Gulungan Kitab jongon Anak Domba ¹ Kamudian,ambo maliek di tangan kanaan Inyo na tahkta tu sabuah gulungan kitab,na mampunyoi tulisan di sisi dalam jongon luanyo,na ddisegel jongon tujuh segel. ² Dan,ambo maliek saince malaikat na gagah baseru jongon suaro kare,"Siapokah na layak mambukka gulungan kitab tu jongon mambukka segel-segelnyo?" ³ Akan tatapi, indak ado saurang pun, elok na di surga, di bumi, maupun na di bawah bumi na dapek mambukka ato maliek bagian dalam gulungan tu. ⁴ Mako, ambo mule manangi tasadu-sadu karano indak ado saurang pun didapeki layak untuk mambukka gulungan kitab tu ato maliek bagian dalamnyo. ⁵ Akan tatapi, saincek dari tuo-tuo tu mangeccek kapado ambo, "Barantilah manangi! Liek, Singo dari suku Yehuda, katurunan Daud, ala manang sahinggo inyo dapek mambukka gulungan kitab tu dan tujuh segelnyo." ⁶ Dan, ambo maliek di tanga-tanga tahta dan 4 makhluk tadi, dan di tanga-tanga paro tuo-tuo tu saikku Anak Domba tagak, sakiro ala disaik, na mampunyoi tujuh tanduk jongon tujuh mato, yaitu tujuh Roh Allah na di utus ka saluruh bumi. ⁷ Anak Domba tu datang jongon mangambik gulungan kitab tu dari tangan kanan Inyo na duduk di ate tahta. ⁸ Dan,katiko Anak Domba ala mangambik gulungan kitab tu,kaampek makhluk jongon kaduo puluh ampek tuo-tuo sujud di mukko Anak Domba tu,masing-masing mamacci sabuah kecapi jongon sabuah cawan ame na panuh jongon kumayan,na adolah doa urang-urang kudus. ⁹ Lalu,sidak manyanyikan suatu nyanyian baru, keccenyo: "Engkau layak mangambik gulungan kitab tu jongon mambukka segel-segel nyo karano Kau ala disambalih, jongon darah-Kau,Engkau ala manabus urang-urang dari satiok suku, bahaso, kaum, jongon bangsa bagi Allah. ¹⁰ jongon Engkau ala manjadikan sida manjaddi suatu karajaan jongon imam-imam bagi Allah kito, dan sidak akan mamarintah ate bumi." ¹¹ Kamudian,ambo maliek,jongon ambo mandanga suaro dari banyak malaikat na mangalilingi tahkta,4 makhluk,jongon paro tuo-tuo tu.Dan jumlah sidak baribu-ribu, ¹² baseru jongon suaro na kare, "Layaklah Anak Domba,na ala disambalih tu, manarimo kuaso, jongon manarimo kuaso, kakayaan, hikmat, kakuatan jongon kamuliaan, samo pujian." ¹³ Kamudian,ambo mandanga satiok makhluk na ado di surga,jongon di bumi,samo dilaut,dan sadonyo na ado di dalam,sadonyo tu mangeccek, "Bagi Inyo,na dudul di ate tahkta,jongon bagi Anak Domba, sadonyo pujian, hormat, kamuliaan, jongon kuaso sampe salamo-lamonyo!" ¹⁴ Dan, 4 makhluk tu mangeccek, "Amin!" jongon paro tuo-tuo sujud jongon manyembah.