¹ Habis tu, Yesus manotapkan tujuh puluh orang pangikut-Nyo dan mangutus orang tu pogi baduo-duo untuk mandului-Dio ka satiap kota dan tompat nang ondak di kunjungi-Nyo. ² Kato-Nyo samo orang tu, "Memanglah nang malimpah hasil panen, tapi nang korjo cuma sadikit. Korno tu, mintaklah samo Tuan nang punyo panenan tuh bak ditambah pakorjo-pakorjo buek mangumpulkan hasil panen-Nyo." ³ "Pogilah! Aku mangutus kamu macam anak domba di tongah-tongah kalompok sarigalo. ⁴ Jangan mambawak kantong uang, tas, atau solop. Dan, jangan manyapo siapo pun di jalan. ⁵ Ka rumah manopun nang kamu masuk, bilangkanlah salam talobih dulu, "Damai sojahtorah di rumah nih.' ⁶ Bilo orang nang ado di situ cinto damai, damai sojahtorahmu akan tinggal di dio, tapi kalo tidak, damai sojahtorahmu tu balek samo kau. ⁷ Tinggallah di rumah tu. Makan dan minumlah apo nang disiadiokan orang tu buek mu, karono saorang pakorjo layak mandapatkan upahnyo. Jangan bapindah-pindah dari satu rumah ka rumah nang laen. ⁸ Tiap kali kau masuk ka sabuah kota dan disambut samo orang-orang di sanan ko, makan sajolah makanna nang disajikan orang tu di dopan ko. ⁹ Sombuhkan orang-orang sakit di sanan, dan bilangkan samo orang tu, 'Karajaan Allah sudah dokat samo kau.' ¹⁰ Tapinyo, bilo kamu masuk ka sabuah kampung dan orang-orang di sanan tak manyambut ko, pogilah ka jalan-jalan di kota tu dan bilang, ¹¹ Lanjar dobu dari kotamu nang manempel di kaki kami ondak kami kobaskan di dopan ko. Tapi, ingatlah ni: Karajaan Allah udah dokat.' ¹² Awak bacakap kepado kamu: pado hari tu, tanggungan Sodom akan jadi talobih ringan daripado tanggungan kota tu." ¹³ "Cilakolah kau, Khorazim! Sakiranyo Aku mangorjokan mukjizat-mukjizat nang sarupo di Tirus samo Sidon, hinggo orang tu pasti sudah lamo batubat sambil duduk dan mamakek kaen kabung jugo abu. ¹⁴ Akan tatpi, pado waktu panghakiman, tanggungan Trus dan Sidon talobih ringan daripado tanggungan ko. ¹⁵ Dan kamu, Kapernaum, apokah ko akan diangkat ka surgo? Tidak, ko akan dicampakkan ka dunio orang mati! ¹⁶ Siapopun nang mandongarkan ko, mandongarkan Aku. Tapinyo, siapo nang manolak ko, dio manolak Aku jugo. Dan, sipo manolak Aku, dio manolak Dio nang mangutus Aku." ¹⁷ (Taun-taun Tunduk samo Pangikut Yesus) Torus katujuh puluh pangikut tu balek dongan sonangnyo sambil bacakap, "Tuhan, taun-taun pun tunduk kepado kami dalam Namo-Mu." ¹⁸ Yesus bacakap kepado orang tu, "Aku tengok Iblis tacampak dari langit macam kilat. ¹⁹ Mangortilah odaknyo ,Aku sudah bagikan samo ko kuaso buek maginjak ular dan kalajengking, jugo kuaso atas segalo kakuatan musuh. Takkan ado nang manyakiti kamu. ²⁰ Tapinyo, janganlah ko basukacito korno roh-roh tu tunduk samo ko, tapinyo basukocitolah karono namo ko tacatat disurgo." ²¹ Pado sat tu, basukocitolah Yesus di dalam Roh Suci dan bacakap, "Awak basyukur kepado-Mu AYAH, Tuhan langit dan bumi, karono Engkau surukkan parkaro-parkaro ni dari orang bijaksano dan pintar. Tapi pulak, Engkau manunjukkannyo kepado budak kocik. Ya AYAH, korno itulah nang barkonan dihadapan-Mu." ²² AYAH-Ku sudah manyorahkan segalo sasuatu kepado-Ku dan tak saorang pun nang manangonal Anak salain AYAH. Dan, tak sorang pun nang mangonal AYAH, kacuali Anak jugo orang-orang