¹ Sabalum Hari Rayo Paskah, Yesus tau bahwa saat-Nyo ala tibo bahwa Innyo akkan maninggakan dunia ikko kapado Ayah, sasudah mangasihi kapunyoan-Nyo sandiri di dunia, Innyo mangasihi sidak sampe akhir. ² Salamo makkan malam balangsung, setan ala mamasukkan dalom hati Yudas Iskariot, anak Simon, untuk manghianati Yesus. ³ Yesus, katiko mangatahui bahwa Ayah ala manyerahkan sagalo sasuatu ka dalom tangan-Nyo, dan bahwa Innyo datang dari Allah, dan akkan kambali kapado Allah, ⁴ Innyo dari jamuan makkan malam dan malapekan jubah-Nyo, sarto mangambik kain linen dan mangikekkannyo pado pinggang-Nyo. ⁵ Kamudian, Innyo manuangkan air ka sabuah baskom dan mulai mambasuh kakki murid-murid-Nyo sarto mangeringkan kakki sidak jongon kainn nan tarikkek pado pinggang-Nyo. ⁶ Lalu, Innyo sampe kapado Simon Petrus dan innyo mangecek kapado Yesus, "Tuhan, Kau mambasuh kakki ambo?" Yesus manjawab dan mangecek kapadonyo, "Apo nan Ambo lakkukan, kau indak mamahaminyo kini, tatapi bekko kau akkan mangerti." ⁸ Petrus mangecek, "Kau indak akkan panah mambasuh kakki ambo!" Yesus manjawab, "Jiko Ambo indak mambasuh kau, kau indak mandapek bagian di dalom Ambo." ⁹ Simon Petrus mangecek kapado-Nyo, "Kalau maccam tu Tuhan, jangan hanyo kakki sajo, tatapi juo tangan dan kapalo ambo!" ¹⁰ Yesus mangecek kapadonyo, "Urang nan ala mandi hanyo parlu mancuci kakkinyo, tatapi ala bersih saluruhnyo. Kau ala bersih, tatapi indak sadonyo dari munak bersih." ¹¹ Karano Yesus tau siapo nan akkan mananghianati Innyo, itu sababnyo Innyo mangecek, "Indak sadonyo dari munak bersih." ¹² Jadi, sasudah Yesus salase mambasuh kakki murid-murid-Nyo, mamakke kambali jubah-Nyo, dan kambali ka tampek-Nyo, Innyo mangecek kapado sidak, "Apokah munak mangerti apo nan Ambo lakkukan kapado munak? ¹³ Munak manyebut Ambo Guru dan juo Tuhan. Itu tepat karano Ambo memang Guru dan Tuhan. ¹⁴ Jiko Ambo, nan adolah Tuhan dan Guru kau, ala mambasuh kakki kau, kau pun harus saling mambasuh kakki kau. ¹⁵ Sabab, Ambo ala mangagikan contoh kapado kau supayo kau juo maccam nan Ambo lakkukann kapado kau. ¹⁶ Jongon sasungguhnyo, Ambo mangatokan kapado kau, saurang hamba indak labih gadang dari pado tuannyo, ataupun saurang utusan indak labih gadang dari pado urang nan mangutusnyo. ¹⁷ Jiko kau ala mangetahui sadonyo ikko, kau diberkati jiko kau malakkukannyo. ¹⁸ Ambo indak mangecek-ngecek mangenai muak sadonyo. Ambo tau siapo sajo nan ala tapilih, tatapi nas ikko harus digenapi, 'Urang nan makkan roti-Ambo ala mangengkek tumitnyo tahadap Ambo.' ¹⁹ Ambo mangagitau kau kini, sabalum hal itu tajadi supayo katiko hal itu tajadi, kau akkan piccayo bahwa Ambolah Innyo. ²⁰ Jongon sasungguhnyo, Ambo mangetokan kapado kau, satiok urang nan manarimo urang nan Ambo utus, manarimo Ambo; dan urang nan manarimo