¹ Satalah itu, Yesus manyubarangi danau Glalilea, yaitu danau Tiberias. ² Banyak urang mangikuti Innyo karano maliek tando-tando ajaib nan Innyo lakkukan tahadap urang-urang sakkik. ³ Kamudian, Yesus naik ka ate bukit dan duduk di sano basamo murid-murid-Nyo . ⁴ Saat itu, parayaan Paskah urang Yahudi ala dakkek. ⁵ Sambil mamandang ka sakaliling-Nyo dan maliek urang banyak datang kapado-Nyo, Yesus mangecek kapado Filipus, "Di manokah kito dapek mambali roti supayo urang-urang itu dapek makkan?" ⁶ Yesus mangatokan hal itu untuk manguji Filipus karano sabanarnyo Innyo sandiri tau apo nan akkan Innyo lakkukan. ⁷ Filipus manjawab, "Roti sahargo 200 dinar indak akkan cukkup untuk sidak, sakkalipun masing-masing hanyo mandapek sapotong ketek sajo." ⁸ Salah saurang murid-Nyo, yaitu Andreas, saudaro Simon Petrus mangecek kapado Yesus, ⁹ "Di sikko ado saurang anak nan mampunyoi limo roti dan duo ikkan, tatapi apo artinyo itu untuk urang sabanyak ikko?" ¹⁰ Yesus mangecek, "Surulah sadonyo untuk duduk. "Di tampek itu banyak rumput, jadi urang-urang itu duduk kiro-kiro limo ribu lakki-lakki jumlahnyo. ¹¹ Kamudian Yessu mangambik roti-roti itu dan mangucap syukur, Innyo mambagikan roti-roti itu kapado sidak dan duduk; damikian juo dilakkukan-Nyo tahadap ikkan itu sabanyak nan sidak inginkan. ¹² Katiko sadonyo urang ala kanyang, Yesus mangecek kapado murid-murid-Nyo, "Kumpukanlah potongan-potongannan tasiso supayo indak ado nan tabuang." ¹³ Karano itu, paro murid mangumpulkannyo dan mangisi duo bale karanjang jongon potongan-potongan dari limo roti jelai nan ditinggalkan sidak nan salase makkan. ¹⁴ Katiko urang-urang itu maliek tandi ajaib nan dilakkukan Yesus, sidak mangecek, "Innyo ikko pasti Nabi nan dijanjikan akkan datang ka dunia." ¹⁵ Karano tau bahwa urang banyak itu barancano datang dan mamakso Innyo manjadi Raja ate sidak, Yesus manyingkir lai ka bukit saurang diri. YESUS BAJALAN DI ATE AIR ¹⁶ Katiko hari mulai malam, paro murid turun manuju ka danau ¹⁷ dan sasudaj naik ka parahu, sidak mulai manyubarangi danau manuju kapernaum. Hari ala mulai kalam, tatapi Yesus balum juo datang manjumpoi sidak. ¹⁸ Danau mulai bagalora karano angin nan sangat kuek batiup. ¹⁹ Kamudian, katiko sidak ala mandayung parahu sajauh 25 atau 30 stadia, sidak maliek Yesus bajalan di ate danau dan mandakeki parahu sahinggo sidak katakkutan. ²⁰ Namun, Yesus mangecek kapado sidak, "Ikko Ambo, jangan takkut" 21 Sasudah itu, sidak mau manaikkan Innyo kadalam parahu dan tibo-tibo parahu itu sampe ka tampek nan sidak tuju. URANG BANYAK MANCARI YESUS ²² Kaesokan harinyo, urang banyak nan masih badiri di subarang danau maliek bahwa indak ado parahu lain di situ, kacuali satu parahu sajo nan murid-murid ala masuk kadalomnyo. Namun, Yesus indak ikkut masuk ka dalom parahu itu basamo jongon murid-Nyo nan ala barangkek sandiri. ²³ Datanglah parahu-parahu lain dari Tiberias ka dakkek tampek urang-urang itu makkan roti, sasudah Tuhan mangucap syukur. ²⁴ Katiko urang banyak maliek bahwa Yesus dan paro murd-Nyo indak ado lai di situ, sidak naik ka parahu-parahu itu dan barangkek ka kapernaum