mohlah kito mambuangkan parbuatan-parbuatan kagolapan dan mamake parlongkapan sonjata torang. ¹³ Ayolah kito hidup dongan sopan kek waktu siang hari, bukan dalam pesta pora dan kamabukan, bukan dalam parcabulan dan hawa nafsu, dan bukan dalam partongkaran jugo iri hati. ¹⁴ Akan tatapi, konakanlah Tuhan Yesus, dan jangan kau rawat tubuhmu buek mamuaskan kahondakmu.