¹ Karono tu, sudaro-sudaro, oleh kamurahan Allah, aku mamintak kepadomu, bak supayo kamu mamparsombahkan tubuhmu sabage parsombahan nang hidup, nang suci dan nang barkonan kepado Allah; itulah panyombahanmu rohanimu. ² Jaganlah manjadi srupo dongan dunio ni, tapi barubahlah oleh pambaruan akal budimu sahinggo kamu biso mambedokan manokah kahondak Allah, apo nang baek, nang barkonan kepado Allah, dan nang sampurno. ³ Karono, malalui anugrah nang udah dibagikan kepadoku, aku bacakap kepado satiap orang di antaro kamu supayo jangan mamikirkan hal-hal nang talobih tinggi daripado nang dio harus pikirkan, tapi tiap-tiap orang bapikirlah dongan panilaian nang jornih sasuai ukuran iman nang Allah udah bagikan. ⁴ Korno, macam sabuahtubuh, kito mampunyoi banyak anggota, tapi masing-masing tidak mampunyoi tugas nang samo. ⁵ Bagitu jugo kito, walopun banyak, tapi adolah satu tubuh dalam Kristus. Dan, masing-masing kito adolah anggota buek nang laen. ⁶ Kito mampunyoi anugrah nang bedo-bedo manurut anugrah nang dibagikan kepado kito. Bilo dalam banubuat, baeklah kito manggunokannyo sacaro pantas samo iman kito. ⁷ Bilo buek malayani, biarlah dio malayani, ato dalam pangajaran, biarlah dio mangajar. ⁸ Ato, bilo manghibur, biarlah mambagi panghiburan, bilo dio mambagi, biarlah dio mambagikan dalam kamurahan hati, bilo mamimpin, biarlah mamimpin dalam kasungguhan, bilo dio manunjukkan bolas kasihan, biarlah dio malakukannyo dongan sukocito. ⁹ Ondaknyo kasih tu tidak pura-pura. Boncilah nang jahat, dan bapoganglah [pado apo nang baek. ¹⁰ ondaknyo kamu saling mangasihi dongan kasih parsaudaraan dan saling mandului dalam mambagi hormat, ¹¹ jangan karajinanmu malombek, ondaknyo rohmu manyalo-nyalo, dan layanilah Tuhan. ¹² Basukocitolah dalam pangharapan, tabahlahdalam kasusahan, dan batokunlah dalam doa! ¹³ Ambek bagianlah dalam mancukupi kabutuhan orang-orang suci, barusaholah dalam manunjukkan karamahan. ¹⁴ Borkatilah mareko nang manganiayo kamu, borkatilah dan jangan mangutuk! ¹⁵ Basukocitolah samo mareko nang basukocito dan manangislah basamo mareko nang manangis. ¹⁶ Punyoilah opikiran nang samo satu samo nang laen. Jangan mamikirkan hal-hal nang talobih tinggi, malaenkan bargaullah samo mareko nang dianggap rondah. Janganlah manganggap dirimu bijak. ¹⁷ Jangan balaskan kepado siapopun kajahatan dongan kajahatan. Pikirkanlah apo nang baek di mato samuo orang. ¹⁸ Bilo mungkin, kalo itu bagantung samo kau, hiduplaah dalam dame samo samuo orang. ¹⁹ Sudaro-sudaroku nang kakasih, janganlah pulak kamu sandiri mambalas dondam, tapi bagikanlah tompat buek morko Allah. Karono, ado tartulis, "Pambalasan adolah hak-Ku, Akulah nang ondak mambalasnyo," firman Tuhan. ²⁰ Sabaliknyo, bilo musuhmu kabuluran, bagilah dio makan, dan bilo musuhmu haus, bagilah dio minum,. Dongan malakukan ni, kamu manumpukkan baro api di atas kapalonyo." ²¹ Jangan kamu dikalahkan samo kajahatan, tapi kalahkanlah kajahatan dongan kabaekan.