¹ Anam hari sabalum Hari Rayo Paskah, Yesus pai ka Batenia, tampek tingga Lazarus , nan ala Innyo bagkikkan dari kamatian. ² Di sano, ala disiapkan jamuan makkan malam untuk Yesus; dan Marta sadang malayani, tatapi Lazarus adolah salah satu dari sidak nan duduk di meja basamo Yesus. ³ Kamudian, Maria mangambik satangah kati minyak narwastu murni nan sangat mahal, lalu maminyaki kakki Yesus dan mangaringkkannyo. Mako, rumah itu dipanuhi jongon bau harum minyak wangi tasabut. ⁴ Namun, Yudas Iskariot salah satu saurang murid-Nyo, nan akkan manghianati Innyo, mangecek, ⁵ "Mangapo minyak wangi itu indak di jual sajo saharga tigo ratus dinar dan diagikan kapado urang-urang miskin?" ⁶ Innyo mangatokan damikian bukkan karano innyo paduli kapado urang miskin, malainkan karano innyo adolah saurang pancuri, dan karano innyo mambawo kotak uang, innyo biaso mangambik urang nan dimasukkan ka dalom kotak itu. ⁷ Lalu, Yesus manjawab, "Biakanlah parampuan itu, innyo malakkukannyo sabagai parsiapan untuk panguburan-Ambo. ⁸ Sabab, urang miskin salalu ado basamo kau, tatapi Ambo indak salalu ado basamo kau." PARO IMAM KAPALO INGIN MAMBUNUH LAZARUS ⁹ Katiko sajumlah gadang urang Yahudi mandanga bahwa Yesus ado di Batenia, sidak pai ka sinun, bukkan hanyo karano Yesus, malaikan juo karano ingin maliek Lazarus nan ala Innyo bagkikkan dari kamatian. ¹⁰ Lalu, imam-imam kapalo barancano untuk mambunuh Lazarus juo. ¹¹ Karano Lazarus, banyak urang Yahudi maninggakan sidak dan piccayo kapado Yesus. YASUS MASUK KA KOTA YERUSALEM MACCAM RAJA ¹² Kaesokan harinyo, urang banyak nan manghindari pesta itu, katiko mandanga bahwa Yesus akkan datang ka Yerusalem, ¹³ sidak mangmbik daun-daun palem dan pai kalua untuk manyambut Innyo dan mulai basaru-saru, "Hosana! Diberkatilah Innyo nan datang dalom namo Tuhan Raja Israel!" Mazmur 118:25-26 ¹⁴ Sasudah mandapekkan saekkor keledai muda, Yesus duduk di atenyo, Maccam nan tatulis: ¹⁵ "Jangan takkut, hai purti Sion! Lieklah! Raja kau datang, duduk di ate saekkor keledai muda." Zakharia 9:9 ¹⁶ Awalnyo, murid-murid-Nyo indak mangerti sadonyo hal itu, tatapi katiko Yesus dimuliakan, sidak kamudian mangerti bahwa sadonyo itu ala di tulis tantag Innyo, dan bahwa sidak ala malakkukan sadonyo itu untuk Innyo. URANG BANYAK BABICARO TANTANG YESUS ¹⁷ Jadi, urang-urang nan basamo Yesus saat Innyo mangimbo Lazarus kalua dari kubur dan mambangkitkan innyo dari kamatian tarus basaksi. ¹⁸ Oleh sabab itu, banyak urang manyambut Yesus karano sidak mandanga bahwa Innyolah nan ala malakkukan Mukjizat itu. ¹⁹ Mako, urang-urang Farisi mangecek satu samo lain, "Kau liek, apo nan kito rancanokan indak barhasil. Liek lah, saluruh dunia ala mangikkut Innyo!" YESUS BSBICARO TANTANG KAHIDUPAN DAN KAMATIAN ²⁰ Pado saat itu, ado juo urang-urang Yunani diantaro sidak nan pai untuk baribadah pado parayaan itu. ²¹ Sidak manjumpoi Filipus, nan barasal dari Batsaida di Galilea, dan mangecek kapadonyo, "Tuan, kami ingin bajumpo jongon Yesus." ²² Filipus pai dan mangagi tau Andreas; lalu Andreas dan Filipus mangagi tau Yesus. ²³ Yesus manjawab sidak, "Watunyo ala tibo bagi Anak Manusio untuk dimuliakan. ²⁴ Jongon sasungguhnyo, Ambo mangatokan kapado kau, kacuali biji gandum jatuh ka tanah dan mati, biji itu tatap satu sajo; tatapi jiko biji itu mati, innyo manghasilkan banyak buah. ²⁵ Urang nan mancintoi nyawanyo, akkan kahilangan nyawanyo, tatapi urang nan indak mancintoi nyawanyo di dunia ikko, akkan mamaliharonyo untuk hidup nan kekal. ²⁶ Jiko sasaurang mangikkuti Ambo; di mano Ambo barado, di situ pulo palayan-Ambo