¹ Dari mano datang nyo parkalian dan partongkaran nang tajadi diantaro kamu tuh? bukannyo itu barasal dari hasrat nang baporang dalam anggota badan kau? ² Kau ondak sasuatu, tapi tak mandapatkan nyo. Kau pun mambunuh, ko dongki karono tak mandapatkan nyo, lalu ko pun batumbuk dan batongkar, ko tak mandapat karono ko tak maminta. ³ Ato ko maminta, tapi tak mandapat karono ko maminat dongan alasan nang tak cocok, yaitu, ondak mamuaskan hasrat kau. ⁴ Woi kau para pezinah, tak tau ko bilo partomanan dengan dunio, itu bararti parmusuhan dongan Allah? karono tu, siapopun nang ingin bakawan ka dunia, dio manjadikan dirinyo lawan Allah. ⁵ Apo ko pikir Kitab Suci bacakap tak pake alasan?, "Roh nang di tompatkan Allah ka kito dimaui-Nyo dongan camburu?" ⁶ Tapi Allah mangkasi Anugrah nang lobi lagi, karono tu, Kitab Suci bacakap, Allah malawan orang nang sombong, tapi mangkasi anugrah ka orang nang rondah hati. ⁷ Sobab tu, kasihkanlah diri kau ka Allah, Dio pun mandokat ka kau ⁸ Mandokat lah ka Allah, Dio pun akan mandokat ka kau, woi orang-orang badoso, borsihkanlah tanganmu, dan borsihkan jugo hatimu orang-orang nang manduo hati. ⁹ Iba, baduko dan manyosallah, bak lah kabahagiaan ko barubah manjadi kasodihan dan kabahagiaan ko manjadi kasodihan. ¹⁰ Rondahkanlah hati ko di muka Tuhan. Maka Dio pun maninggikan kau. ¹¹ Sodaro-sodaro, diantaro ko janganlah mambilangkan hal nang jahat, orang nang mambilangkan nang jahat tontang sodaronyo, ato manghakimi sodaronyo, bacakap malawan hukum dan manghakimi hukum. Bilo ko manghakimi hukum, ko bukanlah palaku hukum, malainkan hakimnyo. ¹² Hanyo ado satu pambori hukum dan Hakim, io lah 'Dio', nang manyalamatkan dan manghancurkan, siapo kau, sampe kau manghakimi sasama mu? ¹³ Saat ni, woi kau nang bacakap, dongarkanlah, "Hari ini ato besok, kami ondak pagi ka kota ini dan itu, tinggal di sano salamo satahun, baniago dan mandapat kauntungan. ¹⁴ Kau pun tak tau apo nang ondak tajadi besok. Apolah arti hidup kau? Hidup kau tu macam uap nang nampak sakojap, lopas tu lonyap." ¹⁵ Jadi, kau harusnyo bacakap, "Bilo Tuhan manginginkan kami ondak hidup dan malakukan ini ato itu." ¹⁶ Tapi saat ni, kau bangga dongan kasombongan ko tu, kabanggan macam tu adolah 'jahat'. ¹⁷ Jadi, bilo saorang tau macam mano babuat baik tapi tak malakukannyo, dio badoso.