untuk mancari Yesus. YESUS ADOLAH ROTI HIDUP ²⁵ Sawaktu urang banyak itu manemukan Yesus di subarang danau, sidak batanyo kapado-Nyo, "Rabi, kapan Kau tibo di sikko?" ²⁶ Yesus manjawab sidak dan mangecek "Sasungguhnyo, Ambo mangecek kapado kau , kau mancari Ambo bukkan karano kau ala maliek tando-tando ajaib, malainkan karano kau ala makkan roti sampe kanyang. ²⁷ Jannganlah bakarejo untuk mancari makkanan nan dapek binaso, malainkan untuk makkanan nan dapek batahan sampe hidup nan kekal, nan Anak Manusio akkan mangagikan kapado kau karano kapado Anak Manusio itu, Ayah, yaitu Allah, ala mangagikan pengesahan-Nyo." ²⁸ Lalu, urang banyak itu mangagikan kapado Yesus, "Apo nan harus kami lakkukan supayo kami mangarejokan pakarejoan nan dikahendaki Allah?" ²⁹ Yesus manjawab dan mangecek kapado sidak, "Ikkolah pakarejoan nan diinginkan Allah: piccayolah kapado Innyo nan ala di utus Allah." ³⁰ Sidak batanyo kapado-Nyo, "Kalau bagitu, tando ajaib apokah nan akkan Kau lakkukan supayo kami maliek dan piccayo kapado-Kau? Pakarejoan apo nan Kau lakkukan? ³¹ Nenek moyang kami makkan manna di padang balantaro, maccam nan tatulis 'Innyo mangagi sidak roti dari surga untuk di makkan.''' ³² Yesus mangecek kapado sidak, "' Sasungguhnyo, Ambo mangecek kapado kau, bukkan Musa nan mangagi kau roti dari surga, malainkan Ayah-Ambolah nan magagi kau roti nan sejati dari surga. ³³ Sabab, Roti dari Allah adolah Innyo nan turun dari surga dan manngagi hidup kapado dunia." ³⁴ Sidak mangecek kapado-Nyo, 'Tuhan, agilah kami roti itu sanantiaso." ³⁵ Kato Yesus kapado sidak, "Ambolah roti hidup; urang nan datang kapado-Ambo indak akkan lapar lai, dan urang nan piccayo kapado-Ambo indak akkan haus lai. ³⁶ Akkan tatapi, Ambo ala mangatokan kapado kau bahwa sakali pun kau ala maliek Ambo, kau tatap indak piccayo. ³⁷ Sadonyo nan di agikan Ayah kapado-Ambo akkan datang kapado-Ambo, dan nan akkan datang kapado-Ambo indak akkan panah Ambo usir. ³⁸ Sabab, Ambo turun dari surga bukkan untuk malakkukan kahendak-Ambo sandiri, malainkan kahendak Innyo nan mangutus Ambo. ³⁹ Dan, ikkolah kahendak Innyo nan mangutus Ambo: supayo sadonyo nan ala diagikan-Nyo kapado-Ambo itu indak akkan hilang, tatapi Ambo bangkitkan pado akhir zaman. ⁴⁰ Sabab, ikkolah kahendak Ayah-Ambo, bahwa satiok urang nan maliek Anak dan piccayo kapado-Nyo akkan mandapekkan hidup kekal, dan Ambo akkan mambangkitkan innyo pado akhir zaman." ⁴¹ karano itu, babarapo urang Yahudi mulai manggerutu tantang Innyo karano Innyo mangecek, "Ambolah roti nan turun dari surga itu." ⁴² Sidak mangecek, "Bukkanlah Innyo ikko Yesus, anak Yusuf, nan ayah dan ibunyo kito tando? Maccam mano mungkin Innyo dapek mangecek, ' Ambo ala turun dari surga?''' ⁴³ Yesus manjawab sidak dan mangecek "Jangan manggarutu di antaro kalian sandiri. ⁴⁴ Tak saurang pun dapek datang kapado-Ambo, kacuali Ayah nan mangutus Ambo akkan mambangkitkannyo pado akhir zaman. ⁴⁵ Ado tatulis dalom kitab paro nabi: 'Dan, sidak sadonyo akkan diajar oleh Allah.' Satiok urang nan ala mandanga dan balajar dari Ayah akkan datang kapado-Ambo. ⁴⁶ Hal itu bukkan bararti ado