¹ Akkan tatapi, Yesus pai ka Bukkit Zaitun. ² Pagi-pagi benar, Innyo datang lai ka Bait Allah dan sadonyo urang datang kapado-Nyo. Innyo duduk dan mangajar sidak. ³ Lalu, ahli-ahli Taurat dan urang-urang Farisi mambawo saurang parampuan nan kadapean babuek zina, dan sasudah manempatkan parampuan itu badiri di tanga-tanga, ⁴ Sidak mangecek kapado Yesus, "Guru, parampuan ikko tartangkap basa katiko sadang bazina. ⁵ Hukkum Taurat Musa mamarintahkan kito untuk malempari parampuan samaccam ikko jongon batu. Apo pandapek-Kau tantang hal ikko?" ⁶ Sidak mangattokan damikian untuk mancuboi Yesus supayo sidak mamilikki dasar untuk manyalahkan Innyo. Akkan tatapi, Yesus mambungkuk dan jongon jari-Nyo, Innyo manulis di tanah. ⁷ Karano sidak tarus-manarus mananyoi Innyo, Yesus badiri dan mangecek kapado sidak, "Urang nan indak badosa di antaro sidak hendak lah innyo manjadi nan partamo malanting parampuan ikko jongon batu." ⁸ Lalu, Yesus mambungkuk lai dan manulis di tanah. ⁹ Katiko sidak mandanga itu, sidak mulai pai satu per satu, mulai sari nan labih tuo, dan Yesus ditinggakan saurang diri, jongon parampuan tadi na masih badiri di tanga-tanga. ¹⁰ Lalu, Yesus badiri dan mangecek kapado parrampuan otu, "Hai parampuan ka mano kah sidak? Indak adokah urang nan manghukkum kau?" ¹¹ Jawab parampuan itu, "Indak ado, Tuhan." Yesus mangecek, "Ambo pun indak akkan manghukkum kau. Pailah, dan mulai kini, jangan babuek dosa lai." YESUS TARANG DUNIA ¹² Kamudian, Yesus mangecek kapado urang banyak itu, kato-Nyo, "Ambo lah tarang dunia. Satiok urang nan mangikkut Ambo indak akkan bajalan daom kagelapan, tatapi akkan mampunyoi tarang hidup." ¹³ Kamudian, urang-urang Farisi mangecek kapado Yesus, "Kau baraksi tantang diri-Kau sandiri, mako kasaksian-Kau indak benar." ¹⁴ Yesus manjawab sidak, kato-Nyo, "Sakkalipun Ambo basaksi tantang diri-Ambo sandiri, kasaksian-Ambo adolah benar karano Ambo tau dari mano Ambo datang dan ka mano Ambo pai, tatapi kau indak tau dari mano Ambo datang dan ka mano Ambo pai. ¹⁵ Kau manghakkimi manurut caro kadagingan, sadangkan Ambo indak manghakkimi siapo pun. ¹⁶ Namun, saandainyo pun Ambo manghakkimi, panghakkiman-Ambo itu benar karano Ambo indak manghakkimi saurang diri, malainkan basamo Ayah nan mangutus Ambo. ¹⁷ Bahkan, dalom Kitab Taurat manulis bahwa kasaksian duo urang adolah benar. ¹⁸ Ambo basaksi tangtang Diri-Ambo sandiri dan Ayah nan mangutus Ambo basaksi tantang Ambo." ¹⁹ Mako, sidak batanyo kapado-Nyo, "Di mano kah Ayah-Kau?" Yesus manjawab, "Kau indak manando Ambo maupun Ayah-Ambo, jiko kau manando Ambo kau juo akkan manando Ayah-Ambo." ²⁰ Pangecekan ikko Yesus sampekan di dakkek parbendaharaan saat Innyo mangajar di Bait Allah, tatapi indak ado saurang pun nan manangkap Innyo karano balum waktu-Nyo tibo YESUS BABICARO TANTANG AYAH ²¹ Lalu, Yesus mangecek lai kapado sidak, "Ambo akkan maninggalkan kau