¹ Pado hari-hari tu, munculah Yohanes pambabtis, bakotbah di padang balantaro Yudea. ² Inyo bacakkap, "batobatlah karano karajaan Surga ala dakkek." ³ sabab, inyolah na dikatokan Nabi Yesaya katiko mengeccek, "Suaro sasaurang na baseru-seru dipadang balantaro, Pasiapkan jalan untuk Tuhan, bueklah jalan-Nyo lurus. Yesaya 40:3 ⁴ Dan Yohanes sorang mangkanekan pakaiannyo dari bulu unta jongon sabuk kulik disakaliling pinggangnyo. Makkanannyo iyolah balalang-balalang jongon madu hutan. ⁵ kamudian, urang-urang Yerusalem datang kapadonyo ,dan saluruh Yudea, jongon saluruh wilayah di sakitar Yordan. Lalu,sidak ⁶ dibabtiskan samo Yohanes di Yordan, sambi mangakkui dosa-dosa sidak. ⁷ Namun, katiko Yohanes maliek banyak urang Farisi jongon Saduki datang pado babtisannyo, inyo bacakkap kapado sidak, "Kau, katurunan ula baludak, siapo na mamparingeki kau untuk lari dari murko na nandak datang? ⁸ karano itu hasilkanlah buah-buah na sabanding jongon patobatan, ⁹ dan jangan bapikki untuk bacakkap kapado diri kau sorang, 'Kami mampunyoi Abraham, ayah leluhur kami,' karano ambo mangatokan kapado kau bahwa dari batu-batu ko Allah talok mambangkikkan anak-anak untuk Abraham! ¹⁰ Bahkan, kini, kapak dilatakkan di urek batang-batang, jongon satiok batang na indak manghasikan buah na elok ditabang dan dilantingkan ka dalam api. ¹¹ Ambo sasunggunyo mambabtis kau jongon ai untuk patobatan, tatapi inyo na datang satala ambo iyolah labi bakuaso daripado ambo, solopnyo pun ambo dak layak mambaokkannyo. Inyo na nandak mambabtis kau jongon Roh kudus dan jongon api. ¹² alek panampi ado ditangan-Nyo, dan inyo mambersihkan tampek pangirikan-Nyo, na nandak mangumpukan gandum ka dalam lumbung. Namun, inyo mamanggang sekamnyo jongon api na indak dapek dipadamkan." YESUS DIBABTIS SAMO YOHANES PAMBABTIS ¹³ Kamudian, Yesus datang dari Galilea ka Yordan kapado Yohanes untuk dibabtis samo Yohanes. ¹⁴ Namun, Yohanes Barusaho mancegah-Nyo dan bacakkap, "Ambolah na parlu Kau babtis, tatpi justru Kau na datang kapado ambo?" ¹⁵ Lalu, Yesus manjawab jongon bacakkap kapadonyo, "Kini, padiakanlah karano baikkolah na saharusnyo tajadi pado kito untuk mangganapi saluruh kabanaran," jongon, Yohanes pun mampadiakan Inyo. ¹⁶ Satala dibabtis, Yesus langsung kalua dari ai, dan lielah, suga tabukkak dan Inyo maliek Roh Allah turun sakiro pipik marpati datang ka ate-Nyo. ¹⁷ Dan, dangalah suaro dari surga na bacakkap, "Ikkolah Anak-Ambo na ambo kasihi, kapado-Nyolah Ambo bakanan."