¹ Yesus magecek, "Ambolah pokok anggur nan sejati dan Ayah-Ambolah panguasonyo. ² Satiok ranting pado-Ambo nan indak babuah, dibuang-Nyo dan satiok ranting nan babuah, di bersihkan-Nyo, supayo ranting itu babuah labih banyak. ³ Kau memang ala dibersihkan karano firman nan ala Ambo katokan kapado kau. ⁴ Tinggalah di dalom Ambo dan Ambo di dalom kau. Samo maccam ranting indak dapek babuah dari dirinyo sandiri, kacuali innyo tingga pado pokok anggur, damikian juo kau indak dapek babuah, kacuali kau tingga di dalom Ambo. ⁵ Ambolah pokok anggur dan kau lah ranting-rantingnyo. Satiok urang nan tingga di dalom Ambo, dan Ambo di dalom innyo, innyo akkan babuah banyak karano tapisah dari-Ambo, kau indak dapek babuek apo-apo. ⁶ Jiko sasaurang indak tingga di dalom Ambo, innyo akkan di buang maccam ranting kering; dan urang akkan mangumpulka dan malaningkannyo ka dalom api, dan tabakkar. ⁷ Jiko kau tatap tingga di dalom Ambo dan pangecekan-Ambo tingga di dalom kau, mintalah apo sajo nan kau inginkan, dan itu akkan di dabulkan bagi kau. ⁸ Ayah-Ambo akkan dimuliakan jongo hal ikko, yaitu jiko kau barubah banyak dan jongonn damikian, kau adolah murid-murid-Ambo." PARINTAH YESUS UNTUK SAING MANGASIHI ⁹ "Maccam Ayah aka mangasihi Ambo, damikianlah Ambo mangasihi kau; tataplah tingga dalom kasih-Ambo ¹⁰ Jiko kau manaati sadonyo parintah-Ambo, akkan tingga dalom kasih-Ambo, samo maccam Ambo ala manati parintah Ayah dan tingga dalom kasih-Nyo. ¹¹ Hal-hal ikko Ambo katokan kapado kau supayo sukko cito-Ambo ado di dalom kau, sahinggo sukko cito kau manjadi panuh. ¹² Ikkolah parintah-Ambo: Kau harus saling mangasihi, samo macam Ambo ala mangasihi kau. ¹³ Indak ado kasih nan labih gadang dari pado kasih sasaurang nan mangagikan nayawanyo untuk sahabat-sahabatnyo. ¹⁴ Kau adolah sahabat-sahabat-Ambo jiko kau malakkukan apo nan Ambo parintahkan kapado kau. ¹⁵ Ambo indak lai manyebut kau hamba karano hamba indak tau apo nan dilakkukan oleh tuannyo. Akkan tatapi, Ambo manyebut kau sahabat karano sadonyo nan Ambo danga dari Ayah, ala Ambo lakkukan kapado kau. ¹⁶ Bukkan kau nan mamilih Ambo, malainkan Ambolah nan ala mamilih dan ala manetapkan kau supayo kau pai dan mangahasilkan buah, dan buah kau tatap sahinggo apo pun nan kau minta dari Ayah dalom namo-Ambo, Innyo akkan mangagikannyo kapado kau. ¹⁷ Ikkolah parintah-Ambo: Kau harus saling mangasihi!" YESUS MAMPARINGEKKAN PARO MURID-NYO ¹⁸ "Jiko dunia mambanci kau, kau tau bahwa dunia ala mambanci Ambo sabalum mambanci kau. ¹⁹ Jiko kau dari dunia, tantulah dunia akkan mangasihi milik kapunyaannyo ; tatapi karano kau bukkan dari dunia, malaikan Ambo ala mamilih dari dunia, karano hal itulah dunia mambanci kau. ²⁰ Ingeklah pangecekann nan ala Ambo katokan kapado kau'; Saurang hamba indak labih gadang dari pado tuannyo'. Jiko sidak ala manganianyo Ambo, sidak juo akkan manganianyo kau. Jiko sidak manaati firman-Ambo, sidak juo akkan manaati pangecekan kau. ²¹ Akkan tatapi, sadonyo itu akkan sidak lakkukan tahadap kau, oleh karano namo-Ambo. Sabab, sidak indak manando Innyo nan mangutus Ambo. ²² Jiko Ambo mangatokan sadonyo itu kapado sidak, sidak indak akkan mamilikki dosa. Akkan tatapi kini, sidak indak mamilikki dalih untuk dosa sidak. ²³ Satiok urang nan mambanci Ambo, innyo juo mambanci Ayah-Ambo. ²⁴ Saandainyo Ambo indak malakkukan di antaro sidak pakarejoan-pakarejoan nan indak panah di lakkukan urang lain, sidak indak akkn mamilikki dosa, Akkan tatapi kini, sidak ala maliek namun tatap mambanci Ambo dan Ayah-Ambo. ²⁵ Namun, firman nan tatulis dalom Kitab Taurat sidak harus di genapi: 'Sidak mambanci Ambo tanpo alasan.' ²⁶ Katiko panolong itu datang, nan akkan Ambo utus kapado kau dari Ayah, yaitu Roh Kabenaran nan barasal dari Ayah, Innyo akkan basaksi tantang Ambo. ²⁷ Dan kau juo akkan basaksi karano kau ala basamo-Ambo sajak samulo."