dan kau akkan mancari Ambo, tatapi kau akkan mati Ambo akkan pai, kau indak dapek datang." ²² Kamudian, urang-urang Yahudi itu mangecek, "Apokah Innyo mau bunuh diri karano Innyo mangecek, 'Ka mano Ambo akkan pai, kau indak dapek datang'?" ²³ Akkan tatapi, Yesus mangecek kapado sidak, "Kau barasal dari bawah, tatapi Ambo barasal dari ate. Kau barasal dari dunia ikko, tatapi Ambo bukkan dari dunia ikko. ²⁴ Oleh karano itu, Ambo mangatokan kapado kau bahwa kau akkan mati dalom dosa kau karano jiko kau indak piccayo kapado-Ambo, kau akkan mati dalom dosa-dosa kau." ²⁵ Lalu, sidak battanyo kapado-Nyo, "Siapokah Kau?" Yesus manjawab sidak, "Ambo ala mangatokannyo kapado kau sajak samulo. ²⁶ Ado banyak hal tanttang kau nan harus Ambo katokan dan hakkimi, tatapi Innyo nan mangutus Ambo adolah benar dan apo nan Ambo danga dari Innyo, itulah nan Ambo sampekan kapado dunia." ²⁷ Sidak indak mangerti bahwa Yesus sadang babicaro kapado sidak tantang Ayah. ²⁸ Oleh karano itu, Yesus mangecek, " Katiko kau ala maninggikan Anak Manusio, saat itulah Kau akkan tau bahwa Ambo adolah Innyo, dan bahwa indak ado sasuatu punn nan Ambo lakkukan dari diri-Ambo sandiri, malainkan Ambo mangatokan apo nan di ajarkan Ayah kapado-Ambo. ²⁹ Dan, Innyo mangutus Ambo ado basamo-samo jongon Ambo, Innyo indak maninggalkan Ambo sandirian karano Ambo salalu malakkukan hal-hal nan bakenan kapado-Nyo." ³⁰ Samantaro Yesus mangatokan itu, banyak urang piccayo kapado-Nyo. ANAK-ANAK ABRAHAM DAN ANAK-ANAK IBLIS ³¹ Kamudian, Yesus mangecek kapado urang-urang Yahudi nan piccayo kapado-Nyo, "Jiko kau tatap dalom firman-Ambo, kau bear-benar murid-Ambo, ³² dan kau akkan tau kabenaran, dan kabenaran itu akan mambebaskan kau." ³³ Sidak manjawab, "Kami adolah katurunan Abraham dan indak panah manjadi hamba siapo pun. Jadi, mangapo Kau mangecek, 'Kau akkan bebas?''' ³⁴ Yesus manjawab sidak, "Sasungguhnyo, Ambo mangecek kapado kau, satiok urang nan babuek dosa adolah hamba dosa. ³⁵ Saurang hamba indak tinggal dalom sabuah kaluarga untuk salamonyo, tatapi saurang anak tinggal untuk salamonyo. ³⁶ Jadi, apobilo Anak mambebaskan kau, kau benar-benar bebas. ³⁷ Ambo tau bahwa kau adolah katurunan Abraham, tatapi kau ingin mambunuh-Ambo karano ajaran-Ambo indak mandapek tampek di dalom kau. ³⁸ Ambo mangatokan tantang hal-hal nan ala Ambo liek basamo Ayah-Ambo, damikian juo kau malakkukan hal-hal nan kau danga dari ayah kau." ³⁹ Sidak manjawab dan mangecek kapado-Nyo, "Ambraham adolah ayah kami." Jawab Yesus, "Jiko kau katurunan Abraham, kau saharusnyo malakkukan apo nan Abraham lakkukan. ⁴⁰ Akkan tatapi, kau barusaha mambunuh Ambo, urang nan mangagi tau kau kabenaran, nan Ambo danga dari Allah. Abraham indak malakkukan hal itu. ⁴¹ Jadi, kau hanyo malakkukan apo nan di lakkukan ayah kau sandiri." Sidak mangecek kpado-Nyo, "Kami indak di lahirkan dari hasil parzinaan Kami mamiliki