urang nan ala panah maliek Ayah, kacuali Innyo nan datang dari Allah; Innyolah nan ala maliek Ayah. ⁴⁷ Ambo mangecek kapado kau, 'Sasungguhnyo, satiok urang nan piccayo mamilikki hidup kekal.' ⁴⁸ Ambolah roti hidup. ⁴⁹ Nenek moyang kau ala makkan manna di padang balantaro, tatapi sidak mati. ⁵⁰ Ikkolah roti nan turun dari surga, supayo satiok urang makkannyo dan indak mati. ⁵¹ Ambolah roti hidup itu nan ala turun dari surga. Jiko urang makkan roti ikko, innyo akkan hidup salamonyo; dan roti nan akkan Ambo agikan demi kahidupan dunia itu adolah tubuh-Ambo." ⁵² Urang-urang Yahudi mulai badebat satu samo lain, sidak mangecek "Maccam mano bisa Urang ikko mangagika tubuh-Nyo untuk di makkan?" ⁵³ Yesus mangecek kapado sidak "Ambo mangecek kapado kau, sasungguhnyo jiko kau indak makkan tubuh Anak Manusio dan maminum darah-Nyo, kau indak mamilikki hidup di dalom diri kau. ⁵⁴ Satiok urang nan makkan daging-Ambo dan maminum darah-Ambo mamilikki hidup kekal, dan Ambo akkan mambangkitkan innyo pado akhir zaman. ⁵⁵ Sabab, daging-Ambo adolah makkanan nan sajati dan darah-Ambo adolah minuman nan sajati. ⁵⁶ Siapo nan makkan daging-Ambo dan minum darah-Ambo tinggal di dalom Ambo dan Ambo di dalom innyo. ⁵⁷ Maccam Ayah nan hidup mangutus Ambo, dan Ambo hidup oleh karano Ayah, damikian juo innyo nan mamakkan Ambo, innyo akkan hidup karano Ambo. ⁵⁸ Ikkolah roti nan turun dari surga, bukkan roti nan ala di makkan nenek moyang kau dan sidak ala mati, urang an makkan roti ikko akkan hidup salamo-lamonyo." ⁵⁹ Yesus mangatokan sadonyo itu di Kapernaum saat Innyo mangajar di sinagoge. BANYAK PANGIKKUT MANINGGAKAN YESUS ⁶⁰ Katiko banyak dari murid-murid mandanga hal ikko, sidak mangecek, "Ajaran ikko tatalu kare. Siapo nan sanggup manarimonyo?" ⁶¹ Karano managatahui bahwa paro pangikkut-Nyo manggarutu tantang hal itu, Yesus mangecek kapado sidak "Apokah pangecekan-Ambo ikko mambuek kau tasinggung? ⁶² Kalau baitu, maccam mano jiko kau maliek Anak Manusio naik kambali ka tampek asal-Nyo? Rohlah nan mangagi hidup, sadangkan daging indak baguno samo sakkali. Pangekcekan-pangecekan nan Ambo katokan kapado kau adolah roh dan hidup. ⁶⁴ Akkan tatapi, ado babarapo di antaro kau nan indak piccayo." Sabab dari samulo, Yesus tau siapo nan indak piccayo dan siapo nan manghianati Innyo. ⁶⁵ Yesus mangecek, "Itulah sababnyo Ambo mangatokan kapado kau bahwa tak saurang pun dapek datang kapado-Ambo, kacuali hal itu di karuniakan kapadonyo oleh Ayah." ⁶⁶ Sajak saat itu, banyak pangikkut-Nyo mangundurkan diri dan barhanti mangikkuti Innyo ⁶⁷ Karano itu, Yesus mangecek kapado kaduo bale murid-Nyo, "Apokah kau juo ingin pai?" ⁶⁸ Simon Petrus manjawab Innyo, "Tuhan, kapado siapo kami akkan pai? Kaulah nan mamilikki pangecekan kahidupan kekal. ⁶⁹ Kami ala piccayo dan manando Kau, bahwa Kaulah nan Kudus dari Allah." ⁷⁰ Yesus manjawab sidak,"Bukkankah Ambo sandiri nan mamilih kau, duo bale urang ikko? Meski damikian, salah satu dari kau adolah setan." ⁷¹ Nan Innyo maksud adolah Yudas anak Simon Iskariot, sabab Yudas adolah salah satu dari kaduo bale murid itu, tatapi innyo akkan manghianati Yesus.