¹ Janganlah hati kau manjadi galisah; piccayolah kapado Allah, piccayolah kapado-Ambo. ² Di rumah Ayah-Ambo ado tampek tingga; jiko damikian, Ambo tantu ala mangatokannyo karano Ambo pai untuk manyediakan sabuah tampek bagi kau. ³ Dan, jiko Ambo pai dan manyediakan sabuah tampek tbagi kau, Ambo akkan kambai dan mambawo kau kapado-Ambo supayo dimano Ambo barado, kau pun barado. ⁴ Dan, kau tau jalan ka tampek Ambo pai." ⁵ Lalu Tomas mangecek kapado-Nyo, "Tuhan, kami indak tau ka mano Kau pai, maccam mano kami tau jalan itu?" ⁶ Yesus mangecek kapadonyo, "Ambolah jalan, dan kabenaran, dan kahidupan. Indak ado saurang pun nan datang kapado Ayah, kalau indak malalui Ambo. ⁷ Jiko kau ala manando Ambo, kau juo ala manando Ayah-Ambo; mulai kini, kau ala mangenal Ayah dan ala maliek Innyo." ⁹ Yesus manjawab innyo, "Filipus, ala sakian lamo Ambo basamo-samo kau, dan kau masih balum manando Ambo? Barang siapo ala maliek Ambo, innyo ala maliek Ayah, maccam mano kau bisa mangecek, 'Tunjukkanlah Ayah itu kapado kami?' ¹⁰ Apokah kau indak piccayo bahwa Ambo di dalom Ayah dan Ayah di dalom Ambo? Pangecekan-pangecekan nan Ambo katokan kapado kau, Ambo indak mangatokannyo dari diri-Ambo sandiri, tatapi Ayah nan tingga di dalom Ambolah nan malakkukan pakarejoan-Nyo. ¹¹ Piccayolah kapado-Ambo, bahwa Ambo di dalom Ayah dan Ayah di dalom Ambo; atau satidaknyo, piccayolah karano pakarejoan-pakarejoan itu sandiri. ¹² Jongon sasungguhnyo Ambo mangetokan kapado kau, satiok urang nan piccayo kapado-Ambo, pakarejoan-pakarejoan nan Ambo lakkukan, innyo juo akkan malakkukannyo; dan pakarejoan-pakarejoan nan labih gadang dari pado sadonyo ikko Ambo pai kapado Ayah. ¹³ Apopun nan kau minta dalom namo-Ambo, itu akkan Ambo lakkukan supayo Ayah dimuliakan dalom Anak. ¹⁴ Jiko kau maminta apo pun kapado-Ambo dalom namo-Ambo, Ambo akkan malakkukannyo. JANJI TANTANG ROH KUDUS ¹⁵ "Jiko kau mangasihi Ambo, kau akkan manuruti sadonyo parintah-Ambo. ¹⁶ Ambo akkan maminta kapado Ayah, dan Innyo akkan mangagikan kapado kau Panolong nan lain, supayo Innyo basamo kau salamonyo ¹⁷ Yaitu Roh kabenaran, nan indak dapek di tarimo dunia, karano dunia indak maliek Innyo atau manando Innyo; tatapi kau manando Innyo karano Innyo tingga basamo kau dan akkan ado di dalom kau. ¹⁸ Ambo indak akkan maninggalkan kau macam yatim piatu; Ambo akkan datang kapado kau. ¹⁹ Indak lamo lai, dunia indak akkan maliek Ambo lai, tatapi kau akkan maliek Ambo; karano Ambo hidup, kau pun akkan hidup. ²⁰ Pado hari itu, kau akkan tau bahwa Ambo di dalom Ayah-Ambo, dan kau dalom Ambo, dan Ambo di dalom kau. ²¹ Siapo pun nan mamegang parintah-Ambo dan malakkukannyo, innyo mangasihi Ambo; dan urang nan mangasihi Ambo akkan dikasihi oleh Ayah-Ambo, dan Ambo akkan mangasihi innyo dan akkan manyatokan diri-Ambo kapadonyo." ²² Yudas, nan bukkan Iskariot, mangecek kapado-Nyo, "Tuhan, maccam mano Kau akkan manyatokan diri-Kau kapado kami dan bukkan kapado dunia?" ²³ Yesus manjawab dan mangecek kapado nyo, "Jiko sasaurang mangasihi Ambo, innyo akkan manuruti firman-Ambo; dan Ayah-Ambo akkan mangasihi innyo, dan kami akkan datang kapadonyo dan tingga basamonyo. ²⁴ Akkan tatapi, urang nan indak manuruti firman-Ambo. Dan, firman nan kau danga itu bukkan dari Ambo malainkan dari Ayah nan manutus Ambo. ²⁵ Sadonyo hal ikko ala Ambo katokan kapado kau salamo Ambo masih basamo kau. ²⁶ Akkan tatapi, Panolong itu, yaitu Roh Kudus nan Ayah utus dalom namo-Ambo, Innyo akkan mangajarkan kapado kau, dan akkan mangingikkan kau pado sadonyo nan ala Ambo katokan kapado kau. ²⁷ Damai sajahtaro Ambo tingga kan basamo kau; damai sajahtaro-Ambo Ambo agikan kapado kau, bukkan maccam nan dunia agikan nan Ambo agikan kapado kau. Jangan biakan hati kau galisah ataupun gentar. ²⁸ Kau ala mandanga bahwa Ambo mangecek kapado kau, 'Ambo akkan pai, dan Ambo akkan datang lai kapado kau.' Jiko kau mangasihi Ambo, kau akkan basukko cito karano Ambo pai kapado Ayah, sabab Ayah labih gadang dari pado Ambo. ²⁹ Ambo ala mangagi tau kau kini sabalum hal itu tajadi supayo katiko hal itu tajadi, kau akkan piccayo. ³⁰ Ambo indak akkn babicaro labih banyak lai jongonn kau karano panguaso dunia ikko sadang datang. Innyo indak bakuaso saketek pun kapado-Ambo. ³¹ Akkan tatapi supayo dunia tau bahwa Ambo mangasihi Ayah, Ambo malakkukan tepat maccam nan Ayah parintahkan kapado-Ambo. Bagunlah mari kito pai dari sikko."