¹ pado hati partamo minggu itu, Maria Magdalea pai ka kubur Yesus pagi-pagi sakkali, katiko hari masih gelap, dan maliek batu panutup kubur ala di geser dari kubur itu. ² Mako, innyo balari dan manjumpoi Simon Petrus dan murid lain nan di kasihi Yessu, dan mangecek kapado sidak, "Sidak ala mangambik Tuhan dari kubur, dan kami indak tau di mano sidak malatakkan-Nyo." ³ Mako, Petrus dam murid lainn itu pai ka kubur. ⁴ Kaduonyo balari basamo-samo, tatapi murid lain itu balari labih lakke dari pado Petrus sahinggo innyo sampe labih dulu ka kuburan. ⁵ Innyo melongok dan maliek ka dalom, da maliek kain linen pambungkus mayat Yesus tagalatak di sinun, namun innyo indak masuk ka dalom. ⁶ Kamudian, Simon Petrus datang, dan manyusul innyo, dan masuk ka kuburan dan innyo maliek kain linen pambungkus tagalatak di dinun. ⁷ Dan, kainn panutup wajah nan mambalut kapalo Yesus indak tagalatak basamo kain linen pambungkus tadi, tatapi ala tagulung di tampek nan babeda. ⁸ Kamudian, murid nan lain tadi, nan labih dulu sampe ka kuburan, juo masuk, Innyo maliek dan piccayo. ⁹ Sabab, sabalum kajadian itu, sidak balum managarti Kitab Suci, bahwa Yesus harus bangkit kambali dari kamatian. YESUS MANAMPAKKAN DIRI KAPADO MARIA MAGDALENA ¹⁰ Jadi, kaduo murid itu pulang ka rumah. ¹¹ Akkan tatapi, Maria badiri di lua kuburan dan manangi. Sambil manangi, innyo malongok ka dalom kuburan itu, ¹² dan innyo laliek kaduo malaikat bapakkean putih sadang duduk di tampek mayat Yesus babaring sabalumnyo, Nan satu duduk di bagian kapalo dan satu nyo di bagian kakki. ¹³ Kaduo malaikat itu batanyo kapado Maria, "Parampuan, mangapo kau manangi?" Maria manjawab malaikat itu, "Sidak ala mangambik mayat Tuhan ambo dan ambo indak tau di mano siidak malatakkan Innyo." ¹⁴ Sasudah mangatokan damikian, Maria manoleh ka balakkang dan maliek Yesus badiri di situ, tatapi indak tau kalau itu dalolah Yesus. ¹⁵ Yesus batanyo kapadonyo, "Parampuan, mangapo kau manangi? Siapokah nan kau cari?" Karano mangiro Innyo adolah panjago taman, Maria mangecek kapado-Nyo, "Tuan, jiko Tuan ala mamindahkan-Nyo, agitaukanlah ambo si mano Tuan ala malatakkan-Nyo, dan ambo akkan mangambik-Nyo." ¹⁶ Yesus mangecek kapadonyo, "Maria." Maria pun bapaling dan mangecek kapado-Nyo dalom bahasa Ibrani, Rabuni", nan artinyo "Guru". ¹⁷ Yesus mangecek kapadonyo, "Janganlah kau mamaccik Ambo karano Ambo balum pai kapado Ayah. Akkan tatpi, pailah kapado saudaro- saudaro-Ambo da katokan kapado sidak, ' Ambo akkan pai kapado Ayah-Ambo dan Ayah kau, kapado Allah-Ambo dalom Allah kau."' ¹⁸ Maria magdalena pai dan mangagi tau murid-murid, "Ambo ala maliek Tuhan," dan bahwa Yesuslah nan mangatokan hal-hal ikko kapadonyo. YESUS MANAMPAKKAN DIRI KAPADO MURID-MURID-NYO ¹⁹ Katiko hari itu ala malam, yaitu hari partamo dalom satu minggu itu, dan pintu-pintu tampek paro murid bakumpul tatutup karano takkut kapado urang-urang Yahudi, di tanga-tanga sidak sarto mangecek, "Damai sejahtra bagi kau!" ²⁰ Sasudah mangatokan damikian, Yesus manunjukkan tangan dan lambung-Nyo kapado sidak. paro murid sangat basukko cito katiko sidak mailek Tuhan. ²¹ Kamudian, Yesus mangecek kapado sidak lai, "Damai sejahtera bagi kau. Samo maccam Ayah ala mnagutus Ambo, damikian juo kini Ambo mangutus kau." ²² Dan ala Innyo mangatokan damikian, Yesus mangambusi sidak dan mangecek, "Tarimo Roh Kudus! ²³ Jiko kau mangampuni dosa sasaurang, mako dosa urang itu diampuni. Jiko ado urang nan dosa-dosanyo indak kau ampuni, mako dosa sidak indak diampuni." YESUS MANAMPAKKAN DIRI KAPADO TOMAS ²⁴ Tomas, salah saurang dari ka-12 murid, di sabut Didimus, indak ado basamo sidak katiko Yesus datang. ²⁵ Mako, murid-murid nan lain mangagi tau innyo, "Kami ala maliek Tuhan." Namun, Tomas mangeeck kapado sidak, "Kacuali ambo maliek bekas pakku pado tangan-Nyo dan mamasukkan jari ambo ka dalom bekas pakku itu, sarto mamasukkan tangan ambo kapado lambung-Nyo, ambo indak akkan piccayo." ²⁶ Lapan hari kamudian, murid-murid kambali bakumpul di rumah itu dan Tomas ado basamo sidak. Meskipun pintu-pintu tatutup, Yesus datang dan badiri di tanga-tanga sidak, sarto mangecek, "Damai sejahtera bagi kau!" ²⁷ Kamudian, Innyo mangecek kapado Tomas, "Ulurkanlah jari kau di sikko dan lieklah tangan-Ambo; dan ulurkanlah tangan kau ka sikko dan latakkan di lambung-Ambo. Jangan indak piccayo, tatapi piccayolah!" ²⁸ Tomas manjawab Yesus, "Ya, Tuhan ambo dan Allah ambo!" ²⁹ Yesus mangecek kapadonyo, "Apokah kau kini ala maliek Ambo? Diberkatilah sidak nan indak maliek, tatapi picayo." TUJUAN YOHANES MANULIS KITAB IKKO ³⁰ Masih banyak lai tando ajaib lain nan di lakkukan Yesus di mukko murid-murid-Nyo, nan indak tatulis dalom kitab ikko. 31 Akkan tatapi, sadonyo ikko di tulis supayo kau piccayo bahwa Yesus adolah Kristus, Anak Allah, dan supayo malalui kapiccayoan itu, kau mamparoleh hidup di dalom namo-Nyo.