Ambo, manarimo Innyo na mangutus Ambo." YESUS MANGAGITAU SIAPO NAN AKKAN MANGHIANATI INNYO ²¹ Sasudah Yesus mangecek damikian, Innyo digelisahkan dalom Roh dan basaksi, "Sasungguh-sungguhnyo Ambo mangatokan kapado kau, salah saurang dari munak akkan manghianati Ambo." Murud-murid saling mamandang saurang kapado nan lain dan manjadi bingung mangenai siapo nan Innyo bicarokan. ²³ Salah saurang murid-Nyo duduk basandar pado dada Yesus. Innyolah murid nan sangat dikasihi oleh Yesus. ²⁴ Kamudian, Simon Petrus mangagi isyarat kapadonyo untuk batanyo kapado Yesus tantang siapo nan Innyo maksudkan. ²⁵ Jadi, murid nan basandar pado dada Yesus itu batanyo kapado-Nyo, "Tuhan, siapokah urang itu?" ²⁶ Yesus manjawab, "Urang itu adolah innyo nan kapadonyo Ambo mangagikan potongan roti ikko sasaudah Ambo mancalupkannyo." Lalu sasudah mancalupkan potongan rotiitu, Yesus mangagikan kapado Yudas, anak Simon Iskariot. ²⁷ Dan, sasudah Yudas manarimo potongan roti itu, Iblis marasukinyo. Karano itu, Yesus mangecek kapadonyo, "Apo nan akkan kau pabuek lakkukanlah sagaro !" ²⁸ Indak saurang pun dari sidak nan sadang makkan itu mangerti mangapo Yesus mangatokan damikian kapado Yudas. ²⁹ Babarapo manyangko karano Yudas lah nan mamaccik kotak uang sahinggo Yesus mangecek kapadonyo "Balilah hal-hal nan kito butuhkan untuk parayaan," atau supayo innyo mangagikan sasuatu kapado urang miskin. ³⁰ Jadi, sasudah manarimo potongan roti, Yudas pai kalua saat itu juo; dan saat itu ala malam. YESUS BABICARO TANTANG KAMATIAN-NYO ³¹ Sasudah Yudas pai, Yesus mangecek, "Kinilah saatnyo Anak Manusio dimuliakkan malalui Innyo. ³² Jiko Allah diparmuiakan di dalom Innyo, Allah juo akkan mamuliakan Innyo dalom diri-Nyo, dan akkan mamuliakan Innyo jongon sagaro. ³³ Anak-anak-Ambo, Ambo ado basamo kau hanyo tingga sabanta lai. Kau akkan mancari Ambo, dan maccam nan ala Ambo katokan kapado urang-urang Yahudi, kini Ambo katokan juo kapado kau, 'Ka mano Ambo pai, kau indak dapek datang.' ³⁴ Sabua parintah baru Ambo agikan kapado kau, yaitu supayo kau saling mangasihi, samo maccam Ambo mangasihi munak, damikianlah kau juo saling mangasihi. ³⁵ Jongon maccam tu, sadonyo urang akkan tau bahwa kau adolah murid-murid-Ambo, yaitu jiko kau saling mangasihi." PARINGEKAN YESUS KAPADO PETRUS ³⁶ Simon Petrus batanyo kapado Yesus, "Tuhan, ka manokah Kau akkan pai?" Yesus manjawab innyo, "Ka mano Ambo pai, kau indak dapek mangikkuti Ambo kini, tatapi kelak kau akkan mangikkuti Ambo." ³⁷ Petrus batanyo kapado-Nyo, "Tuhan, mangapo ambo indak dapek mangikkuti Kau kini? Ambo akkan manyerahkan nyawa ambo demi Kau!" ³⁸ Yesus manjawab, "Kau akkan manyerahkan nyawa kau bagi-Ambo? Jongon sasungguhnyo Ambo mangatokan kapado kau, ayam indak akkan bakokok sabalum kau manyangkal Ambo 3 kali."