¹ Di panggillah kaduo bolas murid-Nyo lalu dibagilah orang tu ilmu bak kamampuan supayo mangusir roh-roh ta'un dan manyombuhkan panyakit. ² Dio mangutus orang tu mangkasihtau tontang karasiaan Allah dan mamulihkan. ³ Kato-Nyo samo orang tu, " jan bawo apo-apo yo di jalan, jan bawo tongkat, tas, kue, duit, duo bijik baju pun jangan. ⁴ Di rumoh sapo sajo kalian masuk, ontok sajo kamu disanan sampe kalian pogi dari tompat tu. ⁵ Bagi orang tu nang tak ondak manarimo kalian, pogi sajo dari kota tu dan kobaskanlah dobunyo dari kaki kalian supayo jadi tando bagi orang tu. ⁶ Lalu hombuslah samuo rosul dan baputar kadesa-desa sambil mangkobarkan Injil bak manyombuhkan orang-orang sakit dimano sajo. ⁷ Herodes sang raja wilayah, mandongar tontang samuonyo tu heranlah dio karono banyak orang mangatokan kalao dio tu Yohanes pembatis nang tolah bangkitdiantaro orang mati. ⁸ nang lain lagi bakato bahwo Elia sudoh nampak lagi, ada jugo nang bakato bahwa saorang dari para nabi nang hidup dijaman dulu sudah bangkit. ⁹ Bakatolah Herodes , " abah tapi sudoh kuponggal kapalo Yohanes jadi sisiaponyo orang ni jang nang tontang-Nyo kudongar kabar nang macam ni? jadi sangat inginlah Herodes ni bajompo samo Yesus. ¹⁰ Katiko para rosul balek, dicaritokan orang tu lah samo Yesus tontang samuo-Nyo nang sudah mareko buek dan dio mangajak orang tu supayo manyadari kasabuah kota kota banamo Betsaida. ¹¹ Akan totapi, banyak orang mangatahui hal itu dan orang tu pun mangikuti-Nyo, jadi, sambil manyambut orang tu, bekatolah Yesus samo orang tu tontang karojoan Allah dan jugo orang nang manginginkan kasombuhan. ¹² katiko haru sudah golap, datanglah kaduo bolah murid-Nyo dan bakato suruhlah orang-orang tu bapogian biar dicari orang tu tompat makan samo tompat tidur-Nyo, karono disini sunyi sonyap tak ado orang. ¹³ tapi Yesus bakato samo orang tu, " kalian lah mambagi orang tu makan. " di jawab murid-murid-Nyolah " kami cumo mampunyai limo roti dan duo ikan, tapi bilo kami pogi mamboli makanan samo orang ni samuo. ¹⁴ di sanan kiro-kiro ado sakitar limo ribu orang laki-laki , bakatolah Yesus samo murid-murid-Nyo, " suruhlah orang tu duduk bakalompok-kalompok ¹⁵ Di buek orang tu lah saporti nang di suruh Yesus samo orang tu dan manyuruh samuo orang tu duduk. ¹⁶ jadi, di ambek Yesuslah limo roti dan duo ikan tu, mangankat kalangit, mamborkahi-Nyo, mamocah-mochkannyo, dan mambagikannyo samo para murid sahinggo orang tu mangadiokannyo samo orang banyak. ¹⁷ Dan makanlah orang tu samuo sampek konyang. lalu dikumpulkanlah siso-siso potongan kueh tu ado duo bolas karanjang ponuh. ¹⁸ Pada suatu kali katiko Yesus sodang badoa saorang diri, murid-murid-Nyo ado basamo dongan-Nyo, jadi batanyolah Dio samo orang tu, " di bilang orang banyak siaponyo Aku ni? ¹⁹ Jawab orang tu, " Yohanes pembaptis, nang lain mangkatokan Ellia, dan banyak membilangkan Engkau adalah salah satu nabi-nabi nang pada zaman dulubangkit lagi," ²⁰ lalu, bakatolah Yesus samo orang tu , " kolo manurut kamu yo, siapo