¹ Hoi orang-orang kayo, dongrkanlah! Manangis dan marataplah ko untuk pandaritoan nang ondak manimpo kau. ² Kakayaan kau tu udah mambusuk dan kain kau tu dimakan ngongat. ³ Omas samo perak kau tu udah bakarat, dan karat tu akan manjadi bukti nang mamboratkanmu jugo akan mamakan badan kau saporti api. Kau udah manimbun harto di hari-hari panghabisan. ⁴ Dongarkan, upah orang-orang nang mangarojokan ladangmu, nang kau tahan dongan tipu, batariak malawan kau. Dan, joritan pamanennyo udah samp ka talingo Tuhan samosta alam. ⁵ Kau sudah hidup di bumi dalam kamewahan dan kasonangan diri ku sandiri; kau udah manggomukkan jantung kau di hari panyambolihan. ⁶ Kau udah manghukum jugo mambunuh orang nang botul, dan dio tak malawan kau. ⁷ OLeh kerono tu, sudaro-sudaroku, basabarlah sampe katiboan Tuhan. Tengoklah macammano patani manunggu buah nang tarelok nang dihasilkan tanah, manunggunyo dongan sabar hinggo tibonya hujan awal dan hujan tarahir. ⁸ kau jugo harus basabar, toguhkan hatimu kerono katiboan Tuhan udah dokat. ⁹ Sudaro=sudaroku, jangan kau basungut-sungut satu dongan nang laennyo supayo kamu tak kono hukum. Tengoklah Sang Hakim udah badiri didopan pintu. ¹⁰ Sudaro-sudaroku, sabagai toladan pandaritoan dan kasabaran, tengoklah para nabi nang bcakap dalam namo Tuhan. ¹¹ Sasungguhnyo, kami manganggap basonanglah orang nang tabah. Kau udah mandongar katabahan Ayub dan manengok maksud Tuhan pado ahirnyo, kalo Tuhan tu ponuh bolas kasih dan bamurah hati. ¹² Tapinyo, sufaro-sudaroku, diatas samuonyo tu, janganlah kamu basumpah, baek domi langit, bumi ato domi apo pun. Bilangkan "Ya" kalo ya dan "Tidak" bilo tidak bak supayo kamu tidak dikonoi hukuman. ¹³ Apokah ado nang mandarito diantara kamu? Eloklah dio badoa. Apokah ado nang basukocito? Ondaklah dio manyanyikan Mazmur. ¹⁴ Apo ado nang sakit diantaro kamu? Eloklah dio mamanggil tatuo-tuo jamaat dan orang tu harus mandoakannyo, mangurapinyo pake minyak dalam Namo Tuhan. Doa nang dinaekkan dalam iman akan manyolamatkan orang nang sakit tu dan Tuhan akan mambangkitkan dio. Lalu, dio mangorjokan doso-doso, dio akan diampuni. ¹⁶ Kerono tu, ondaklah kamu saling mangaku dosomu dan saling mandoakan bak supayo kau sombuh. Doa orang nang botul bilo dinaekkan dongan motan, paling hebat kuasonyo. ¹⁷ Elia jugo manusi biaso kek kita. Dio badoa motan-motan bak supayo tak turun hujan, dan hujan tak turun di nagori tu salamo tigo tahunonam bulan. ¹⁸ Torus, dio badoa balek, maka langit mancurahkan hujan dan bumi manumbuhkan buahnyo. ¹⁹ Sudaro-sudaro, samisalnyo ado diantara kamu nang mambelok dari kabonaran, lantas ado orang nang manolongnyo babalik, ²⁰ pahamilah kalo orang nang mambawak orang badoso babalik ka jalan nang botul akan manyalamatkan jiwo orang tu dari kabinasoan dan manutupi banyak doso.