¹ Aso saurang lakki-lakki nan sadang sakkik, namonyo Lazarus dari Betania, kampung Maria dan saudarinyo Marta. ² Maria ikkolah parampuan nan panah maminyaki kakki Yesus jongon minyak wangi dan manyeka kakki-Nyo jongon rambutnyo, nan saudaro lakki-lakkinyo, Lazarus, saat itu sakkik. ³ Sabab ituu, kaduo saudari ikko mangirimkan kabar kapado-Nyo, nan mangecek, "Tuhan, urang nan Kau kasihi sadang sakkik." ⁴ Namun, katiko Yesus mandanga kabar itu, Innyo mangecek, "Panyakkik itu indak akkan manyebebkan kamatian, tatapi akkan manyatokan kamuliaan Allah supayo Anak Allah dimuliakan malaluinyo." ⁵ Yesus memang mangasihi Marta, dan saudaro parampuannyo, dan Lazarus. ⁶ Jadi, katiko Yesus mandanga bahwa Lazarus sakkik, Innyo sangajo tingga 2 hari lai di tampek Innyo barado. ⁷ Sasudah itu, Yesus mangecek kapado murid-murid-Nyo, "Mari kito pai lai ka Yudea." ⁸ Paro murid mangecek kapado-Nyo, "Guru, urang-urang Yahudi balum lamo ikko barusaho malantingi Kau jongon batu, apokah Kau tatap akkan pai ka sinun lai?" ⁹ Yesus manjawab, "Bukkankah ado 12 jam dalom sahari? Jiko sasaurang bajalan pado siang hari, innyo indak tasandung karano innyo maliek tarang dunia ikko. ¹⁰ Akkan tatapi, jiko sasaurang bajalan pado malam hari, innyo tasandung karano tarang itu indak ado padonyo." ¹¹ Sasudah Yesus mangecek demikian, Innyo mangecek kapado sidak, "Kawan kito , Lazarus, ala tidur, tatapi Ambo akkan pai untuk mambangunkan innyo." ¹² Murid-murid mangecek kapado-Nyo, "Tuhan, jiko innyo ala tatidur, innyo akkan sambuh." ¹³ Yesus sabenarnyo babicaro tantang kamatian Lazarus, tatapi murid-murid mangiro Innyo babicaro tantang tatidur dalom istirahat. ¹⁴ Karano itu, Yesus kamudian mangecek jongon tarus tarang kapado sidak, "Lazarus ala mati, ¹⁵ dan Ambo sanang dami kapentingan kau, Ambo indak di sinun supato kau bisa piccayo, jadi mari kito pai kapadonyo." ¹⁶ Kamudian Tomas nan di sabut Didimus mangecek kapado murid-murid nan lain, "Marilah kito juo pai supayo kito dapek mati basamo-Nyo." ¹⁷ Katiko Yesus tibo, Innyo mandapei Lazarus ala ado di dalom kuburan salamo 4 hari. ¹⁸ Adopun Betania taletak limo bale stadia jauhyo dari Yerusalem. ¹⁹ Banyak urang Yahudi ala datang manjumpoi Maria dan Marta, untuk manghibur sidak bakaitan jongon saudaranyo itu. ²⁰ katiko mandanga bahwa Yesus ala datang, Marta pai dan manyambut-Nyo, tatapi Maria tatap tinggal di rumah. ²¹ Marta mangecek kapado Yesus, "Tuhan, saandainyo waktu itu Kau ado di sikko, saudaro ambo pasti indak akkan mati. ²² Akkan tatapi, kini ikko ambo tau bahwa apo pun nan Kau minta dari Allah, Allah akkan mangagikannyo kapado-Kau." ²³ Yesus mangecek kapadonyo, "Saudaro kau akkan bangkit." ²⁴ Marta manjawab Innyo, "Ambo tau innyo akkan bangkit pado hari kabangkitan pado hari zaman." ²⁵ Yesus mangecek kapadonyo, "Ambolah kabangkitan dan kahidupan; siapopun nan piccayo kapado-Ambo, innyo akkan hidup walaupun innyo ala mati, ²⁶ dan satiok urang nan hidup dan piccayo kapado-Ambo indak akkan panah mati. Apokah kau piccayo akkan hal ikko?" ²⁷ Marta mangecek kapado-Nyo, "Ya Tuhan, ambo piccayo bahwa Kau lah Kristus, Anak Allah, nan datang ka dunia." YESUS MENAGIS ²⁸ Sasudah mangatokan hal itu, Marta pai dan mangimbo Maria, saudarinyo, dan mangecek sacaro pribadi, "Guru ado di sikko dan Innyo mangimbo kau." ²⁹ Mandanga hal itu, Maria sagaro badiri dan manjumpoi Yesus. ³⁰ Saat itu, Yesus balum sampe ka desa itu, tatapi masih di tampek Marta manjumpoi-Nyo. ³¹ Urang-urang Yahudi nan basamo Maria di rumah itu, nan sadang manghibur innyo, maliek Maria bagegas bangkit da pai kalua; sidak mangikkuti innyo karano mangiro innyo akkan pai ka kubur untuk menagis di sinun. ³² katiko Maria sampe ka tampek Yesus barado, innyo