¹ Satalah sadonyo itu, ado parayaan hari rayo urang Yahudi dan Yesus naik Yerusalem. ² Di Yerusalem, di dakkek pintu Gerbang Domba ado sabuah kolam nan dalam bahaso Ibrani di sabut Betesda, nan di miliki limo serambi. ³ Di serambi-serambi itu, ado banyak urang sakkik babaring: urang buto, urang timpang, dan urang lumpuh ( sidak manantikan air kolam itu bagolak. ⁴ Sabab pado saat-saat tatentu, malaikat Tuhan akkan turun ka kolam dan manggerakkan air nyo. Urang nan patamo kali masuk ka kolam satalah air nyo begolak, akkan disambuhkan dari panyakkit apopun nan di daritonyo). ⁵ Di situ, ado nan ala sakkit salamo 38 tahun. ⁶ Katiko Yesus maliek innyo babaring di situ dan mangatahui bahwa innyo ala lamo sakali mandarito sakkit, Yesus batanyo kapadonyo," Apokah kau mau manyambuhkan?" ⁷ Urang sakkit itu manjawab, "Tuan indak ado urang nan manurunkan ambo kadalom kolam saat air nyo bergolak, tatapi samantaro ambo barusaho urang lain ala turun mandaului ambo." ⁸ Yesus mangecek "Badirilah! Angkkeklah kasurkau dan bajalanlah." ⁹ Saat itu juo, urang itu disambuhkan, innyo mangangkek kasurnyo, dan bajalan,. Namun, hari itu adolah hari Sabat. ¹⁰ Karano itu, urang-urang Yahudi mangecek kapado urang nan disambuhkan itu, "Hari ikko adolah hari Sabat, kau indak boleh mangangkek kasur kau." ¹¹ Akkan tatapi, innyo manjawab, "Urang nan manyambuhkan ambo, Innyolah nan mangecek kapado ambo 'Angkeklah kasurkau dan bajalanlah.''' ¹² Sidak batanyo kapadonyo, '''Siapokah Urang nan mangecek kapado kau 'Angkeklah kasurkau dan bajalanlah'?" ¹³ Namun, urang nan ala disambuhkan itu indak tau siapo Innyo karrano Yesus ala manyelinap dari urang banyak di tampek itu. ¹⁴ Sasudah itu , Yesus bajumpo lai jongon urang itu di Bait Allah dan mangecek kapadonyo "Danga, kau ala sambuh. Jangan babuek dosa lai supayo indak tajadi hal nan labih buruk kapado kau!" ¹⁵ Urang itu pai dan mancaritokan kapado urang-urang Yahudi bahwa Yesus lah nan ala manyambuhkannyo. ¹⁶ Karano itu, urang-urang Yahudi manganiaya Yesus karano Innyo malakkukan sadonyo itu pado hari Sabat. ¹⁷ Akkan tatapi, Yesus mangecek kapado sidak, "Ayah-Ambo masih bakarejo sampe saat ikko, mako Ambo pun masih bakarejo." ¹⁸ Jawaban itu mambuek urang-urang Yahudi barusaho labih kare lai untuk mambunuh Yesus, bukkan hanyo karano Yesus malanggar hari Sabat, malainkan juo karano manyabut Allah sabagai Ayah-Nyo sandiri, nan bararti manyamokan diri-Nyo sandiri jongon Allah. KAUASO ALLAH DALOM YESUS ¹⁹ Kamudian, Yesus manjawab sidak, kato-Nyo, "Sasungguhnyo, sasungguhnyo, Ambo mangecek kapado kau, Anak indak dapek mangarejokan sasuatu dari diri-Nyo sandiri, jiko Innyo indak maliek Ayah mangarejokannyo; karano apo nan di karejokan Ayah, itu juo nan dikarejokan Anak. ²⁰ Sabab, Ayah mangasihi Anak dan mampaliekkan kapado Anak sagalo sasuatu nan Innyo lakkukan, dan Ayah juo akkan mampaliekkan kapado-Nyo pakarejoan-pakarejoan nan labih gadang lai supayo kau takjub. ²¹ Sabab, samo maccam Ayah mambangkitkan urang mati dan mangagi sidak kahidupan, damikian juo Anak mangagi kahidupan kapado siapo nan Innyo ingini. ²² Ayah indak manghakkimi siapo pun, tatapi ala mangagikan saluruh panghakkiman itu kapado Anak, ²³ supayo sadonyo urang manghormati Anak samo maccam sidak manghormati Ayah. Urang nan indak manghormati