¹ Sasudah Yesus mangatokan hal-hal ikko, Innyo pai basamo murid-murid-Nyo ka subarang sunge Kidron, tampek tadapeknyo sabuah taman dan Yesus masuk kadalomnyo basamo murid-murid-Nyo. ² Yudas, salah saurang murid nan manghianati Yesus, juo tau taman itu karano Yesus saring bakumpul basamo murid-murid-Nyo di sinun. ³ Yudas, sasudah manarimo sajumlah pasukan dan hamba-hamba dari imam-imam kapalo dan urang-urang Farisi, datang ka taman itu jjongon mambawo lantera, obor, dan sanjato. ⁴ Yesus nan tau sadonyo hal nan akkan tajadi kapdo-Nyo, maju ka depan dan batanyo kapado sidak, "Siapokah nan kau cari?" ⁵ Sidak manjawab, "Yesus dari Nazaret." Yesus mangecek kapado sidak, "Ambolah Yesus." Dan juo Yudas, dan manghianati Innyo, badiri basamo sidak. ⁶ Katiko Yesus mangecek, "Ambolah Yesus," uurang-urang itu mundur dan jatuh ka tanah. ⁷ Kamudian lai kapado sidak, "Siapokah nan kau cari?" Sidak manjawab, "Yesus dari Nazaret." ⁸ Yesus manjawab, "Ala Ambo katokan kapado kau Ambolah Yesus. Jadi, jiko kau mancari Ambo biakanlah murid-murid-Ambo ikko pai." ⁹ Hal ikko tajadi supayo genaplah pangecekan nan ala di katokan Yesus: "Dari sadonyo nan Kau agikan kapado-Ambo, Ambo indak kahilangan satu pun." ¹⁰ Simon Petrus, nan mambawo sabiah padang, manghunus padangnyo dan manyebatkannyo pado palayan Iman Gadang, sahinggo mamotong talingo kanan palayan itu; namo palayan Imam Gadang itu adolah Malkahus. ¹¹ Mako, Yesus mangecek kapado Petrus, "Masukkan padang itu kapado sarungnyo! Cawan nan ala Ayah agikan kapado-Ambo, bukkanlah Ambo harus maminumnyo?" YESUS DI BAWO KA MUKKO HANAS ¹² Kamudian, paro prajurit Romawi dan perwira- perwiranyo sarto paro palayan urang Yahudi manangkap Yesus dan mangikkek Innyo, ¹³ dan talabih daulu mambawo Yesus kapado Hanas, martuo Kayafas, nan adolah Imam Gadang pado tahun itu. ¹⁴ Dan, Kayafas lah nan manasehati urang-urang yahudi bahwo adolah hal nan baguno jiko satu urang mati dami rakyat. PETRUS INDAK MANGAKKUI YESUS ¹⁵ Simon petrus dan saurang murid lain mangikkuti Yesus. murid nan lain itu di tando oleh Imam Gadang dan innyo masuk ka dalom halaman istana Imam Gadang. ¹⁶ Akkan tatapi, Petrus badiri di lua, di dakkek pintu. Kamudian, murid nan lain itu, nan manando Imam Gadang, kambali ka lua dan babicaro jongon parampuan panjago pintu, lalu mambawo petrus masuk. ¹⁷ Mako, parampuan panjago pintu itu batanyo kapado Petrus, "Bukkan kah kau juo salah saurang murid dari Urang itu?" Jawab Petrus, "Bukkan!" ¹⁸ Sasudah mambuek parapian, paro palayan dan parwira badiri di sinun karano waktu itu udaro taraso dingin, dan sidak berdiang, petrus juo basamo sidak, badiri dan berdiang. IMAM GADANG BATANYO KAPADO YESUS ¹⁹ Kamudian, Imam Gadang mananyoi Yesus tantang murid-murid-Nyo. ²⁰ Yesus manjawab innyo, "Ambo ala babicaro tarus tarang kapado dunia. Ambo salalu mangajar di sinagoe-sinagoe dan Bait Allah, tampek sadonyo urang Yahudi bakumpul. Ambo indak panah babicaro sacaro basambunyi-sambunyi. ²¹ Mangapo kau batanyo kapado-Ambo? Tanyokanlah kapado sidak nan ala mandanga apo nan Ambo katokan kapado sidak; sidak tau apo nan ala Ambo