¹ Pilatus mangambik Yesus dan mamarintahkan supayo Yesus di sesah. ² Paro prajurit menganyam sabuah mahkota dari ranting-ranting baduri dan mamakkekannyo ka kapalo Yesus, dan mamakkekan jubah ungu kapado-Nyo. ³ Sidak maju mandekkati Yesus dan mangecek, "Salam, hai Raja urang Yahudi!" Lalu, sidak manampar mukko-Nyo. ⁴ Pilatus kalua lagi dan mangecek kapado sidak, "Liek lah! Ambo akkan mambawo Yesus ka lau kapado kau supayo kau tau bahwa ambo indak manamukan kasalahan apopun pado-Nyo." ⁵ Lalu, Yesus kalua jongon mamakke mahkota duri dan jubah ungu. Pilatus mangecek kapado sidak, "Lieklah Innyo!" ⁶ Katiko imam-imam kapalo dan paro perwira maliek Yesus, sidak basurak, "Salibkan Innyo, salibkan Innyo!" Akkan tatapi, Pilatus mangecek kapado sidak, "Bawolah Innyo dan salibkan sandiri karano ambo manemukan kasalahan apopun pado-Nyo." ⁷ Urang-urang Yahudi itu manjawab Pilatus, "Kami mampunyoi hukkum, dan manurut hukkum itu, Innyo harus mati karano Innyo manganggap diri-Nyo adolah Anak Allah." ⁸ Katiko Pilatus mandanga pangecekan itu, innyo makkin takkut ⁹ dan masuk kambali ka gedung pangadilan, dan batanyo kapado Yesus, "Dari manokah asal-Kau?" Akkan tatapi, Yesus indak manjawabnyo. ¹⁰ Pilatus mangecek kapado-Nyo, "Kau indak mau babicaro jongon ambo? Apokah Kau inak tau bahwa ambo mamiikki kuaso untuk mambebaskan-Kau dan mamilikki kuaso untuk manyaibkan-Kau?" ¹¹ Yesus manjawab, "Kau indak mamilikki kuaso apopun ate diri-Ambo, kacuali kuaso itu di agikan kapado kau dari ate. Itulah sababnyo, urang nan manyerahkan Ambo kapado labih gadang dosanyo." ¹² Sasudah mmandanga hal itu, Pilatus barusaho untuk mambebaskan Yesus, tatapi urang-urang Yahudi basurak, "Jiko kau mambebaskan Urang ikko, kau bukkan lah sahabat Kaisar; satiok urang nan manganggap dirinyo raja bararti malawan Kaisar." ¹³ Katiko Pilatus mandanga kato-kato itu, innyo mambawo Yesus kalua, dan duduk di kursi pangadilan, di suatu tampek banamo Litostrotos, dalom bahaso Ibrani di sabut Gabata. ¹⁴ Hari itu marupokan parsiapan untuk Paskah, saat itu sakitar jam kaanam. Pilatus mangecek kapao urang-urang Yahudi, "Ikkolah Raja kai!" ¹⁵ Mako, sidak basurak, "Enyakanlah Innyo! Enyalah Innyo! Salibkan Innyo" Pilatus mangecek kapado sidak, "Haruskah ambo manyalibkan Raja kau?" Imam-imam kapalo manjawab, "Kami indak mampunyoi rajo salain Kaisar!" ¹⁶ Akhirnyo, Pilatus manyerahkan Yesus kapado sidak untuk di salibkan. YESUS DI SALIBKAN ¹⁷ Yesus kalua jongon mamanggul salib-Nyo sandiri manuju ka tampek nan nan banamo "Tampek Tengkorak", nan dalom basaho Ibrani "Golgota". ¹⁸ Di sinun, sidak manyalibkan Yesus basamo jongon duo urang lain, nan di salibkan di kanan dan kiri Yesus, samantaro Yesus barado di tangah. ¹⁹ Pilatus juo manulis sabuah tulisab dan manampekkannyo di ate kayu salib. Tulisan itu babunyi, "YESUS URANG NAZARET RAJO URANG YAHUDI." ²⁰ Banyak urang Yahudi mambaco tulisan itu karano tampek Yesus di salibkan itu barado di dakkek kota, dan tulisan itu di tulis dalom bahaso Ibrani, Latin, dan Yunani. ²¹ Mako, imam-imam kapalo urang Yahudi mangecek kapado Pilatus, "Jangan tulis, 'Raja urang Yahudi,' tatapi tulislah, Urang ikko mangecek,'Ambolah Raja urang Yahudi." ²² Jawab Pilatus, "Apo nan ambo ala tulis, akkan tatap tatulis!" ²³ Paro prajurit, katiko sidak ala sidak ala manyalibkan Yesus, mangambik pakkean-Nyo dan mambaginyo manjadi ampek, satu