¹ Kamudian, Yesus dipimpin samo Roh ka padang balantaro untuk dicuboi samo Iblis . ² Dan, Inyo bapuaso ampek pulu hari jongon ampek pulu malam, sasuda tu Inyo manjadi lapa. ³ Lalu, datanglah inyo, na mancuboi tu, dan bacakkap pado Yesus, " Jiko Kau adalah Anak Allah, parintokanlah supayo batu-batu ko manjadi roti." ⁴ Namun, Inyo manjawab jongon bacakkap, "Ado tatulis, 'indak samo roti sajo manusio hidup, tatapi sadonyo firman na kalua malalui mulut Allah," ulangan 8:3 ⁵ kamudian, Iblis mambaok-Nyo ka kota suci jongon manampekkan-Nyo di puncek Bait Allah, ⁶ dan bacakkap kapado-Nyo, "Jiko kau Anak Allah, jatukanlah diri-Kau ka bawa karano ado tatulis: 'Manganai Kau, Allah nandak mamarintokan malaikat-malaikat-Nyo jongon mangangkek Kau di ate tangan sidak supayo kaki-Kau jangan manyandung batu.''' Mazmur 91:11-12 ⁷ Yesus bacakkap kapadonyo, " sakkali lai, ado tatulis, 'jangan kau mancuboi Tuhan Allah kau,''' Ulangan 6:16 ⁸ Sakkali lai, Iblis mambaok Yesus ka ate gunung na amek tinggi jongon maliekkan kapado-Nyo sadonyo karajaan dunio basarto kamegahannyo, ⁹ jongon bacakkap kapado-Nyo "Sadonyo ikko nandak ambo agikan kapado-Kau, jiko kau tasungku dan manyembah ambo." ¹⁰ Kamudian, Yesus bacakkap kapadonyo, "Enyahlah, Iblis! ado tatulis, ' Kau harus manyambah Tuhan Allah kau dan kapado-Nyo sajo kau baribadoh.''' Ulangan 6:13 ¹¹ Satala itu, Iblis maninggakan Inyo, dan lieklah, malaikat-malaikat datang untuk malayani Inyo, YESUS MAMULAI PALAYANAN-NYO DI GALILEA ¹² Lalu, katiko Yesus mandanga bahwa Yohanes ala ditangkok, Inyo manyingki ka Galilea. ¹³ Inyo maninggakan Nazaret dan tibo tinggal di Kapernaum, di tapi danau, di parbatasan Zebulon dan Naftali, ¹⁴ Supayo diganapi apo na dikatokan malalui Nabi Yesaya: ¹⁵ "Tanah Zebulon jongon tanah Naftali, jalan danau, disabarang Yordan, Galilea, wilayoh urang-urang bukan Yahudi, ¹⁶ bangsa na diam dalam kagalapan maliek tarang na gadang, dan bagi sidak na diam di nagari dan dalam bayang-bayang kamatian, Tarang tu ala terbit. Yesaya 9:1-2 ¹⁷ Sajak waktu tu, Yesus mulai bakotbah dan bacakkap, " Batobatlah karano karajaan Surga ala dakkek!" YESUS MANGIMBO AMPEK MURID-NYO NA PARTAMO ¹⁸ Katiko Yesus bajalan di tapi danau Galilea, Inyo maliek duo basodaro, yaitu Simon, na disabut Petrus, jongon Andreas, sodaronyo, sadang malanting jala di danau karano sidak adalah panjala lauk. ¹⁹ Dan, Inyo bacakkap kapado sidak, "Molah ikkut Ambo dan Ambo manjadikan kau panjalo manusio." ²⁰ Sidak langsung maninggakan jala-jalanyo dan mangikkuti Inyo. ²¹ Dan, saat pai dari sinun, Inyo maliek dua basodaro na lain, Yakobus anak Zebedeus jongon Yohanes, sodaronyo. Sidak barado dalam sabuah sampan basamo Zebedeus, ayah sidak, sadang mamparelok jala-jalanyo. Dan, sidak langsung maninggakan sampan jongon ayah sidak, lalu mangikkut Yesus. YESUS MANGAJAR DAN MANCEGAKKAN BANYAK URANG ²³ Kamudian, Yesus bakaliling ka saluruh daerah Galilea, mangajar di sinagoge-sinagoge sidak, mambaritokan Injil karajaan, jongon mancegakkan sagalo maccam panyakkik, dan sagalo maccam kasakkitan diantaro banyak urang. ²⁴ Dan, barito tantang-Nyo tasebar sampe ka saluruh Siria. Dan, sidak mambaok kapado-Nyo sadonyo urang sakkik na mandarito bamaccam panyakkik dan raso sakkik, dan na karasukan setan na sakkik ayan, jongon na lumpuh , Inyo mancegakkan sidak. ²⁵ Karumunan gadang urang banyak dari Galilea, Dekapolis, Yerusalem, Yudea, jongon dari subarang Yordan mangikkuti Inyo.