¹ Woi sudaro-sudaroku, jangan pala kau anggarkan iman dongan cara mambedo-bedokan orang di mukak Tuhan kita nang mulian Yesus Kristus. ² Kalok ado nang datang ka sinagoge kau dongan mangonokan cincin emas dan baju nang mahal, pado saat tu jugo datang pulak nang miskin mangonokan pakaian nang bakodal, dan kau kasih parhatian elok ka orang nang kayo dan bacakap ka dio, "Duduk lah di tompat nang elok ni," tapi ka si miskin tu kau bacakap, "Wih togak sajolah kau di sana jang!" ato kau bacakap, "Di dokat kakiku sajo kau duduk!" ⁴ Bararti kamu sudah bapilih kasih, dan sudah manghakimi dengan pamikiran-pamikiran nang jahat? ⁵ Sudaro-sudaro nang takasih, dongarkan lah ini! Sabonarnyo Allah sudah mamilih orang nang miskin di dunio bak manjadi kayo di dalam iman dan mawarisi karajaan Allah nang sudoh dio janjikan ka orang nang mangasihi Dio? ⁶ Tapikan, kamu dah manghino orang nang miskin. Bukannyo orang nang kayo nang manindas dan manyeret kau ka pangadilan? ⁷ Bukannyo orang tu lah nang manghino namo baek, dan kornonyo kau di panggil?. ⁸ Jiko kau manjalankan hukum utamo sasuai ka Kitab Suci yaitu "Kasihilah sasamo kau samo saporti diri kau sandiri," kamu sudah malakukan nang botul. ⁹ Tapikan, katiko kau bapilih kasih ka orang, kamu dah badoso dan di cap sabagai palanggar hukum oleh hukum . ¹⁰ Siapo sajo nang manaati hukum, tapi gagal manaati satu bagain sajo, dio sudah basalah tahadap samuo hukum tu. ¹¹ Sobab, Dio nang bacakap, "Jangan bazina." Dio jugo nang bacakap, "Jangan mambunuh", Jadikan, jiko kamu tak malakukan pazinaan, tapi kau malah mambunuh, kau sudah manjadi palanggar hukum tu. ¹² Bacakap dan baparanggai lah sabagai orang-orang nang ondak di hakimi dongan hukum nang mambebaskan. ¹³ Sobab, panghakiman tak akan ondak babolas kasihan ka orang nang manunjukkan bolas kasihan; bolas kasihan ondak monang atas panghakiman. ¹⁴ Sodaro-sodaroku, apalah gunonyo saorang bacakap bahwa dio mampunyoi iman, tapi tak ado tindakannyo? Biso ruponyo imantu manolong dio? ¹⁵ Jiko saorang sodaro ato sodaronyo tak mampunyoi baju dan mambutuhkan makanan sahari-hari, ¹⁶ dan saorang diantara kau bacakap ka dio, "Pogilah dongan damai, samoga badan kau di hangatkan dan di konyangkan," tapi kamu tak mambagikan ka dio apo nang di porlukan badannyo, apolah gunonyo tu? ¹⁷ Bagitu jugolah iman, bolo iman tak di sortai tindakannyo, pada dasarnyo iman tu mati. ¹⁸ Tapikan, mungkin ado orang nang bacakap, "Kamu punyo iman, dan aku punyo parbuatan." Aku akan manjawab, "Tunjukkan kau lah iman tanpa parbuatan kau tu, dan akan manunjukkan imanku dongan parbuatanku." ¹⁹ Parcayolah kamu bahwa Allah tu satu. Korno itu botul. Roh-roh nang jahat pun pacayo dan gamotar. ²⁰ Hai orang bobal! ondaknyo kamu manyadari bahwa iman tak ado parbuatan iolah sio-sio? ²¹ Tengok lah Abraham, ayah kito, dibotulkan korno tindakannyo katiko dio mangurbankan Ishak, anaknyo, di atas altar? ²² Tengok lah bahwa iman bakorjo samo dongan tindakannyo, dan korno tndakan-tindakan, iman di sampurnohkan. ²³ Digonapilah apo nang katokan Kitab Suci, "Abraham pacayo ka Allah, dan itu diparhitungkan ka dio. Sabagai mano kabonaran," Dan dio di sobut "Kawan Allah" ²⁴ Jadi, kamu tengok bahwa dari tindakan lah orang di bonarkan bukannyo dari iman sajo. ²⁵ Bagitu jugo, bukankah Rahab, si palacur tu, di botulkan korno tindakan katiko dio manarimo mato mato Israel dan mambantu orang tu kabur lewat jalan nang laen? ²⁶ Jadi, samo saporti badan tanpa roh iolah mati, bagitu jugo iman tanpa tindakan iolah mati.