¹ Kini, satala Yesus lahe di Betlehem, di Yudea, pado zaman Rajo Herodes, lieklah, urang-urang Majus dari timur datang ka Yerusalem. ² Sidak batanyo, "Dimanokah Inyo, na dilahekan, Rajo urang Yahudi tu? sabab, kami tala maliek bintang-Nyo di timur dan kami datang untuk manyembah-Nyo, " ³ Katiko Rajo Herodes mandanga hal ikko, risolah inyo jongon saluruh Yerusalem basamonyo. ⁴ Lalu, ia mangumpukan sadonyo imam kapalo jongon ahli-ahli Taurek Bangso tu. Inyo mangorek katarangan dari sidak, tampek kristus dilahekan. ⁵ Sidak bacakkap kapadonyo, "Di Betlehem, wilayah Yudea, karano baikkolah na disurek samo Nabi: ⁶ Dan, kau Betlehem, di tanah Yehuda, samo sakali indaklah na paling ketek di antaro paro panguaso Yehuda, karano darikau nandak datang saurang pamimpin, na nandak manggambalokan umat-Ambo, Israel." Mikha 5:2 ⁷ Kamudian, Herodes diam-diam mangimbo urang-urang Majus tu, maminta kapastian dari sidak tantang waktu basinarnyo bintang tu. ⁸ Lalu, inyo manyuruh sidak ka Betlehem jongon bacakkap, " Pai dan salidikilah jongon taliti tantang anak tu. Kok kau ala manamukan-Nyo, laporkanlah kapado ambo padia ambo bisa datang dan manyambah-Nyo." ⁹ Satala mandangakan rajo, sidak pai. Dan, lieklah, bintang na sidak liek di timur tu manuntun sidak sampe tibo dan baranti di ate tampek Anak tu barado. ¹⁰ katiko maliek bintang tu, sidak basukkocito jongon sukkocito na gadang bana. ¹¹ Satala masuk ka dalam rumah, sidak manamukan Anak tu basamo Maria, umak-Nyo. Lalu, sidak tasungkur jongon manyambah-Nyo. Kamudian, sidak mambukkak tampek-tampek hartonyo jongon mampasambahkan hadiah-hadiah kapado-Nyo, yaitu ame, kumayan, jongon mur. ¹² Karano diparingekkan dalam mimpi mak jangan kambali kapado Herodes, sidak kambali ka nagarinyo malalui jalan lain. PARINTO UNTUK LARI KA MESIR ¹³ Satala urang-urang Majus tu pai, lieklah, malaikat Tuhan tampak kapado Yusuf dalam mimpi dan bacakkap, "Jagolah, baok anan tu basamo umak-Nyo dan larilah ka Mesir. Tinggalah di sinun sampe ambo mangeccek kapado kau karano Herodes nandak mancari Anak tu untuk mambinasokan-Nyo." ¹⁴ Kamudian, Yusuf jago dan mambaok Anak tu jongon umak-Nyo pado waktu malam untuk pai jauh ka Mesir, ¹⁵ dan tingga di sinun sampe Herodes mati supayo diganapilah na difirmankan Tuhan melalui nabi: "Dari Mesir Ambo imbo Anak-Ambo." Hosea 11:1 PAMBUNUHAN SADONYO ANAK LAKKI-LAKKI DI BETLEHEM ¹⁶ Kamudian, katiko Herodes maliek bahwa inyo ala dipadayo samo urang-urang Majus, inyo murko bana dan mamarintokan untuk mambunuh sadonyo anak lakki-lakki di Betlehem jongon saluruh wilayoh di sakitarnyo, na barumu duo tahun ka bawah, sasue jongon waktu na ala dipastikannyo dari urang-urang Majus. ¹⁷ Mako, ganaplah na disampekan samo Nabi Yeremia: ¹⁸ "Suatu suaro tadanga di Rama, tangisan jongon ratapan na sedih bana. Rahel manangisi anak-anaknyo, dan indak mau di hibur karano sidak ala tiado." Yeremia 31:15 PARINTO NANDAK KAMBALI KA ISRAEL ¹⁹ Namun, katiko Herodes mati, lieklah, malaikat Tuhan manampakkan diri dalam mimpi kapado Yusuf di Mesir, ²⁰ dan bacakkap, "Jagolah, baok Anak tu jongon umak-Nyo ka tanah Israel karano urang-urang na barusaho mambunu nyawo Anak tu ala mati." ²¹ Lalu, inyo jago jongon mambaok Anak tu basarto umak-Nyo kambali ka tanah Israel. ²² Akan tatapi, katiko inyo mandanga bahwa Arkhelaus mamarinto di Yudea manggantikan Herodes, ayahnyo, Yusuf takkut pai ka sinun. Satala diparingekkan dalam mimpi, inyo pai ka wilayoh Galilea. ²³ Yusuf tibo dan tingga di sabuah kota na banamo Nazaret supayo ganaplah na disampekan para nabi, "Inyo na disabut urang Nazaret."