¹ Selanjutnyo, samuo orang tu togak la, dan mambawo Yesus kadopan Pilatus. ² Dan mulai la orang tu manuduh Yesus dongan bakato,''Kami manjumpai orang ni manyosatkan bangso kami jugo malarang kami ondak mambayar pajakpado Kaisar, samo mangatokan bahwo dialah kristus, saorang Rajo.'' ³ Pilatus batanyo pado Yesus,''Engaka Rajo orang Yahudi.''Yesus manjawab,''Itu nan manyatokan.'' ⁴ Salanjutnyo, pilatus bakato pado imam-imam kapalo jugo orang rame," awak tak manomukan kasalahan pado orang ni." ⁵ Namon domikian, orang tu manuntut sambil bakato dongan koras " Dio mambujuk orang-orang samo ajaran-Nyo disamuo wilayah Yudea muloi dari Galilea sampe kasini!" ⁶ Sawaktu Pilatus mandongar pakaro tu, dio batanyo apokah Yesus orang Galilea. ⁷ Satolah dio tau Yesus barasal dari wilayah kakuasaan Herodes, pilatu pun mangirim Yesus pado Herodes nan saat tutongah barado di kota Yerusalem. ⁸ Sawaktu Herodes manengok Yesus, dio mandongar banyak pakaro tontang Yesus sobab dio baharap biso manengok mujizat nan buek Yesus. ⁹ Lantas Herodes mananyoi Yesus dongan banyak patanyoan, tapi Yesus tak manjawab apopun. ¹⁰ Imam-imam kapalo samo ahli-ahli Taurat nan tatogak disano manuduh Yesus dongan amat songit." ¹¹ Bahakan, Herodes dan paro laskarnyo mangejek samo manyopelekan Yesus. lopas tu mamakekan jubah nan indah lantas, mangirim-Nyo balek pado Pilatus. ¹² Konon, Pilatus samo Herodes bamusuhan tapi pado hari tu orang tu bakawan. ¹³ (PILATUS GAGAL MAMBEBASKAN YESUS) Salanjutnyo, Pilatus mangumpulkan imam-imam kapalo paro pamimpin Yahudi jugo orang rame. ¹⁴ Lantas bacakap samo orang tu, " kau mambawo orang ni pado awak sabagai saorang nan manyosatkan orang rame. Namun domikian sawaktu awak mangadili-Nyo di dopan kau, awak tak manomukan kasalahan saporti nan kau tuduhkan pado-Nyo. ¹⁵ Herodes jugo tak manomukan kasalahan-Nyo, sahinggo dio mangirim orang ni balek pado kit. tengok la, Dio tak mambuek kasalahan nan layak dihukum mati. ¹⁶ Karono tu, awak ondak mambante-Nyo sabagai hukuman-Nyo dan akan malopaskan-Nyo." ¹⁷ [Pado satiap hari paskah, Pilatus mosti malopaskan saorang tahanan buek orang rame.] ¹⁸ Namon domikian, orang rame tu manjorit basamo-samo "bahambus la orang ni! lopaskanlah Barabas buek kami!" ¹⁹ [ Barabas adolah saorang nan dipanjaro karono talibat waktu pambarontakan di kota jugo mambunuh orang.] ²⁰ Karono Pilatus ondak mambebaskan Yesus mako, sakali lagi dio batanyo pado orang rame. ²¹ Namun, orang tu totap manjorit "salibkan Dio! salibkan Dio!" ²² Buek katigo kalinyo Pilatus batanyo pado orang tu " mangapo? kajahatan apo nan di buek orang ni? Dio tak basalah. awak tak manomukan kasalahan apopun pado-Nyo nan mambuek Dio manarimo hukuman mati. karono tu awak ondak mambante-Yo lantas malopaskan-Yo." ²³ Tapi orang tu torus bagingging dan manuntut, samo suaro nan nyaring supayo Yesus disalibkan, dan suaroorang tu pun monang. ²⁴ Ujung-ujungnyo, Pilatus mamonuhi tuntutan orang tu. ²⁵ Dio malopaskan orang nan di pintak orang rame tu, nan dipanjaro korono mambuek pambarontakan samo mambunuh orang, namun manyorahkan Yesus samo kamauan orang tu. ²⁶ Sawaktu paro laskar mambawak Yesus pogi, orang tu jugo manahan sasaorang, yaitu Simon dari kirene nan baru datang dari deso. Paro laskar tu malotakkan salib Yesus dipundaknyo jugo manyuruhnyo mamikul salib tu di bolakang Yesus. ²⁷ Rame orang mangekori Yesus jugo diantaro orang tu ado batino-batino nang manangisi dan maratapi Dio. ²⁸ Namun domikian, Yesus manoleh pado orang tu dan bacakap, " oii putri Yerusalem, tak usah ko manangisi Awak. manangis la buek budak-budak kau jugo