maliek Yesus dan tasungkur di kakki-Nyo, sarto mangecek kapado-Nyo, "Tuhan, saandainyo Kau ado di sikko waktu itu, saudaro ambo indak akkan mati." ³³ Katiko Yesus maliek Maria menangis, dan urang-urang Yahudi nan basamonyo juo ikkut menangis, mengeranglah Yesus dalom Roh dan sangat taganggu. ³⁴ Yesus batanyo, "Di mano Lazarus kau kuburkan?" Sidak manjawab Innyo, "Tuhan, mari ikkut dan lieklah." ³⁵ Yesus pun menangis. ³⁶ Mako, urang-urang Yahudi mangecek, "Lieklah Batapo Innyo sangat mangasihi Lazarus!" ³⁷ Akkan tatapi, babarapo urang di antaro sidak magecek, "Indak bisakah Innyo nan ala mambuko mato urang buto ikko juo mambuek Lazarus indak mati?" LAZARUS DI BANGKITKAN DARI KAMATIAN ³⁸ Yesus, nan sakkali lai menggerang dalom diri-Nyo, pai ka kuburan. kuburan itu adolah gua, dan sabuah batu di latakkan manutupinyo. ³⁹ Yesus mangecek, "Singkirkan batu ikko!" Marta, saudaro urang nan maninggal itu, mangecek kapado-Nyo, "Tuhan, kini pasti akkan ado bau busuk karano innyo ala maninggal salamo 4 hari." ⁴⁰ Yesus manjawab innyo, "Bukkankah Ambo ala mangatokan kapado kau bahwa jiko kau piccayo, kau akkan maliek kamuliaan Allah?" ⁴¹ Jadi, sidak mangakkek batu itu. Kamudian, Yesus menengadah dan mangecek, "Ayah, Ambo bersyukur kapado-Kau karao Kau ala mandangakan Ambo. ⁴² Ambo tau bahwa Kau salalu mandangakan Ambo, tatapi karano urang-urang nan badiri di sakaliling-Ambo, Ambo mangatokan hal itu supayo sidak piccayo bahwa Kaulah nan mangutus Ambo." ⁴³ Sasudah mangatokan itu, Yesus baseru jongon suaro kare, "Lazarus, kalualah!" ⁴⁴ Urang nan ala mati itu kalua, tangan dan kakki nyo masih tarikat kain kafan, dan Wajahnyo masi tatutup kain kafan. Yesus mangecek kapado sidak, "Lapekah kain-kain itu darinyo dan biakan innyo pai." RANCANO UNTUK MAMBUNUH YESUS ⁴⁵ Urang-urang Yahudi nan datang mangunjungi Maria, dan maliek apo nan ala Yesus lakkukan, manjadi piccayo kapado-Nyo. ⁴⁶ Akkan tatapi, babarapo dari sidak mandatangi urang-urang Farisi dan mangagi tau sidak apo nan ala dilakkukan Yesus. ⁴⁷ Mako, imam-imam kapalo dan urang-urang Farisi mangadokan partemuan Sanhedrin dan mangecek, "Apo nan akkan kito lakkukan? Sabab, Urang ikko malakkukan banyak tando ajaib. ⁴⁸ Jiko kito mambiakan Innyo tarus maccam ikko, sadonyo akkan piccayo kapado-Nyo dan urang-urang Roma akkan datang untuk marampas tampek ikko dan bangsa ikko." ⁴⁹ Akkan tatapi, saurang dari sidak nan banamo Kayafas, nan manjadi imam gadang pado tahun itu, mangecek kapado sidak, "Sidak indak tau apo-apo, ⁵⁰ ataupun mampartimbangkan bahwa labih baik satu urang mati untuk saluruh bangsa, dari pado saluruh bangsa binaso." ⁵¹ Innyo indak mangatokannyo dari dirinyo sandiri Imam Gadang tahun itu, innyo bernubuat bahwa Yesus akkan mati untuk bangsa itu. ⁵² Dan, bukkan hanyo untuk bangsa Yahudi sajo, malainkan juo untuk mangumpulkan manjadi satu anak-anak Allah nan tabesar. ⁵³ Mako, sajak hari itu, sidak sapakat untuk mambunuh Yesus. ⁵⁴ Karano itu, yesus indak lai bajalan sacarotarang-tarangan di antaro urang Yahudi, tatapi Innyo pai dari sano ka wilayah dakkek padang baantaro ka sabuah kota banamo Efraim; dan Innyo tingga di sano basamo murid-murid-Nyo. ⁵⁵ Saat itu, Paskah urang Yahudi ala dakkek, dan banyak urang dari wiayah itu pai ka Yerusalem sabalum hari Paskah untuk manyucikan diri sidak. ⁵⁶ Lalu, sidak mancari Yesus dan babicaro satu kapado nan lain samantaro sidak badiri dalom bait Allah, sidak saling batanyo, "Maccammano manurut kau? Apokah Innyo samo sakkali indak akkan datang ka parayaan ikko?" ⁵⁷ Adopun imam-imam kapalo dan urang-urang Farisi ala mangaluakan parintah bahwa jiko sasaurang tau di mano Innyo barado, urang itu harus malaporkannyo supayo sidak dapek manangkap-Nyo.