¹ Katiko Yesus sadang bajalan, Innyo maliek urang nan buto sajak lahirnyo. ² Murid-murid Yesus batanyo kapado-Nyo, "Guru, siapokah nan badosa, urang ikko atau urang tuonyo sahinggo innyo di lahirkan buto?" ³ Yesus manjawab, "Bukkan innyo ataupun urang tuonyo badosa, malainkan supayo pakarejoan-pakarejoan Allah dinyatokan di dalom innyo. ⁴ Kito harus mangarejokan pakarejoan-pakarejoan Innyo nan mangutus Ambo salamo hari masing; malam akkan datang saat indak ado saurang pun dapek bakarejo. ⁵ Salamo Ambo masih di dunia Ambolah tarang dunia." ⁶ Sasudah mangatokan damikian, Yesus maludah ka tanah dan mangaduk ludah-Nyo jongon tanah, lalu mangoleskannyo pado mato urang itu, ⁷ dan magecek kapadonyo, "Pai, basuhlah diri kau ka kolam Siloam." Siloam artinyo "diutus". Lalu, urang itu pai, mambasuh dirinyo, dan innyo kambali jongon maliek. ⁸ Paro tetangga dan sidak nan sablumnyo maliek innyo sabagai urang buto mangecek, "Bukkankah urang ikko nan biasonyo duduk dan mangemis?" ⁹ Sabagian urang mangecek, "Ya, Innyolah pangemis itu." Nan lain mangecek, "Bukkan, innyo hanyo mirip jongon pangemis itu."Namun, urang nan tadinyo buto itu mangecek "Ambolah pangemis itu." ¹⁰ Lalu, urang-urang itu batanyo kapadonyo, "Maccam mano mato kau bisa di celikkan?" ¹¹ Urang itu manjawab, "Urang nan banamo Yesus itu mangaduk tanah dan mangoleskannyo ka mato ambo. Kamudian, Innyo mangecek kapado ambo, 'Pai ka Siloam dan basulah diri kau', jadi ambo pai dan mambasuh diri, dan ambo dapek maliek." ¹² Sidak magecek kapadonyo, "Di manokah urang itu?" Innyo manjawab, "Ambo indak tau." ¹³ Kamudian, sidak mambawo urang nan tadinyo buto itu kapado urang-urang Farisi. ¹⁴ Adopun hari katiko Yesus mangaduk tanah dan mambukko mato urang itu adolah hari Sabat. ¹⁵ Mako, urang-urang Farisi sakali lai mananyokan kapado urang itu maccam mano innyo dapek maliek. Innyo mangacek kapado sidak, "Innyo mangoleskan adukan tanah itu ka mato ambo, dan ambo mambasuh diri dan dapek maliek." ¹⁶ KArano itu, babarapo urang Farisi itu mangecek, "Urang itu indak barasal dari Allah karano Innyo indak mamatuhi hari Sabat." Nan lain mangecek, "Akkan tatapi, maccam mano maungkin urang nan badosa dapek malakkukan tando ajaib maccam ikko?" Mako, timbullah papecahan di antaro sidak. ¹⁷ Jadi, sidak kambali batanyo pado urang buto itu, "Apo pandapek kau tantang Innyo karano Innyo ala mambukko mato kau?" Urang itu manjawab, "Innyo adolah saurang Nabi." ¹⁸ Urang-urang Yahudi itu tatap indak piccayo kapadonyo, bahwa urang itu tadinyo memang buto tatapi kini dapek maliek, sampe sidak mamanggil urang buto dari urang nan kini dapek maliek itu, ¹⁹ dan batanyo kapado sidak, "Apokah ikko anak kau, nan buto sajak lahir? Kalau maccam itu, maccam mano innyo kini dapek maliek?" ²⁰ Urang tuonyo manjawab sidak dan mangecek, "Kami tau bahwa innyo anak kami