bagian untuk masing-masing prajurit, huo jubah-Nyo; jubah itu indak ado kelimnyo, hanyo di tenund dari ate ka bawah tanpo jahitan. ²⁴ Paro prajurit itu mangecek saurang kapado nan lain, "Janganlah kito mancabikkannyo, malainkan mambuang undi atenyo untuk mamutuskan siapo nan akkan mandapekkan-nyo." Hal ikko tajadi supayo genaplah nan ala tatulis dalom Kitab Suci: "Sidak mambagi-bagi pakkean-Ambo di antaro sidak dan untuk jubah-Ambo, sidak mambuang undi Maz. 22:18 Damikan lah paro prajurit malakkukan sadonyo hal itu. ²⁵ Samantaro itu, ibu Yesus, saudaro parampuan ibu Yesus, Maria istri Klopas, dan Maria Magdalena, badiri dakkek salib-Nyo. ²⁶ Katiko Yesus maliek ibu-Nyo dan murid nan Innyo kasihi badiri si situ, Innyo mangecek kapado ibu-Nyo, "Parampuan, lieklah, ikko anak kau!" ²⁷ Lalu Yesus mangecek kapado murid nan dikasihi-Nyo itu, "Ikkolah ibu kau!" Sajak itu, murid itu manarimo ibu Yesus tingga di rumahnyo. KAMATIAN YESUS ²⁸ Sasudah itu, Yesus, nan tau bahwa sadonyo ala talaksano untuk manggenapi Kitab Suci, Innyo mangecek, Ambo haus!" ²⁹ Di situ ado sabuah bejana panuh anggur asam, Karano itu, sidak manancapkan bungo karang nan ala di celupkan ka dalom anggur asam pado sabatang hisop dan manunjukkannyo ka mulut Yesus. ³⁰ Sasudah mangecap aggur masam itu, Yesus mangecek, "Ala selesai," Kamudian, Innyo manundukkan kapalo-Nyo dan manyerahkan nyawa-Nyo. ³¹ Karano hari itu adolah hari parsiapan, dan supayo mayat-mayat itu indak tatap barado di kayu salib pado hari Sabat, sabab Sabat adolah hari gadang, urang-urang Yahudi maminto kapado Pilatus supayo kakki urang-urang nan di salib itu di patahkan dan mayat-mayatnyo di turunkan dari salib. ³² Lalu, paro prajurit datang dan mamatahkan kakki urang nan partamo dan urang lainnyo, nan di salibkan basamo Yesus. ³³ Akkan tatapi, katiko sidak sampe kapado Yesus dan maliek bahwa Innyo ala mati, sidak indak mamtahkan kakki-Nyo. ³⁴ Namun, salah satu saurang prajurit itu manusukkan tombaknyo ka lambung Yesus, dan sakatiko itu juo, darah dan air mangalir kalua. ³⁵ Urang nan manyaksikan paristiwa itulah nan mangagikan kasaksian, ikko, dan kasaksiannyo benar dan innyo tau kalau innyo mangatokan nan sabenarnyo, supayo kau juo piccayo. ³⁶ Sabab, sadonyo itu tajadi supayo genaplah nan ala tatulis dalom Kitab Suci: "Tak sabua pu dari tulang-Nyo nan di patahkan." ³⁷ Dan lai, dalom bagian Kitab Suci mangecek, "Sidak akkan mandatangkan Innyo nan ala sidak tikkam." YESUS DI KUBURKAN ³⁸ Sasudah sadonyo itu, Yusuf dari Arimatea, nan juo manjadi murit Yesus namun sacaro sambunyi-sambunyi karano takkut kapado urang-urang Yahudi, maminto kapado Pilatus supayo innyo di bolehkan mangambik mayat Yesus; dan Pilatus mangabulkannyo. Jadi Yusuf dari Arimetea datang dan mangambik mayat Yesus. ³⁹ Nikodemus, urang nan dulu manjumpai Yesus pado malam hari, juo datang jungon mambawo campuaran minyak mur dan gaharu, nan batanyo bareknyo kakitar limo puluh kati. ⁴⁰ Mako, sidak mangambik mayat Yesus dan mambungkusnyo jongon kain linen nan diagi rempah-rempah, sasuai adat panguburan urang Yahudi. ⁴¹ Di dakkek tampek Yesus di salibkan, tadapek sabuah taman dan di dalom taman itu ado sabuah kuburan baru nan tak satu mayat pun panah di latakkan di sinun. ⁴² Karano hati itu adolah hari parsiapan bagi urang Yahudi, dan latak kuburan itu indak jauh, sidak malatakkan mayat Yesus di sinun.