satu Ayah, yaitu Ayah." ⁴² Yesus mangecek kapado sidak, "Jiko Allah adolah Ayah kau, kau akkan mangasihi Ambo karano Ambo datang dan barasal dari Allah. Dan, Ambo datang bukkan ate kahendak-Ambo sandiri, malainkan, Innyo nan mangutus Ambo. ⁴³ Apo sababnyo kau indak mangerti apo nan Ambo katokan? Itu karano kau indak dapek mandanga firman-Ambo. ⁴⁴ Kau barasal dari ayah kau, yaitu setan dam kau ingin malakkukan kainginan-kainginan ayah kau. Innyo adolah pambunuh dari sajak samulo dan indak bapegang pado kabenaran karano indak ado kabenaran di dalom dirinyo. Jiko innyo mangatokan kabohongan, innyo mangatokannyo dari karakternyo sandiri karano innyo adolah pandusto dan ayah kabohongan. ⁴⁵ Akkan tatapi, karano Ambo mangatokan kabenaran kapado kau indak piccayo kapado-Ambo. ⁴⁶ Siapokah di antaro kau nan dapek manyatokan bahwa Ambo badosa? Jiko Ambo mangatokan kabenaran, mangapo kau indak piccayo kapado-Ambo? ⁴⁷ Siapo pun nan barasal dari Allah, innyo mandagakan firman Allah; itulah sabab nyo kau indak mandangakannyo karano kau indak barasal dari Allah." YESUS BABICARO TANTANG DIRI-NYO DAN ABRAHAM ⁴⁸ Urang-urang Yahudi manjawab Yessu dan mangecek kapado-Nyo, "Benar ukkan kalau kami mangatokan bahwa Kau adolah urang Samaria dan Kau karasukan rohh jahek?" ⁴⁹ Yesus manjawab, " Ambo indak karasarukan roh jahek, tatapi Ambo manghormati Ayah-Ambo, tatapi kau indak manghormati Ambo. ⁵⁰ Akkan tatapi, Ambo indak mancari kamuliaan bagi diri-Ambo sandiri; ado Sabua nan mancari nyo dan nan manghakkimi. ⁵¹ Jongon sasugguhnyo, Ambo magecek kapado kau satiok urang nan mauruti firman-Ambo, innyo indak akkan panah maliek kamatian." ⁵² Urang-urang Yahudi itu mangecek kapado Yesus, "Kini kami atu bahwa Kau memang karasukann roh jahek! sabab, Abraham dan paro nabi pun ala mati. Namun, Kau mangecek, "Satiok urang nan manuruti firman-Ambo, innyo indak akkan panah marasokan kamatian.' ⁵³ Apokah Kau labih gadang dari pado Abraham, ayah kami, nan ala mati? Paro nabi juo ala mati; jongon siapokah Kau samokan diri-Kau?" ⁵⁴ Yesus manjawab, "Jiko Ambo mamuliakan diri-Ambo sandiri, kamuliaan-Ambo itu indak ado artinyo; Ayah-Ambolah nan mamuliakan Ambo nan tantang-Nyo kau mangecek, 'Innyo adolah Allah kami."' ⁵⁵ Namun, kau indak manando Innyo, tatapi Ambo manando Innyo; jiko Ambo mangatokan bahwa Ambo indak manando Innyo, Ambo akkan manjadi pandusto, samo maccam kau, tatapi Ambo manando Innyo dan Ambo manuruti firman-Nyo. ⁵⁶ Ayahkau, Abraham, basukko cito maliek hari-Ambo. Innyo ala malieknyo dan basukkocito ⁵⁷ Lalu, urang-urang Yahudi itu mangecek kapado-Nyo, "Usia-Kau sajo baum 50 tahun, tatapi kau ala maliek Abraham?" ⁵⁸ Yesus mangecek kapado sidak, "Sasungguhnyo Ambo mangatokan kapado kau, sabalum Abraham ado, Ambo ala ado." ⁵⁹ karano itu, sidak mangambik batu untuk malantingi Innyo, tatapi Yesus manyambunnyikan diri dan maninggakan Bait Allah.