¹ " Sadonyo ikko ala Ambo katokan kapado kau supayo kau indak taguncang. ² Sidak akkan mangusir kau dari Sinagoge. Bahkan, waktunyo akkan tibo bahwa satiok urang nan mambunuh kau akkan bapikkir bahwa sidak sadang berbakti kapado Allah. ³ Dan, hal-hal itu akkan sidak lakkukan karano sidak indak manando Ayah ataupun Ambo. ⁴ Akkan tatapi, sadonyo itu ala Ambo katokan kapado kau supayo apobilo waktunyo datang, kau ingek bahwa Ambo ala mangatokannyo japado kau. Dan, hal-hal ikko indak Ambo katokan kapado kau pado awal nyo karano Ambo masih basamo kau. PAKAREJOAN ROH KUDUS ⁵ Akkan tatapi, kini Ambo akkan pai kapado Innyo nann mangutus Ambo, dan tak saurang pun dari kau nan mananyoi Ambo, 'Kamano Kau akkan pai?' ⁶ Namun, karano Ambo ala mangatokan sadonyo ikko kapado kau, kasedihan mamenuhi hati kau. ⁷ Akkan tatapi, Ambo mangagi taukan kapado kau: labih baik bagi kau jiko Ambo pai karano jiko Ambo indak pai, Panolong itu indak akkan datang kapado kau; tatapi jiko Ambo pai, Ambo akkan mangutus-Nyo kapado kau. ⁸ Dan, katiko panolong itu datang, Innyo akkan manyadarkan dunia akkan dosa, kabenaran, dan panghakkiman; ⁹ tantang dosa, karano sidak piccayo kapado-Ambo; ¹⁰ tantang kabenaran, karano Ambo pai kapado Ayah dan kau indak akkan maliek Ambo lai, ¹¹ dan tantang panghakkiman, karano panguaso dunia ikko ala di hakkimi. ¹² Masih banyak hal nan ingin Ambo katokan kapado kau, tatapi kau indak dapek mananggungnyo kini. ¹³ Namun, katiko Innyo, Roh Kabenaran itu datang, Innyo akkan mambimbing kau ka dalom sadonyo kabenaran. Sabab, Innyo indak babicaro ae kainginan-Nyo sandiri, malainkan sadonyo hal nan Innyo danga itulah nan akkan Innyo katokan; dan Innyo akkan mangagi tau kau hal-hal nan akkan tajadi. ¹⁴ Innyo akkan mamuliakan Ambo karano Innyo akkan manarimo nan Ambo tarimo, dan akkan mangagitaukannyo kapado kau. ¹⁶ "Tingga sasaat lai sajo, dan kau akkan maliek Ambo lai; dan sakkali lai, tingga sasaat sajo, dan kau akkan maliek Ambo." ¹⁷ Babarapo murid Yesus saling batanyo, "Apo maksud-Nyo Innyo mangecek kapado kito, 'Tingga sasaat sajo, dan kau indak akkan maliek Ambo lai; dan sakkali lai, tingga sasaat lai sajo, dan kau akkan maliek Ambo?' dan 'karano Ambo akkan pai kapado Ayah'?" ¹⁸ Jadi, sidak batanyo, "Apo nan Innyo maksudkan jongonn, 'tingga sasaat sajo '? Kito indak tau apo nan Innyo bicarokan. ¹⁹ Yesus tau bahwa murid-murid-Nyo inngin batanyo kapado-Nyo mako Innyo mangecek kapado sidak, "Apokah kau batanyo kdi antaro kau sadiri manganoi hal nan Ambo maksud katiko Ambo mangecek, 'Tingga sasaat sajo dan kau indak akkan maliek Ambo lai; dan sakkali lai, tingga sasaat lai, tingga sajo, kau akkan maliek Ambo'? ²⁰ Jongon sasungguhnyo, Ambo mangatokan kapado kau, kau akkan manangi da maratap, tatapi dunia akkan sanang; kau akkan badukko, tatapi dukko cito kau akkan manjadi sukko cito. ²¹ Katiko saurang parampuan malahirkan, innyo mandarito karano waktunyo untuk malahirkan ala tibo; tatapi sasudah anaknyo lahir, innyo lupo akkan pandaritoan nan barek karano sukko citobahwa saurang manusio ala di lahirkan ka dunia. ²² Damikian lah kau juo mangalami pandaritoan saat ikko, tatapi Ambo akkan manjumpoi lai dan hati kau akkan basukko cito, dan indak ado saurang pun nan akkan mangambik sukko cito dari kau. ²³ Pado hari itu, kau indak akkan mananyokan apo pun kapado-Ambo. Jongon sasungguhnyo, Ambo mangatokan kapado kau, apo pun nan kau minta kapado Ayah-Ambo dalom namo-Ambo, Innyo akkan mangagikannyo kapado kau. ²⁴ Sampe kini, kau balum panah maminto apo pun dalom namp-Ambo. Mintalah, dan kau akkan manarimonyo supayo sukko cito manjadi panuh." KAMENANGAN ATE DUNIA ²⁵ "Ambo ala mangatokan hal-hal ikko kapado kau jongon parumpamaan; Ambo indak lai babicaro kapado kau jongonn parumpamaan, tatapi akkan babicaro kapado kau jongonn tarus tarang tantang Ayah. ²⁶ Pado hari itu, kau akkan maminta dalom namo-Ambo, dan Ambo indak mangatokan kapado kau bahwa Ambo mandoakannyo kapado Ayah bagi kau. ²⁷ Sabab. Ayah sandiri mangasihi kau karano kau ala mangasihi Ambo dan piccayo bahwa Ambo datang dari Ayah. ²⁸ Ambo barasal dari Ayah dan ala datang ka dunia; kini, Ambo akkan maninggakan dunia dan kambali kapado Ayah." ²⁹ Murid-murid-Nyo mangecek, "Nah, kini Kau babicaro tarus tarang dan indak manggunakan parumpamaan lai. ³⁰ Kini, kami tau bahwa Kau tau sagalo sasuatu dan indak parlu sasaurang batanyo kapado-Kau. Karano itu, kami piccayo bahwa Kau datang dari Allah." ³¹ Yesus manjawab sidak, "Piccayokah kau kini? ³² Liek lah! Saatnyo akkan datang, bahkan ala datang bagi kau ala di cerai-berarikan, masing-masing pulang ka tampek asalnyo sandiri dan akkan maninggakan Ambo sandirian. Akkan tatapi, Ambo indak sandiri karano Ayah basamo-Ambo ³³ Sadonyo ikko Ambo katokan kapado kau supayo di dalom Ambo, kau mamilikki samah sajahtaro. Di dunia kau akkan mangalami panganinyaan, tatapi kuekkanlah hati kau! Ambo ala mangalahkan dunia!"