¹ Katiko Tuhan tau kalau urang-urang Farisi ala mandanga bahwa Innyo manghasilkan dan mambaptis banyak murid dari pado Yohanes, ² (maskipun Yesus sandiri indak mambaptis, malainkan murid-murid-Nyo), ³ Innyo maninggalkan Yudea dan kambali lai ka Galilea. ⁴ Namun, Innyo harus malewati wilayah Samaria. ⁵ Sampe Yesus di Samaria, di sabuah kota nan banamo Sikhar, nan talatak di dakkek tanah nan dulu di agikan Yakub kapado anaknyo Yusuf. ⁶ Sumur Yakup ado di sinun. Kamudian, Yesus nan litak karano parjalanan, duduk di tapi sumur itu. Saat itu, kiro-kiro jam anam. ⁷ Datanglah saurang parampuan Samaria untuk manimba air. Yesus mangecek kapadonyo "Agilah Ambo minum." ⁸ (Sabab, murid-murid-Nyo ala pai ka kota untuk mambali makkanan.) ⁹ Parampuan Samaria itu mangecek kapado Yesus, "Maccam mano mungkin Kau, urang Yahudi, maminto air munim kapado ambo nan adolah parampuan Samaria?" (Sabab, urang Yahudi indak bategur sapa jongon urang Samaria). ¹⁰ Yesus manjawab dan mangecek kapadonyo, "Jiko kau tau tantang karunia Allah dan tau siap nan mangecek kapado kau 'Agilah Ambo minum', kau pasti akkan maninto kapado-Nyo, dan Innyo akkan mangagi kau air hidup." ¹¹ Parampuan itu mangecek kapado-Nyo, "Tuan Kau indak punyo timba dan sumur ikk sangat dalom, dari mano Kau akkan mamparolah air hidup itu? ¹² Apokah Kau labih gadang dari pado nenek moyang kami, Yakub, nan mangagikan sumur ikko kapado kami dan nan ala minum sandiri dari sumur ikko basarto sadonyo anak dan ternaknyo?" ¹³ Yesus manjawab dan mangecek kapadoyo, "Satiok urang nan minum dari air ikk akkan haus lai, ¹⁴ tatapi urang nan minum dari air nan Ambo agikan kapadonyo indak akkan panah haus lai; malainkan air nan Ambo agikan kapadonyo itu akkan manjadi mato air di dalom dirinyo nan akkan tarus mamancar sampe kapado kapado hidup nan kekal." ¹⁵ Parampuan itu mangecek kapado Yesus,"Tuan, agilah ambo air itu supayo amb indak akkan haus lai dan ambo indak parlu lai datang ka sikko untuk manimbo air." ¹⁶ Yesus mangecek kapadonyo," Pailah imbo suami kau dan datang lah ka sikko." ¹⁷ Parampuan itu manjawab, "Ambo indak mampunyoi suami." Kato Yesus kapadonyo "Kau benar saat mangecek, 'Ambo indak mampunyoi suami'. ¹⁸ Karano kau ala panah mamilikki limo suami, dan lakki-akki nan tinggal basamo kau kini bukkanlah suami kau. Dalom hal ikko, kau mangecek benar." ¹⁹ Kato parampuan itu kapado-Nyo, "Tuan, kini ambo tau bahwa Kau adolah saurang Nabi. ²⁰ Nenek moyang kami mayembah gunung ikk, tatapi bangsa-Kau mangatokan bahwa Yerusalemlah tampek urang harus mayembah." ²¹ Yesus mangecek kapadonyo, "Piccayolah kapado-Ambo, hai parampuan! Akkan tibo saatnyo katiko bukkan di gunung ikko maupun di Yerusalem urang mayembah Ayah. ²² Kau manyembah nan indak kau kenal, tatapi kami manyembah nan kami kenal karano kasalamatan datang dari bangsa Yahudi. ²³ Namun, akkan tiba saatnyo, yaitu kini, payembah-panyembah benar akkan manyembah Ayah dalom roh dan kabenaran; sabab Ayah manuntut nan maccam itu untuk mayembah Innyo. ²⁴ Allah adolah Roh sidak nan manyembah Innyo harus manyembah-Nyo dalom roh dan kabenaran." ²⁵ Parampuan itu mangecek kapado-Nyo, "Ambo tau bahwa Mesias akkan datang (Innyo nan di sabut kristus). Katiko Innyo datang, Innyo akkan mangagitaukan sagalo sasuatu kapado kami." ²⁶ Jawab Yesus kapadonyo, "Ambo, nan sadang babicaro kapado kau adolah Innyo." ²⁷ Saat itu, datanglah murid-murid-Nyo dan sidak heran maliek Yesus sadang babincang jongon saurang parampuan. Namun, indak saurang pun nan batanyo kapado-Nyo, "Apo nan Kau cari?" atau "Mangapo Kau babincang