¹ Tarimolah orang nang lomah imannyo, tapi bukan ondak mambantah pandapatnyo. ² Ado orang nang yakin kalo dio biso makan samuo jonis makanan, tapi orang nanglomah imannyo cuma makan sayuran sajo. ³ Orang nang makan janganlah manghino orang nang tak makan, dan orang nang tidak makan jangan manghakimi orang nang makan, korno Allah udah manarimo dio. ⁴ Siapolah kamu sahinggokan kamu manghakimi hamba orang laen? Antah adiri atopun jatuh, itu ursan tuannyo sandiri. Dan, dio akan bangkit karono Tuuhan sanggup mambueknyo bangkit. ⁵ Ado orang nang manganggap satu hari lobih ponting daripado hari nang laen, samantaro nang laennyo manganggap samuo hari samo sajo. satiap orang ondaknyo bonar-bonar yakin dalam hatinyo sandiri. ⁶ Orang tu nang mamontingkan hari nang pasti, mamomtingkannyo buek Tuhan. Dan mareko nang makan, makan buek TUhan korno dio mangucap syukur kepado Allah. Bagitu pulak mareko nang tak makan, mareko tak makan buek Tuhan dan mangucap syukur kepado Allah. ⁷ Karono, tak ado saorang pun dari kito nang hidup buek dirinyo sandiri, dan tak ado saorang pun nang mati buek dirinyo sandiri. ⁸ Karono, bilo kita hidup, kitahidup buek Tuhan, ato bilo kito mati, kito mati buek Tuhan. Jadi, antah kito hidup ato mati, kito adolah miliknyo Tuhan. ⁹ Karono untuk itulah Kristus mati dan bangkit, bak supayo Dio manjadi Tuhan, baek buek orang-orang mati atopun orang-orang hidup. ¹⁰ Tapinyo, kenapo kamu manghakimi sudaro-sudaromu? Ato, kenapo kamu anggap rondah sudaromu dongan manghinokannyo? Korno, samuo kito akan badiri manghadap tahta pangadilan Allah. ¹¹ Korno ado tartulis, "Oleh korno Aku hidup, firman Tuhan, satiap lutut akan manyombah kepado-Ku, dan satiap lidah akan mangaku kepado Allah. ¹² Jadi, satiap kito akan mambagikan partanggungan jawab tontang dirinyo sandiri kepado Allah. (Jangan Mambikin Orang Laen Badoso) ¹³ Korno tu, janganlah kitasaling manghakimi, tapi talobih elok batekad untk tidak mambuek panghalang ato sabuah batu sandungan buek sudaro kito. ¹⁴ Aku mengatahui dan uda diyakinkan dalam Tuhan Yesus bahawa tak ado sasuatu pun nang najis dari hal tu sandiri, tapi buek orang nang manganggap kalo sasuatu adolah najis, hal manjadi najis buek dirinyo sandiri. ¹⁵ Karono, bilo hati sudaromu taluko korno sasuatu nang kau makan, kamu tak lagi hidup sasuai kasih. Janganlah kau mambinasokan dio dongan makananmu tu, karono Kristus jugo udah mati bueknyo. ¹⁶ Korno tu, jangan biarkan apo nang kamu anggap baek difitnah sabage sasuatu nang jahat. ¹⁷ Korno Karajaan Allah buannyo tontang makan dan minum sajo, tapi tontang kabonaran, dame sojahtorah, dam suko cito dalam Roh Kudus. ¹⁸ Korno siapopun nang malayani Kristus dongan caro ni, dio barkonan kepado Allah dan dihormati manusio. ¹⁹ Jadi, moh lah kito kojar hal-hal nang mandatangkan dame sojahtorah dan mambangun satu samo nang laennyo. ²⁰ Jangan marusak korjoan Allah dongan makanan! Sagalo sasuatu halal, tapi nang jahatlah buek sasaorang nang makan dan mambuek orang laen badoso. ²¹ Lobih baek tak makan daging ato minum anggur, ato mangorjokan hal laen nang biso mambuek sudaromu tasandung. ²² Kayakinan nang kamu punyoi, pogagnglah tu buek dirimu sandiri didopan Allah. Barbahagialah orang nang tidak manghakimi dirinyo sandiri buek apo nang dianggapnyo baek. ²³ Akan tatapi, arang nang sangsi akan dihukum bilo dio makan, korno dio tak makan dongan iman; dan sagalo sasuatu nang bukan dari iman adolah doso.