Anak Domba Mambukka Segel na partama sampe kaanam ¹ Kamudian,ambo mamparhatikan katiko Anak Domba mambukka saince dari tujuh segel tu,daan ambo mandanga saincedari ampek makhluk tu mangeccek jongon suaro na sakiro guntur,"Mari!" ² Mako,ambo maliek saikku kuda putih jongon inyo na duduk di atenyo mamacci sabuah panah;jongon sabuah mahkota diagikan kaopadonyo,dan inyo maju untuk mangalahkan jongon mamanangkan. ³ Dan,katiko Anak Domba tu mambukka segel na kaduo,ambo mandanga makhluk na kaduo mangeccek,"Mari!" ⁴ Mako,majulah saikku kuda lain bawarno merah sakiro nyaloapi, dan inyo na duduk di atenyo di agi kuaso untuk mangambik kadamaian dari bumi sahinggo manusio akan saling mambunuh, jongon saincek lading na gadang diagikan kapadonyo. ⁵ Jongon, katiko Anak Domba tu mambukka segel na katigo, ambo mandanga makhlk na katigo mangeccek, "Mo!" Mako, ambo maliek saikku kuda hitam dan inyo na duduk di atenyo mamaccik saincek timbanga ditangannyo. ⁶ Lalu, ambo mandanga sakiro ado suaro dari tanga-tanga kaampek makluk tu mangeccek, "Azincek cupak gandum untuk 1 dinar, dan 3 cupak jelai untuk 1 dinar, tatapi jangan marusakkan minyak jongon anggurnyo!" ⁷ Dan katiko Anak Domba tu mambukka segel na kaampek, ambo mandanga suaro makhluk na kaampek mangeccek, "Mo!" ⁸ Mako, ambo maliek saikku kuda bawarno hijo puccek dan inyo na duduk diate nyobanamo Maut jongon Hades mangikkutinyo. dan, kuaso diagikan kapado sidak are 1/4 bumi, untuk mambunuh jongon lading, kalaparan, panyakkik, dan binatang-binatang buas di bumi. ⁹ Katiko Anak Domba mambukka segel na kalimo, ambo maliek di bawa altar jiwo-jiwo sidak na ala dibunuh karano firman Allah jongon karano kasaksian na ala sidak pertahankan. ¹⁰ Sidak baseru jongon suaro kare, "Barapo lamo lai yo, Tuhan na kudus dan benar, Kau akan manahan diri dari manghakimi jongon mambalekan darah kami kapado sidak na diam di bumi?" ¹¹ Dan, kapado masing-masing jiwo tu di agikan saincek jubah putih dan sidak di agitaukan bahwo sidak harus baristirahat sabanta lai, hinggo jumlah kawan-kawan palayan jongon saudaro-saudaro sidak na akan di bunuh sakiro sidak manjadi genap. ¹² Dan, ambo maliek katiko Anak Domba tu mambukko segel na kaanam, tajadilah gampo bumi na dahsyat; matohari manjadi hitam sakiro kain sarung na tabuek dari rambut dan saluruh bulan manjadi sakiro darah. ¹³ Jongon, bintang-bintang di langit bajatuhan ka bumi sakiro aru manggugurkan buah-buahnyo na matah saat diguncangkan samo angin na kancang bana. ¹⁴ Jongon, tabalah langit bagaikan kitab na digulung, jongon satiok gunung dan pulau dipindahkan dari tampeknyo. ¹⁵ Mako, rajo-rajo di bumi, jongon para panggadang, dan pawiro-pawiro, dan urang-urang kayo dan bakuaso, dan sadonyo budak, dan urang bebas basondok di gua-gua jongon diantaro batu-batu di pagunungan. ¹⁶ Sidak mangeccek kapado gunung-gunung jongon batu-batu karang tu, "Runtulah manimpo kami jongon disondokkan kami dari mukko Inyo na duduk di ate tahta, dan dari murko Anak Domba! ¹⁷ Sabab, hari gadang bagi murko sidak ala tibo dan siapokah na dapek batahan?"