dan bahwa innyo buto sajak lahir, ²¹ tatapimaccam mano kini innyo dapek maliek, kami indak tau; atau siapo nan mambukko mato nyo, kami indak tau. Tanyokan sajo padonyo, innyo ala dewasa; innyo akkan babicaro untuk dirinyo sandiri." ²² Urang tuonyo mangatokan damikian karano sidak takkut kapado urang-urang Yahudi. Sabab, urang-urang Yahudi itu ala sapakat, bahwa satiok urang nan mangakkui Yesus sabagai Kristus, akkan di kucilkan dari sinagoge. ²³ Itulah sababnyo urang tuonyoo mangecek, "Innyo ala dewasa tanyokan sajo kapadonyo." ²⁴ Jadi, untuk kaduo kalinyo urang-urang Yahudi mangimbo urang nan tadinyo buto itu, dan mangecek kapadonyo, "Agikan kamuliaan kapado Allah, kami tau bahwa Urang ikko badosa." ²⁵ Innyo manjawab, "Apokah Urang itu urang badosa atau indak, ambo indak tau; satu hal na ambo tau, sabalumnyo ambo buto, tatapi kini ambo maliek." ²⁶ Sidak mangecek kapadonyo, "Apo nan Innyo lakkukan kapado kau? Maccam mano Innyo mambukko mato kau?" ²⁷ Innyo manjawab sidak, "Ambo ala mangatokannyo kapado kau tatapi kau indak mau mandangakannyo; mangapo kau ingin mamdangakakan nyo lai? Apokah kau ingin manjadi murid-Nyo juo?" ²⁸ Mako, sidak manghina innyo nan mangecek, "Kaulah murid Urang itu, tatapi kami adolah murid-murid Musa. ²⁹ Kami tau bahwa Allah ala babicaro kapado Musa, tatapi tantang Urang itu, kami indak tau dari mano Innyo barasal!" ³⁰ Urang itu manjawab dan mangecek kapado sidak, "Sungguh aneh bahwa kau indak tau dari mano Innyo barasal, padahal Innyo ala mambukko mato ambo. ³¹ Kito tau bahwa Allah indak mandangakan urang badosa, tatapi siapo pun nan takkut akkan Allah dan mmalakkukan kahendak-Nyo, Allah mandangakan innyo. ³² Dari sulu sampe kini, balum panah di danga bahwa sasaurang mambuko mato urang nan buto sajak lahir. ³³ Jiko Urang itu indak barasal dari Allah, Innyo indak dapek babuek apo-apo." ³⁴ Urang-urang Yahudi itu manjawab dan mangecek kapadonyo, "Kau lahir panuh jongon dosa, dan kau mau manggurui kami?" Mako, diak mangusir urang itu. ³⁵ Yesus mandanga bahwa urang-urang Yahudi ala mangusir urang buto itu; katiko Yesus manjumpo jongon innyo, Yesus mangecek, "Apokah kau piccayo kapado Anak Manusio?" ³⁶ Urang itu manjawab, "Siapokah Innyo itu, Tuhan, supayo Ambo piccayo kapado-Nyo?" ³⁷ Yesus mangecek kapadonyoo, "Kau ala maliek Innyo. Innyo adolah nan sadang babicaro jongon kau." ³⁸ Urang itu manjawab, "Tuhan, ambo piccayo!" kamudian, innyo sujud di hadapan-Nyo. ³⁹ Yesus mangecek, "Untuk panghakkiman Ambo datang ka dunia ikko supayo sidak nan indak maliek, dapek maliek, dan sidak nan maliek manjadi buto." ⁴⁰ Babarapo urang Farisi nan ado di dakkek-Nyo mandanga hal itu dan mangecek kapado-Nyo, "Apokah kami juo buto?" ⁴¹ Yesus mangecek kapado sidak, "Jiko kau buto, kau indak mamilikki dosa; tatapi karano kau mangecek, 'Kami maliek', dosa kau tatap ado."