¹ Itulah pangecekan-pangecekan Yesus kamudian Innyo manengadah ka langit dan mangecek, "Ayah, saatnyo ala tibo, muliakanlah Anak- Kau supayo Anak-Kau juo dapek mamuliakan Kau. ² Samo maccam Kau ala mangagikan Innyo kuaso ate sadonyo manusio, supayo kapado sadonyo nan Kau agikan kapado-Nyo, Innyo dapek mangagikan hidup kekal. ³ Ikkolah hidup kekal itu, yaitu bahwa sidak manando Kau, satu-satunyo Allah nan benar, dan manando Kristus Yesus nan ala Kau utus. ⁴ Ambo ala mamuliakan Kau di bumi dan manyalasekan pakarejoan nan Kau agikan kapado-Ambo untuk di karejoakan. ⁵ Dan kini, ya Ayah mulakanlah Ambo basamo-Kau jongonn kamuliaan nan Ambo milikki basamo-Kau sabalum dunia ado. ⁶ Ammbo ala manyatokan namo-Kau kapado urang-urang nan Kau agikan kapado-Ambo dari dunia ikko. Sidak itu milik-Kau dan Kau ala diagikan sidak kapado-Ambo, dan sidak juo ala manaati firman-Kau. ⁷ Kini, sidak tau bahwa sadonyo urang nan Kau agikan kapado-Ambo barasal dari-Kau. ⁸ Sabab, Ambo ala mangagikan kapado sidak firman nan Kau agikan kapado-Ambo, dan sidak ala manarimonyo sarto banar-banar tau bahwa Ambo barasal dari Kau, dan sidak piccayo bahwa Kaulah nan mangutus Ambo. ⁹ Ambo badoa untuk sidak, Ambi indak badoa untuk dunia, tatapi untuk siidak nan ala Kau agikan kapado-Ambo; sabab sidak adolah milik-Kau. ¹⁰ Sadonyo nan Ambo punyo adolah punyo-Kau, dan sadonyo nan Kau punyo adolah punyo-Ambo; dan Ambo ala dimuliakan di dalom sadonyo itu. ¹¹ Ambo indak lai di dunia ikko, tatapi sidak masih ado di dunia ikko, dan Ambo datang kapado-Kau. Ayah nan kudus, jagolah sidak dalom namo-Kau, namo ala Kau agikan kapado-Ambo, sahinggo sidak manjadi sabua samo maccam kito. ¹² Salamo Ambo basamo sidak, Ambo ala manjago sidak salom namo-Kau nan ala Kau agikan kapado-Ambo. Ambo ala manjago sidak dan indak ado saurang pun dari sidak nan hilang kacuali anak kabiasaan, supayo Kitab Suci digenapi. ¹³ Namun kini, Ambo akkan datang kapado-Kau; dan sadonyo ikko Ambo katokandi dunia ikko supayo siidak dapek mamilikki sukko cito-Ambo nan dipauhkan di dalom diri sidak. ¹⁴ Ambo alla mangagikan firman-Kau kapado sidak, dan dunia mambanci sidak karano sidak indak barasal dari dunia, samo maccam Ambo indak barasal dari dunia. ¹⁵ Ambo indak maminta-Kau mangambik sidak dari dunia, tatapi untuk malindungi sidak dari nan jahek. ¹⁶ Sidak indak barasal dari dunia, samo Ambo indak barasal dari dunia. ¹⁷ Sukko citolah sidak dalom kabenaran; friman-Kau adolah kabenaran. ¹⁸ Maccam Kau ala mangutus Ambo ka dalom dunia, damikianlah Ambo mangutus sidak ka dalom dunia. ¹⁹ Dami sidak, Ambo mangucikan diri-Ambo supayo sidak juo di sucikan dalom kabenaran. ²⁰ Ambo indak hanyo badoa untuk sidak, tatapi juo untuk urang-urang nan piccayo kapado-Ambo malalui pambaritoan sidak, ²¹ supayo sidak sadonyo manjadi satu, samo maccam Kau, ya Ayah. di dalom Ambo dan Ambo di dalom Kau; supayo sidak juo manjadi satu di dalom Kito sahinggo dunia paiccayo bahwa Kau lah nan ala mangutus Ambo. ²² Kamuliaan nan ala Kau agikan kapado-Ambo, ala Ambo agikan kapado sidak supayo sidak manjadi satu, samo maccam Kau dan Ambo adolah satu. ²³ Ambo di dalom sidak dan Kau di dalom Ambo, supayo sidak manjadi satu sautuhnyo. Jongon maccam tu, dunia akkan tau bahwa Kaulah nan mangutus Ambo, dan bahwa Kau lah mangasihi sidak, samo maccam Kau mangasihi Ambo. ²⁴ Ya Ayah, Ambo ingin agar sidak, nan ala Kau agikan kapado-Ambo juo basamo-Ambo di mano pun Ambo barado, supayo sidak maliek kamuliaan-Ambo, nan ala Kau agikan kapado-Ambo, karano Kau mangasihi Amo sabalum parmulaan dunia. ²⁵ Ya Ayah nan adil, maskipun dunia indak manando Kau, tatapi Ambo manando Kau; dan sidak mangatahui bahwa Kaulah nan mangutus Ambo. ²⁶ Ambo ala mangagitaukan namo-Kau kapado sidak dan akkan tarus mangagitaukan supayo kasih nan jongonnyo Kau mangasihi-Ambo ado di dalom sidak, dan Ambo di dalom sidak."