nang kepadonyo Anak barkonan manyatokannyo." ²³ Torus, barpalinglah Yesus kepado murid-murid-Nyo dan bacakap kepado orang tu sacaro sandiri, "Barbahagiolah mato nang manengok apo nang kamu tengok, ²⁴ korno Awak bilangkan kepado ko; nang banyak-an nabi dan rajo nang ondak bonr ,manengok apo-apo hal nang kalian tengok kinin. Jugo, ondak sangat mandongar parkaro-parkaro nang kau dongar kinin, tapi orang tu tak mandongarnyo." ²⁵ Lantas, tengok, saorang ahli Hukum Taurat togak ondak mancuboi Yesus, katonyo, "Guru, apo nang harus awak korjokan bak mandapatkan hidup nang kokal?" ²⁶ Jawab Yesus kepadonyo, "Apo nang tatulis dalam Hukum Taurat? Apo nang kamu baco didalamnyo?" ²⁷ Jawab aorang tu, "Kasihilah Tuhan, Allahmu, dongan sagonap hatiko, dongan sagonap jiwako,dongan sagonap akal budiko, Dan, kasihilah sasamomu manusio macam kamu mangasihi diri sandiri." ²⁸ Yesus bacakap samo dio, "Jawaban kau tu topat. Korjokanlah tu, mako kamu akan hidup." ²⁹ Akan tatapi, orang tu ondak mambonarkan dirinyo, lantas dio bacakap kepado Yesus, "Jadi siapo pulak saasamoku manusio tu?" ³⁰ Dijawab Yesus lah itu dan bacakap, "Adolah saorang nang turun dari Yerusalem ka Yerikho, dio jatuh ka tangan para parampok nang marampas bajunyo dan manggimbal dio, torus mambiarkannyo tagalotak dan sakarat ondak mati. ³¹ Topat pulak, saorang imam malalui jalan tu. Pas ditengoknyo orang tu, lanjar pogi sajo dio bajalan di samping jalan nang laen. ³² Bagitu jugo nang di buek oleh saorang Lewi, pas datang ka tompat tu dan manengok orang tu, dilewatinyo sajo bajalan dari samping jalan nang laen. ³³ Tapi baya, ado sorang Samaria nang dalam parjalanan lalu di situ. Dan, pas ditegoknyo orang tu, ibo pulak lah dio baya kepadonyo. ³⁴ Lantas, orang Samaria tu mandokatinyo, dan mambalut luko-lukonyo. Mangoleskan minyak samo anggur,torus dinaekkanyo orang tu ka atas kalodainyo dan mambawaknyo ka sabuah panginapan, lantas marawat orang tu. ³⁵ Besoknyo, orang Samaria tu mangaluarkan duit 2 dinar dan mambagikannyo kepado panjago panginapan tu dan cakapnyo, ''Rawatkan lah orang nang taluko nih. Dan barapopun kau habiskan duit untuk dio,awak gantikan nanti pas awak datang balek.'' ³⁶ Lantas, Yesus bacakap, "Manurut kau, siapolah di antaro katigo orang tu nang manjadi sasamo manusio buek orang nang jatuh ka tangan para parampok tu?" ³⁷ Jawab ahli Taurat tu, "Orang nang manunjukkan bolas kasihan kepadonyo." Torus kato Yesus, "Pogilah dan bueklah parkaro nang samo." ³⁸ Katiko orang tu dalam parjalanan, Yesus masuk ka sabuah kampung dan sorang parompuan banamo Marta manyambut Yesus di rumahnyo. ³⁹ Mafrta mampunyoi sudaro parompuan banamo Maria nang ontok di dokat kaki Yesus dan mandongarkan pangajaran Yesus. ⁴⁰ Akan tatapi, Marta nang sibuk mangorjokan samuo karojoan nang ondak di salosekan. Marta pun mandokat pado Yesus dan bacakap, "TUhan, tak padulikah Engkau kalo sudaro parompuanku mambiarkan awak sandirian mangorjokan samuo korjoan ni? Bilangkan lah bak dio mambatu awak!" ⁴¹ Tapinyo, Tuhan manjawab, "Marta, Marta, kamu takut dan mamusingkan diri dalam banyak parkaro. ⁴² Cumo satu parkaro nang ponting. Maria udah mamilih bagian nang lobih baek, dan bagiannyo tu tak akan paronah dirampas dari dio."