Anak, indak manghormati Ayah nan mangutus-Nyo. ²⁴ Sasungguhnyo Amboo mangatokan kapado kau, urang nan mandanga pangecekan-Ambo dan piccayo kapado Innyo nan mangutus AMbbo mamilikki hidup kekal, dan indak masuk ka dalom panghakkiman karano innyo ala pindah dari kamatian ka kahidupan. ²⁵ Sasungguhnyo Ambo mangecek kapado kau, waktunyo akkan tibo dan ala tibo kini, katiko urang-urang mati akkan mandanga suaro Anak Allah dan sidak dan mandanga itu akkan hidup. ²⁶ Karano sabagaimano Ayah mamilikki hidup di dalom diri-Nyo sandiri, damikian juo Inyo mangagikan kapado Anak hidup di dalom diri-Nyo sandiri, ²⁷ dan Ayah mangagi kuaso kapado Anak untuk manjalankan paghakkiman karano Innyo adolah Anak Manusio. ²⁸ Jangan heran akkan hal ikko karano saatnyo akkan tibo katiko sadonyo urang nan ado di dalom kubur akkan mandanga suaro-Nyo ²⁹ dan sidak akkan kalua, yaitu sidak nan ala mambuek baik akkan manuju kabangkitan hidup. Sadangkan sidak nan mambuek jahek, manuju kabangkitan panghakkiman. ³⁰ Ambo indak dapek babuek apo-apo dari-Ambo sadiri. Ambo manghakkimi sasuai nan Ambo danga dan panghakkiman-Ambo adil karano Ambo indak mancari kahendak-Ambo sandiri, malainkan kahendak Innyo nan mangutus Ambo." KASAKSIAN TANTANG YESES BARASAL DARI ALLAH AYAH ³¹ "Jiko Ambo basaksi tantang diri-Ambo indak benar. ³² Akkan tatapi, ado nan lain nan basaksi tantang Ambo, dan Ambo tau bahwa kasaksian nan diagikan-Nyo tantang Ambo itu enar. ³³ Kau ala mangutus kapado Yohanes dan innyo ala mangagikan kasaksian tantang kabenaran. ³⁴ Akkan tatapi, kasaksian nan Ambo tarimo bukkan dari manusio. Ambo mangatokan hal ikko supayo kau di salamatkan. ³⁵ Yohanes adolah palito nan manyalo dan bacahayo, dan kau ingin basukkocito dalom cahayonyo. ³⁶ Akkan tatapi, kasaksian nan Ambo milikki labih gadang daripado Yohanes. Sabab, pakarejoan-pakarejoan nan disarahkan Ayah kapado-Ambo untuk Ambo salasekan, yaitu pakarejoan-pakarejoan nan sadang Ambo lakkukan kini, mangagikan kasaksian tantang Ambo bahwa Ayah lah nan mangutus Ambo. ³⁷ Dan Ayah itu mangutus Ambo itu sandiri ala mangagi kasaksian tantang Ambo. Akkan tatapi. kau indak panah mandanga suaro-Nyo ataupun maliek rupo-Nyo. ³⁸ Dan, firman-Nyo indak tinggal dalom hati kau karano kau indak piccayo kapado Innyo nan diutus-Nyo. ³⁹ Kau mampalajari Kitab Suci karano kau manyangko bahwa di dalom Kitab Suci kau akkan mandapekkan hidup nan kekal; dan Kitab Suci itu juo mangagi kasaksian tantang Ambo, ⁴⁰ tatapi kau indak mau datang kapado-Ambo supayo kau hidup. ⁴¹ Ambo indak manarimo kamuliaan dari manusio,. ⁴² Namun, Ambo manando kau, bahwa kau indak mampunyoi kasih Allah di dalom diri kau. ⁴³ Ambo datang ate namo Ayah-Ambo tatapi kau indak manarimo Ambo. jiko urang lain datang ate namo sidak sandiri, kau akkan manarimonyo. ⁴⁴ Maccammano kau dapek piccayo, jiko kau manarimo pujian dari saurang akkan nan lain dan indak mancari pujian nan datang dari Allah nan Esa? ⁴⁵ Janganlah mangako bahwa Ambo akkan mandakwa kau di hadapan Ayah; nan mandakwa kau adolah Musa, yaitu urang nan kapadonyo kau bahadap. ⁴⁶ Sabab, jiko kau piccayo kapado Musa, kau harusnyo piccayo kapado-Ambo karano Musa manulis tantang Ambo. ⁴⁷ Akkan tatapi, jiko kau indak piccayo pado apo nan Musa tulis, maccam mano mungkin kau piccayo pado mangecekan-Ambo?"