nyo Aku ni? jawab Petrus lah, Engkau adolah Kristus dari Allah." ²¹ tapi, Yesus manogur orang tu dongan koras dan manyuruh orang tu supayo tak mambagi tau samo sapo sajo tontang hal ni. ( Yesus mambagi tau kamatian-Nyo) ²² lalu bakatolah Yesus, " Anak manusio harus mandarito banyak cobaan saporti ditolak oleh tuo-tuo, imam-imam, imam kapalo, dan ahli-ahli taurat, lalu dibunuh dan akan dibangkitkan pado hari nang katigo." ²³ Bakatolah Yesus samo orang tu samuo, " jika sasaorang ingin mangikut Aku, dio harus manyangkal dirinyo sandiri dan mamikul salibnyo satiap hari, bak mangikut Aku. ²⁴ sobab sapo sajo nang barusaho manyalamatkan nyanyonyo, pasti hilang nyawanyo, tapi, sapo sajo nang hilang nyawanyo karono Aku, dio manyalamatkan nyo. ²⁵ tak ado untungnyo da jika saorang mampunyai samuo dunio ni, tapi mati atau kahilangan nyawanyo sandiri? ²⁶ sapo sajo nang malu karono Aku dan parkatoan-Ku, Anak manusio pun malu manganggap orang tu katiko Dio datang dalam kamuliaan-Nyo dan kamuliaan Ayah-Nyo sorta paro malaikat kudus-Nyo. ²⁷ Aku katokan yo nang ado sabonarnyo samo kamu yo, biar tau kau diantaro kau ni nang togak disini ado nang tak mati sabolum manengok karajaan Allah, " ²⁸ Kiro-kiro, sudoh disampekkan Yesuslah samuo pangajaran-Nyo tu di ajak-Nyolah Petrus, Yohanes, dan Yakobus naek ka gunung supayo badoa. ²⁹ Saat Yesus sedang badoa, barulah muko-Nyo manjadi putih bakiloan. ³⁰ Kamudian, duo orang sedang bacakap samo dio tanyato otang tu baduo adolah Musa dan Elia, ³¹ nang manampakkan diri dalam kamuliaan dan bacakap samo Yesus tontang kamatian-Nyo akan sagora digonapi di Yerusalem. ³² pada waktu tu, Petrus dan kawan- kawannyo sodang ngantuk bonar, tapi katiko orang tu botul-botul sudoh bangun, di lihat orang tu lah kamuliaan Yesus dan duo orang nang togak basamo-samo dongan Dio. ³³ Katika Musa dan Elia sudoh maninggalkan Yesus, bakatolah Petrus, " Guru, eloklah kito totap disinin, kami dirikan yo tigo kemah sabijik samo-Mu, sabijik samo Musa, dan sabijik samo Elia," tapi, Petrus ni tak tau apo nang dikatokannyo tu. ³⁴ Katiko Petrus sodang magatokan pasal tu, didatangi awanlah orang tu masuk kadalam awan tu. ³⁵ Tadongar orang tu lah suaro dari awan tu, " Dio inilah Anak-Ku, Diolah nang kupilih dongarkanlah Dio." ³⁶ Sasudoh baronti suaro-Nyo tu, didapati Yesuslah cumo saorang diri, orang tu marahasiokannyo dan tak mangkasih tau sorang pun pado hari-hari tu tontang apo nang ditengok orang tu. ³⁷ Jumpolah besok harinyo, katiko orang tu turun dari gunung, sarombongan bosar orang banyak orang datang kapado Yesus. ³⁸ Tibo-tibo ado saorang dari orang- orang banyak tu batariak, " awak mintak samo kau, tengoklah dulu anakku nang satu-satunyo ni. ³⁹ Tengoklah, ado roh nang manguasainyo, tibo-tibo dio manjirit-jorit roh tu jugo mangguncang-guncangkannyo sahinggo muncungnyo babusa, salalu disakiti roh tu dio dan tak mau pogi dari dio. ⁴⁰ Udah kusuruhnyo murud-murid-Mu tu supayo mangusirnyo, tpi tak mampan orang tu mangusirnyo, " ⁴¹ Jawab Yesus, " woi, kamu