¹ Pado hari nan katigo, ado pesta perkawinan di kana, Galilea, dan ibu Yesus ado di situ. ² Yesus dan murid-murid-Nyo juo diundang ka pesta perkawinan itu. ³ Katiko air anggur habis, ibu Yesus mangecek kapado-Nyo, "Sidak kahabisan air anggur." ⁴ Yesus manjawab "parampuan apo hubungan_nyo jongon-Ambo? Waktu-Ambo balun tibo." ⁵ Ibu Yesus mangecek kapado paro palayan, "apopun nan Innyo kecekkan kapado kau lakkukan itu. ⁶ Di sano, ado anam gentong dari batu, nan biaso di pakke urang Yahudi pado upacara panyucian. Masing-masing gentong itu muek kiro-kiro duo atau tigo buyung. ⁷ Yesus mangecek kapado para pelayan, "Isilah gentong-gentong itu jongon air." Dan sidak mangisi gentong-gentong itu jongon air sampe panuh. ⁸ Kamudian Yesus mangecek kapado sidak, " sakarang, ambiklah saketek dan bawo lah kapado pamimpin pesta." Lalu sidak mambawonyo kapado pamimpin pesta. ⁹ Katiko pamimpin pesta mancicipi air nan alah di jadikan anggur itu, dan innyo indak tau dari mano itu barasal (tatapi paro palayan nan mangambik air itu tau), mako pamimpin pesta itu mamanggil mempelai lakki-lakki, ¹⁰ dan mangecek kapadonyo " satiap urang manghidangkan air anggur nan baik talabih dulu dan katiko samua urang puas minum baru lah dihidangkan anggur nan kurang baik. Namum kau manyimpan anggur nan baik sampe kini." ¹¹ Tando ajaib pertaman ikko Yesuslakkukan di kana, Galilea dan manyatokan kamuliaan-Nyo, dan murid-murid-Nyo pitcayo kapado-Nyo. ¹² sasudah itu, Yesus turun ka kapernaum basamo ibu, saudaro-saudaro dan murid-murid-Nyo. Sidak tinggal di situ salamo babarapo hari YESUS DI BAIT ALLAH ¹³ Hari paskah urang Yahudi ala dakkek, dan Yesus pun naik ka Yerusalem. ¹⁴ Bait Allah, innyo maliek urang-urang manjual lembu, domba, dan merpati sarto paro panukkar kepeng duduk di situ. ¹⁵ Yesus mambuek cambuk dari tali dan mangusir sidak samua kaluar dari bait Allah, tamasuk samua domba dan lembu sidak. Innyo juo mambuang kepeng-kepeng join dari paro panukkar kepeng dan mambalikkan meja-meja sidak. ¹⁶ Kapado paro pedagang merpati, Yesus mangecek, " bawo kaluar samua ikko dari sikko! Jangan manjadikan rumah Ayah-Ambo tampek untuk manjual bali!" ¹⁷ Murid-murid-Nyo taringek bahwo ado tatulis: "Cinto rumah-Kau manghanguskan ambo." Mazmur. 69:10 ¹⁸ Kamudian urang-urang Yahudi manjawab dan mangecek kapado-Nyo, "Tando ajaib apo nan kau tunjukkan kapado kami saginggo kau berhak malakkukan hal-hal ikko?" ¹⁹ Yesus manjawab sidak, " Hancurkan Bait Allah ikko dan dalom Tigo hari Ambo akkan mambangunnyo kambali." ²⁰ Sidak manjawab, "Parlu 46 tahun untuk mambangun Bait Allah ikko, dan kau akkan mambangunnyo dalom waktu tigo hari?" ²¹ Namum nan Yesus maksud adolah tubuh-Nyo sandiri. ²² Karano itu, katiko Yesus dibangkitkan di antaro urang mati murid-murid-Nyo taringek akkan parkatoan ikko; dan dan sidak pitcayo kapado kitab suci dan parkatoan nan Yesus kecekkan. ²³ Katiko Yesus barado di Yerusalem salamo parayaan paskah, banyak urang pitcayo dalom namo-Nyo karano maliek tando-tando ajaib nan dilakkukan-Nyo. ²⁴ Akkan tatapi, Yesus sandiri indak mamercayokan diri-Nyo kapado sidak karano Innyo manando samua urang, ²⁵ dan indak mambutuhkan siapo pun untuk mangagi kasaksian tantang manusio sebab Innyo tau apo nan ado dalom hati manusio.