¹ Sodaro-sodaroku, tak usah banyak di antaromu nang manggurui korno kamu tau kito nang mangajar akan di hakimi dongan ukuran nang lobih borat. ² Kito samuo basalah dalam sagala hal. Jiko ado orang nang tak porna basalah dalam cakapnyo, dio iolah orang nang sampurna, nang bisa mampu mangondalikan saluruh badan. ³ Kito mamakek kekang samo muncung kudo supayo orang tu manaati kito, dan jugo kito mangondalikan samuo badan kudo. ⁴ Lihat jugolah kapal-kapal tu, walaupun orangtu sangat bosar dan di gorakkan samo angin nang kuat, kapal tu di kondalikan samo kamudi nang sangat kocik, dan akan pagi ka mano pun nakoda manginginkannyo. ⁵ Bagitu jugolah, lidah iolah bagian nang kocik dari badan tapi udah biso manyombongkan hal-hal bosar. Tengoklah batapo luasnyo hutan nang tabakar korno api nang kocik. ⁶ Lidah tu macam api, sabuah dunia kajahatan nang di tompatkan di antaro bagian-bagian badan dan nang dapat manajiskan samuo badan. Dio mambakar samuo arah hidup kito samantaro dio sandiri di bakar samo api narako. ⁷ Sobab, sagalo jonis binatang liar dan burung, reptil dan binatang nang hidup di laut tu jinak dan sudah di jinakkan samo manusio, ⁸ Tak samuo bisa manjinakkan lidah. Lidah iolah nang jahat dan nang tak biso tonang, ponuh samo racun nang mamatikan. ⁹ Dongan lidah kito mamborkati Tuhan dan Ayah kito, tapi dongan tu jugo kito mangutuk orang, nang di ciptokan samo macam Allah. ¹⁰ Dari muncung nang samo kaluar pujian dan kutukan sodaro-sodaroku, tak pala macam itu. ¹¹ Apokah satu mato air biso mangaluarkan air manis dan air pahit di saat nang basamoaan? ¹² Sodara-sodaraku bisakah pokok ara mambuahkan buah zaitun; ato pokok anggur mamnuahkan buah ara? bagitu jugo mato air asin tak biso mangaluarkan air nang sogar. ¹³ Siapokah di antaro kamu nang bahikmat dan bapongortian? Biarkan dengan parange nang baek, dio pun manampakkan kalakuan dalam kalombutan nang hikmat. ¹⁴ Tatapi, jiko kamu mampunyoi dongki nang ponuh kapahitan nang ambisi nang egois dalam hatimu, usahlah banggo dan jangan mambongak malawan kabonaran. ¹⁵ Hikmat macam tu tak lah turun dari atas, tapi dari dunio, tak rohani, dan jahat. ¹⁶ Bilo ado dongki dan ambisi nang egois, ado kakacauan dan sagalo macam kalakuan jahat. ¹⁷ Hikmat nang datang dari atas tu, mulo-mulo iolah murni, lalu suko damai, lomah lombut, tabuko, ponuh bolas kasihan, dan buah buah nang baek, tak mambedokan dan tak munafik. ¹⁸ Buah kabonaran di kasihkan dalam damai oleh para pandamai.