¹ Ado saurang Farisi banamo Nikodemus. Innyo adolah saurang pamimpin bangso. Yahudi ² Suatu malam, innyo datang kapado Yesus dan mangecek, "Rabi, kami tau bahwo Kau adolah Guru nan datang dari Allah karano indak ado saurang pun nan dapek malakkukan tando-tando ajaib nan Kau lakkukan kacuali Allah ado basamonyo." ³ Jawab Yesus kapadonyo "sabenar-benarnyo ambo mangecek kapado kau, jiko sasaurang indak di lahir kan kambali, innyo indak dapek maliek kerajaan Allah." ⁴ Nikodemus batanyo, "Bagaimano mungkin sasaurang dapek di lahirkan kambali kalau innyo ala tuo? dapek kah innyo masuk lai kadalam rahim ibu nyo dan di lahirkan kambali?" ⁵ Jawab Yesus kapadonyo, "sasungguh nyo ambo mangecek kapado kau, jiko sasaurang indak di lahirkan dari air dan roh innyo indak dapek masuk ka dalam kerajaan Allah. ⁶ Apo nan di lahirkan dari daging adolah daging, dan apo nan di lahirkan dari roh adolah roh. ⁷ Jangan lah heran karano Ambo mangecek kapado kau, 'Kau harus di lahirkan kambali.' ⁸ Angin batiup ka mano pun innyo mau dan kau mandanga bunyi nyo, tatapi kau indak tau dari mano asal nyo dan ka mano innyo pai. Bagitu juo jomgon satiap urang nan dilahirkan dari roh." ⁹ Nikodemus batanyo "Bagaimano mungkin samua hal itu tajadi?" ¹⁰ Yesus manjawab "Bukkan kah kau guru urang israel, tatapi kau indak mangarti samua hal ikko? ¹¹ sa benar- benar nyo Ambo mangatokan kapado kau bahwo kami babicaro tantang apo nan kami katahui dan mangagi kasaksian tantang apo nan kami liek, tatapi kau indak manarimo kasaksian kami. ¹² Kalau Ambo mangagi tau tantang hal-hal duniawi sajo kau indak pitcayo, bagaimano mungkin kau akkan pitcayo kalau Ambo mangagi tau kau tantanghal-hal surgawi? ¹³ Indak saurang pun panah naik ka surga, kacuali Innyo nan alah turun dari surga yaitu Anak Manusio. ¹⁴ Samo saparti Musa manaikkan ular tembaga di padang balantaro, damikian juo Anak Manusio harus ditinggalkan, ¹⁵ Supayo satiap urang nan pitcayo kapado-Nyo mandapekkan hidup nan kekal. ¹⁶ karano Allah sangat mangasihi dunia ikko, Innyo mangagikan Anak-Nyo nan tunggal supayo satiap urang nan pitcayo kapado-Nyo indak binaso, malainkan mamparoleh hidup nan kekal. ¹⁷ Karano Allah mangutus Anak-Nyo ka dalam dunia bukkan untuk manghakkimi dunia, malainkan supayo dunia si salamekkan malalui Anak-Nyo. ¹⁸ Urang nan pitcayo kapado-Nyo indak akkan di hukkum, tatapi urang nan indak pitcayo alah barado di bawah hukkuman karano innyo indak pitcayo pado namo Anak Tunggal Allah. ¹⁹ Ikko lah hukkuman itu: Tarang alah datang ka dalam dunia, tatapi manusio labih manyukoi kagegelapan dari pado tarang karano apo nan sidak lakkukan adolah jahek. ²⁰ Karano satiap urang nan babuek jahek mam banci Tarang dan indak datang juo kapado Tarang itu supayo pabuean-pabueannyo indak di ungkit-ungkit. ²¹ Akkan tatapi, urang nan malakkukan kabenaran datang kapado Tarang itu supayo di nyatokan pabuean-pabueannyo itu di lakkukan nyo di dalom Allah." Yohanes Basaksi Tantang Yesus ²² Sasudah itu, Yesus dan para murid-Nyo pai ka tanah Yehuda. Di sinun, Innyo manghabis kan waktu basamo sidak dan mambaptis. ²³ Yohanes juo mambaptis di Ainon dakkek Salim karano ado banyak uair di sano. Urang-urang badatangan dan di baptis. ²⁴ Waktu itu, Yohanes balum dimasukkan ka dalam panjaro. ²⁵ Dan, timbullah perdebatan antaro babarapo murid Yohanes dan saurang Yahudi mengenai panyucian. ²⁶ Sidak manjumpoi Yohanes dan mangecek, "Guru, Urang nan basamo kau di subarang Yordan, nan tantang Innyo kau ala basaksi, liek lah, Innyo juo mambaptis dan samua urang datang kapado-Nyo ²⁷ Yohanes manjawab, "Manusio indak dapek manarimo apo pun kacuali hal itu di agikan kapadonyo dari surga. ²⁸ Kau sandiri dapek mangagi kasaksian bahwa ambo panah mangecek, 'Ambo bukkan Mesias,' tatapi ambo di utus mandahului-Nyo. ²⁹ Urang nan mamiliki mampelai parampuan adolah mampelai lakki-lakki tatapi sahabat mampelai lakki-lakki, nan badiri dan mandangakan nyo, sangat basukacito mandanga suaro mampelai lakki-lakki . Jadi, sukkucito ambo ko ala dijadikan panuh. ³⁰ Innyo harus samakkin gadang dan ambo harus samakkin ketek." ³¹ "Innyo nan datang dari ate adolah di ate sadonyo, Innyo nan barasal dari bumi dan babicaro tantang hal-hal nan ado di bumi. Innyo nan datang dari surga adolah di ate sagalo sasuatu. ³² Innyo mangagi kasaksian tantang apo nan di liek dan di danga-nyo tatapi urang-urang indak manarimo kasaksian-Nyo ³³ Urang manarimo kasaksisan-Nyo mangakkui jongon sungguh Allah itu benar. ³⁴ Sebab, urang nan di utus Allah akkan manyampekan parkatoan Allah karano Allah mangagikan Roh nan indak tabatas ³⁵ Ayah mangisi Anak dan ala manyerahkan sagalo sasuatu ka dalam tangan-Nyo. ³⁶ Urang nan pitcayo kapado Anak mamiliki hidup nan kekal, tatapi urang nan indak manaati Anak indak akkan maliek kahidupan malainkan murka Allah tatap ado padanyo."