jongon innyo?" ²⁸ Kamudian, parampuan itu maninggalkan kendi air nyo dan pai ka kota serta mangecek kapado urang-urang di sinun, ²⁹ "Mari, lieklah ado sasaurang nan mangatokan kapado ambo sagalo sasuatu nan ala ambo lakkukan Innyo Mesiasitu?" ³⁰ Sidak pun pai kalua kota dan manjumpoi Yesus. ³¹ Samantao itu, murid-murid-Nyo mandesak Yesus jongon mangecek, "Rabi, makkanlah." ³² Namun, Yesus mangecek kapado sidak, " Ambo punyo makkanan indak kau tando." ³³ Lalu, murid-murid batanyo sabua kapado nan lain, "Apokah indak ado urang nan mambawo sasuatu kapado-Nyo untuk di makkan?" ³⁴ Yesus magecek, "Makkanan-Ambo adolah malakkukan kahendak Innyo nan mangutus Ambo dan manyalasekan pakarejoan-Nyo. ³⁵ Bukkanlah kau mangecek, 'Ampek bulan lai musim panen tibo'? Lieklah, Ambo mangecek kapado kau, bukkolah matokau dan lieklah ladang-ladang ala manguning untuk di tuai. ³⁶ Kini juo, innyo nan manuai ala manarimo upahnyo dan mangumpulkan buah untuk hidup kekal sahinggo panuai dan panabur dapek basukkocito basamo-samo. ³⁷ Dalom hal pangecekan ikko benar, ' Nan saurang manabur dan nan lain manuai.' ³⁸ Ambo mangutus kau untuk manuai sasuatu nan indak kau karejokan; urang lain ala mangarejokannyo dan kau ala masuk ka dalom pakarejoan sidak." ³⁹ Banyak urang Samaria dari kota itu manjadi piccayo kapado Yesus karano pangecekan parampuan itu, nan mangagikan kasaksian, "Innyo mangagitau ambo sadonyo hal nan ala ambo lakkukan." ⁴⁰ Jadi, katiko urang-urang Samaria itu sampe kapado Yesus sidak maminta-Nyo untuk tinggal basamo sidak dan Yesus tinggal di sinun salamo duo hari. ⁴¹ Dan, ado labih banyak urang lai nan piccayo karano pangecekan Yesus sandiri. ⁴² Sidak magecek kapado parampuan itu, "Bukkan lai karano pangecekan kau kami manjadi piccayo, malainkan karano kami sandiri ala mandanga, dan kami tu bahwa Innyo ikko benar-benar Juru Selamat dunia." ANAK PEGAWAI ISTANA DISAMBUHKAN ⁴³ Satalah 2 hari, Yesus maningggal kan tampek itu dan manuju Glilea. ⁴⁴ (Sabalumnyo, Yesus sandiri ala mangagikakan kasaksisan bahwa saurang nabi indak dihormati di negaranyo sandiri.) ⁴⁵ Katiko Yesus tibo di Glilea, urang-urang Galilea manyambut-Nyo karano sidak ala maliek sagalo sasuatu na di karejokan Yesus dalam parayaan Paskah di Yerusalem karano sidak Yerusalem karano sidak juo pai ka parayaan itu. ⁴⁶ Karano itu, Yesus datang lai ka Kana, Galilea, tampek Innyo pana mambuek air manjadi anggur. Di Kapernaum ado saurang pagawai istana nan anak lakki-lakki nyo sadang sakkit. ⁴⁷ Katiko pagawai istana itu andanga bahwa Yesus ala datang dari Yudea ka Galilea, innyo pai manamui dan mamohon kapado Yesus supayo datang dan manyambuhkan anak nyo karano anaknyo ala hampir mati. ⁴⁸ Lalu, Yesus bakato kapadonyo, "Kalau ambo indak maliek tando-tando dan hal-hal ajaib, kau indak piccayo." ⁴⁹ Pagawai istana itu bakato, "Tuan, datanglah sabalun anak ambo maningga." ⁵⁰ Yesus bakato kapadonyo, "Pulanglah, anak kau hidup!" Urang itu piccayo pado pakatoan nan di katokan Yesus kapadonyo dan pai lah urang itu. ⁵¹ Saat pagawai istana masih dalam pajalanan, budak-budaknyo bajumpo, jongon nyo dan mangagi tau bahwa anak lakki- lakki nyo hidup. ⁵² Pagawai istana itu batanyo kapado sidak tantang jam barapo kondisi anak nyo mulai mambalik. Dan, sidak manjawab, " kapatang kiro-kiro jam katujuh damam nyo hilang." ⁵³ Ayah anak itu tau, pado waktu itulah Yesus bakato kapadonyo, " Anak kau hidup." Jadilah pagawai istana itu dan saluruh kaluargo manjadi piccayo kapado Yesus. ⁵⁴ Itulah tando ajaib kaduo nan di lakkukan Yesus satala pulang dari Yehuda ka Galilea.