katokan." ²² Katiko Yesus mangecek damikian, saurang panjago badiri dan manampar mukko-Nyo dan mangecek, "Baitukah caro-Kau manjawab Iman Gadang?" ²³ Yesus manjawab innyo, "Jiko Ambo mangatokan sasuatu nan salah, tunjukkanlah kasalahanyo; tatapi jiko Ambo katokan itu benar, mangapo kau manampar Ambo?" ²⁴ Lalu, Hanas mangirim Yesus dalom kaadaan tarikkek kapado Imam Gadang Kayafas PETRUS KAMBALI INDAK MANGAKKUI YESUS ²⁵ Samantaro itu, Simon Petrus masih badiri dan bardiang. Mako, sidak batanyo kapadonyo, "Bukkan kah kau juo salah satu murid Urang itu?" Petrus manyangkal nyo dan manjawab, "Bukkan." ²⁶ Salah saurang palayan Imam Gadang, nan marupokan kerabat dari urang nan talingonyo di kudung petrus, mangecek, "Bukkankah ambo liek kau basamo Innyo di taman itu?" ²⁷ Sakkali lai, Petrus manyangkalnyo, dan sakatiko itu juo, ayam bakokkok. YESUS DI BAWO MANGHADAP PILATUS ²⁸ Kamudian, sidak mambawo Yesus dari tampek gedung Kayafas ka gedaung pangadilan, waktu itu masih dini hari, dan sidak sandiri indak masuk ka dalom gedung pangadilang supayo sidak indak manajiskan diri, sahinggo boeh makkan Paskah. ²⁹ Makdo, Pilatus kalua manjumpoi sidak dan batanyo, "Apokah tuduhan kau tadahap Orang ikko?" ³⁰ Sidak manjawab dan mangecek kapado nyo, "Kalau urang ikko bukkan urang jahek, kami tantu indak mambawo-Nyo kapado kau." ³¹ Pilatus mangecek kapado sidak," Bawolah Innyo dan hakkimilah manurut hukkum kau." Urang-urang Yahudi manjawab, "Adolah indak sasuai hukkum bagi kami untuk manghukkum mati sasaurang." ³² Ikko tajadi untuk manggenapi pangecekan Yesus, nan manunjukkan jongon kamatian maccam apo Innyo akkan mati. ³³ Mako, Pilatus masuk kambali ka dalom gedung pangadilan dan mangimbo Yesus, dan batanyo kapado-Nyo, "Apokah Kau Raja urang Yahudi?" ³⁴ Yesus manjawab, "Apokah partanyaan itu dari diri kau sandiri, atau adokah urang lain nan mangagi tau kau tantang Ambo?" ³⁵ Pilatus mangecek, "Apokah ambo saurang Yahudi? Bangsa dan imam-imam kapalo-Kau sandiri manyerahkan sandiri manyerahkan Kau kapado ambo. Apo nan ala kau lakkukan?" ³⁶ Yesus mangecek, "Kerajaan-Ambo bukkan dari dunia ikko. Jiko karajaan-Ambo dari dunia ikko, palayan-palayan-Ambo pasti indak akkan malawan supayo Ambo indak di sarahkan kapado urang-urang yahudi. Akkan tatapi, kerajaan-Ambo bukkanlah dari dunia ikko." ³⁷ Pilatus mangecek, "Jadi, Kau saurang raja?" Yesus manjawab, "Kaulah nan mangatokan bahwa Ambo daolah raja. Untuk ikkolah Ambo lahir, dan untuk ikkolah Ambo datang ka dunia, yaitu basaksi tantang kabenaran. Satio urang nan barasal dari kabenaran akkan mandangakan surao-Ambo." ³⁸ Pilatus mangecekkapado-Nyo, "Apokah kabenaran itu?" Dan, sasudah mangecek damikian, Pilatus kalua lai manjumpoi urang-urang Yahudi, dan mangecek kapado sidak, "Ambo indak manentukan kasalahan apo pun pado-Nyo. ³⁹ Namun, kau mamilikki sabua kabiasaan bahwa ambo harus mambebaskan saurang tahanan pado hari Pasakah. Jadi, apokah kau mau supayo ambo mambebaskan 'Raja Urang Yahudi' ikko?" ⁴⁰ Sidak manjawab lai jongon basurak, "Jangan bebaskan Urang ikko, malainkan Barabas!" Barabas adolah saurang parampok.