gonorasi nang tak pacayo dab nang sosat! barapo lamo lagi nyo Aku ni harus tinggsl samo kamu ha? bak anakmu tu kamari. " ⁴² Katiko anak tu sodang mandokat kapado Yesus, tibo-tibo roh ta'un tu manghompaskannyo katanah bak mangguncang-guncangkan nyo. tapi Yesus mambontak roh ta'un tu, manyombuhkan anak laki-laki tu, lalu mambalekkannyo kapado ayahnyo. ⁴³ taconganglah samuo orang atas kuaso Allah, katiko orang tu masih tacongang-congang manengok samuo nang dibuek Yesus, bakatolah Dio kapado murid-murid-Nyo. ⁴⁴ " Dongarkanlah pakatoan ni baek-baek Anak manusio akan disorahkan ka tangan manusio." ⁴⁵ Tapi para murid tak mangorti apo maksudnyo parkatoan t, dan pasal tu tarondok bagi otang tu, sahinggo orang tu tak dapat mangorti. tak adolah orang tu barani batasnyo kapado Yesus apo artinyo tu. ⁴⁶ Suatu katiko, adolah artongkaran nang tajadi antaro murid-murid Yesus tontang siapo duluan diantaro orang tu. ⁴⁷ Di pikir orang tu tak taulah Yesus hati orang tu, diambek-Nyolah saorang anak kocikdan manyuruh togak disamping-Nyo. ⁴⁸ Bakatolah Dio kapado murid-murid. " sapo sajo manarimo budak ni di dalam nama-Ku, dio manarimo Aku, siapo sajo nang manarimo Aku, dio jugo manarimo Dio nang mangutus Aku, korno nang paling hina diantaro kamu diolah nang duluan." ⁴⁹ Yohanes manjawab-Nyo dan bakato, " Guru, ado kami tengok saorang mangusir roh najis dalam namo-Mu dan kami barusaho mambarontikan nyo korno di tak tamasuk golongan kito," ⁵⁰ Tapi, Bakatolah Yesus kapadonyo, " jangan manghontikannyo korno sapo nang tak malawn kamu dio di pihakmu." ⁵¹ Tibolah saatnyo sudah dokat bagi Yesus ondak ditinggikan, Dio manguatkan hati-Nyo ondak pogi kaYerusalem. ⁵² Disuruh-Nyolah sabagian utusan mandahului-Nyo. torus, utusan-utusan tu pun barangkat dan masuk kasabuah desa di sakitar Samaria ondak manarimo Yesus korno Dio sodang manuju ka kota Yerusalem. ⁵⁴ Katiko murid-murid Yesus, yaiti Yakobus dan Yohanes, manengok tontang ni, orang tu bakato, Tuhan ondaknyo Kau manyuruh kami mamanggil api turun dari langit dan manggosongkan orang tu. ⁵⁵ tapi Yesus manengok kabalakang dan manogur orang tu. ⁵⁶ siap tu Yesus dan murid-murid-Nyo pogi ka desa nang laen. ⁵⁷ Katiko orang tu sodang diparjalanan, ado saorang nang bakato kapado Yesus, "kamanopun Kau ondak pogi kasitu aku ondak ikut." ⁵⁸ Bakatolah Yesus kapadonyo, " rubah punyo lubang untuk tinggal dan burung-burung diudara tak punyo tompat ondak istrahat." ⁵⁹ Bakatolah Yesus kapado salah satu dari orang lain tu," ikutlah Aku! " tapi dio tu bakato, " Tuhan, ijinkanlah awak dulu pogi manguburkan ayah ku sabontar. ⁶⁰ Bakato pulaklah Yesus biarlah orang mati manguburkan orang mati orang tu, tapi kau ondaknyo pogi mangabarkan Injil karajaan Allah." ⁶¹ Dan saorang lagi bakato, " awak ondak mangikuti Engkau, Tuhan, tapi izinkanlah awak dulu maminta izin samo kaluargaku dulu. ⁶² Bakato pulaklah Yesus samonyo, tak ado saorangpun nang malotakkan tangannyo pada bajak, tapi masih manengok kabalakang, nang cocok bagi karajaan Allah.