barado; jiko sasaurang malayani Ambo, Ayah akkan manghormati innyo." YESUS BABICARO TANTANG KAMATIAN-NYO ²⁷ "Kini, jiwa-Ambo gelisah. Apo nan akkan Ambo kecekkan? Ayah, salamekkan Ambo dari saat ikko?' Akkan tatapi, untuk tujuan ikkolah Ambo datang saat ikko. ²⁸ Ayah muliakanlah namo-Kau!" Lalu, tadangalah suaro dari surga, "Ambo ala mamuliakan namo-Ambo dan Ambo akkan mamuliakannyo lai." ²⁹ Urang banyak nan badiri di situ dan mandanganyo mangatokan bahwa itu suaro guntur, tatapi nan lain mangecek, "Saurang malaikat ala babicaro kapado-Nyo!" ³⁰ Yesus manjawab dan mangecek, "Suaro itu tadanga bukkan untuk kapentingan-Ambo malainkan untuk kapetingan kau. ³¹ Kinilah panghakkiman bagi dunia ikko, kinilah panguaso dunia akka di usir. ³² Dan, jiko Ambo ditiggakan dari dunia ikko, Ambo akkan manarik sadonyo urang kapado-Ambo." ³³ Yesus mangatokan hal ikko jongon kamatian maccam apo Innyo akkan mati. ³⁴ Urang banyak itu manjawab Innyo, "KAmi ala mandanga dari hukkum Taurat bahwa Kristus akkan tatap tingga salamo-lamonyo; maccam mano mungkin Kau mangecek, 'Anak Manusio itu harus ditinggikan?' Siapokah Anak Manusio itu?" ³⁵ Yesus manjawab sidak, "Tigga sabanta lai Tarang itu ado basamo kau. Bajalanlah salagi Tarang itu masih ado supayo kagelapan indak akkan manguasoi kau; sabab urang nan bajalan dalom kagelapan indak akkan tau kamano innyo akkan pai. ³⁶ Saat kau mamilikki Tarang itu, piccayolah kapado Tarang itu supayo kau manjadi anak-anak Tarang." Sasudah nmangatokan damikian, Yesus pai dan manyambunyikan diri dari sidak. BABARAPO URANG YAHUDI INDAK PICCAYO KAPADO YESUS ³⁷ Meskiun Yesus ala malakkukan banyak tando ajaib di hadapan sidak, sidak indak tatap indak piccayo kapado-Nyo, ³⁸ supayo genaplah pangecekan nan disampekan paro Nabi Yesaya, "Tuhan siapokah nan piccayo kapado pambaritoan kami? Dan, kapado siapokah tangan Tuhan ala dinyatokan?" Yesaya 53:1 ³⁹ Itulah sababnyo, sidak indak dapek piccayo karano Yesaya juo mangecek, ⁴⁰ "Innyo ala mambutokan mato sidak dan mangeraskan hati sidak, supayo sidak jangan maliek jongon mato sidak da mamahami jongo hati sidak, lalu babalik sahinggo Ambo manyambuhkan sidak." Yesaya 6:10 ⁴¹ Yesaya mangatokan sadonyo ikko karano innyo ala maliek kamuliaan Yesus dan innyo babicaro manganoi Innyo ⁴² Maski damikian, banyak juo paro pamimpin nan piccayo kapado Yesus, namun karano takkut kapado urang-urang Farisi, sidak indak mangatokannyo tarus tarang karano takkut akkan dikucilkan dari sinagoe. ⁴³ sabab, sidak labih sukko manarimo kamuliaan dari manusio daripado kamuliaan dari Allah. AJARAN YESUS AKKAN MANGHAKKIMI MANUSIO ⁴⁴ Kamudian, Yesus baseru, kato-Nyo, "Satiok urang nan piccayo kapado-Ambo, indak piccayo kapado-Ambo, malainkan kapado Innyo nan mangutus Ambo. ⁴⁵ Dan, satiok urang nan ala maliek Ambo, ala maliek Innyo nan mangutus Ambo. ⁴⁶ Ambo ala datang sabagai Tarang dunia ikko, supayo satiok urang nan piccayo kapado-Nyo indak tingg dalom kagelapan. ⁴⁷ Jiko sasaurang mandangakan pangecekan-Ambo, tatapi indka manurutinyo, Ambo indak manghakkimi innyo; sabab Ambo datang bukkan untuk manghakkimi dunia, malainkan untuk manyalamekkan dunia. ⁴⁸ Siapo nan manolak Ambo dan indak manarimo pangecekan-Ambo, mako firman nan Ambo katokan akkan manghakkimi innyo pado akhir zaman. ⁴⁹ Karano Ambo indak babicaro ate kahendak-Ambo, malainkan Ayah nan mangutus Ambo mangagi-Ambo parintah ate apo nan harus Ambo katokan dan Ambo bicarokan. ⁵⁰ Dan, Ambo tau bahwa parintah-Nyo adolah hidup kekal. Sabab itu, hal nan Ambo sampekan, Ambo sampekan maccam nan dikatokan Ayah kapado-Ambo."