diri sandiri. ²⁹ Ondak datang masanyo sawaktu orang-orang ondak bacakap." bahagiola batini-batino nan mandul, jugo nan rahimnyo tak pornah malahirkan anak, samo nenennyo nan tak pornah manetekkan." ³⁰ Pado saat tu la orang tu ondak bakato samo gunung-gunung;runtuh la ka atas kami!jugo samo bukit-bukit;timbun la kami! ³¹ Sobab,apabilo orang tu mambuek pakaro-pakaro ni sawaktu pohon masih hidup,apo nan ondak tajadi sawaktu pohon koring? ³² Ado jugo duo orang bandit nan dibawo ondak dihukum mati basamo dongan Yesus, ³³ Sawaktu orang tu sampe ditompat nan banamu"tengkorak"paro laskar menyalibkan Yesus basamo bandit tu,saorang disabolah kanan-Nyo samo saorang lagi disabolah kiri-Nyo. ³⁴ Lantas bacakap la Yesus,"Ya,Bapa,ampunila orang tu,sobab orang tu tak tau apo nan dibueknyo"Lalu paro laskar tu mambuek undi diantaro orang tu ondak mambagi bagikan baju -Nyo. ³⁵ Orang rame nan togak disano manonton samuonyo tu,namun paro pamimpin Yahudi mangejek Yesus,sambil togak orang tu bacakap,"Dio manyalamatkan orang disano laen,jiko dio adolah Kristus nan dipilih Allah jadi biar la dio sandiri nan manyalamatkan diri-Nyo. ³⁶ Paro laskar tu pun mangejek dio,kamudian orang tu datang samo manawarkan anggur asam pada-Nyo. ³⁷ Jugo bakato "Jiko Engko Rajo orang Yahudi salamatkan la diri-Mu sandiri. ³⁸ Dan, ado jugo tatulis diatas-Nyo;"Ini la Rajo Orang Yahudi." ³⁹ Salah saorang dari bandit nan tagantung disano manghina Yesus, karanyo,"Bukan ka Engko Kristus? salamatkan la diri -Mu jugo kami." ⁴⁰ Namun domikian, bandit nan satu nyo lagi manogur dan bakato,"Tak takut ka ko pado Allah sobab ko jugo manarimo hukuman nan samo? ⁴¹ Kito memang dah sapatutnya la manarimo sasuei samo apo nan dah kito buek,tapi orang ni tak mambuek salah apopun" ⁴² Lalu dio bacakap pado Yesus, ingat la awak sawaktu Engko masuk kadalam karajaan-Mu" ⁴³ Lantas Yesus bakato padanyo,"Aku mangatokan nan sabotulnyo samo ko, hari ni ko basamo Aku di dalam Firdaus." ⁴⁴ Waktu tu sakitar pukul 12 siang.Awan golap pun manutupi samuo daerah tu sampe pukul 3 sore. ⁴⁵ Sobab matahari dah jadi golap dan tirei dalam Bait Allah takoyak duo. ⁴⁶ Lalu Yesus baseru dongan soara nan koras."Ya Bapa,kedalam tangan-Mu Ku sorahkan nyawa-Ku."Lopas mangatokannyo,Yesus mangombuskan napas-Nyo nan pangabisan. Sawaktu kapalo pasukan manengok apo nan tajadi, dio mamuliokan Allah sambil bakato,"Botul,orang ni tak basalah." ⁴⁸ Sawaktu orang rame nan datang ondak manengok kajadiantu,basamo-samo manonton apo nan tajadi,orang tu pun pulang sambil manopuk-nopuk dadonyo. ⁴⁹ Samuo nan mangonal Yesus samo babarapo parampuan nan tolah mangekori-Nyo dari Galilea tatogak la jauh-jauh dan manengok pakaro-pakaro tu. ⁵⁰ Ado saorang laki-laki banamo Yusuf,anggota dewan panasehat,nan elek jugo botul. ⁵¹ (Dio sandiri tak satuju samo kaputusan jugo kalakuan orang tu) Yusuf barasal dari Arimatea sabuah kota orang Yahudi.Dio jugo saorang mananti-nantikan karajaan Allah. ⁵² Dio pogi manjumpoi Pilatus samo maminta mayat Yesus. ⁵³ Lalu,diopun manurunkan mayat Yesus dari kayu salib dan mambungkusnyo samo kaen Linen.Lopas tu,dio mambaringkan-Nyo dalam sabuah kubur nan dipahat pado bukit batu.Disano bolum pornah ado saorangpun nan dibaringkan. ⁵⁴ Pado hari tu adolah hari parsiapan dan hari sabat ondak dimuloi. ⁵⁵ Parampuan nan datang basamo Yesus dari Galilea mengekori Yusuf.Orang tu manengok gek mano mayat Yesus dibaringkan didalam kubur tu. ⁵⁶ Lopas tu ,orang tu pulang dan manyiapkan rompah-rompah jugo minyak ondak mangolesi mayat Yesus.Pado hari sabat beristirahat la orang tu manurut hukum Taurat Musa.