¹ Kamudian, Yesus manampakkan diri lai kapado murid-murid-Nyo di dakkek danau Tiberias. Innyo manampakkan diri-Nyo jongon caro sabagai barikut: ² Simon Petrus, Tomas dan di sabut Didimus, Natanael dari Kana di Galilea, anak-anak Zebedeus, dan 2 murid nan sadang bakumpul. ³ Simon Petrus mangecek kapado sidak, "Ambo akkan pai manangkap ikan." Sidak mangecek kapadonyo, "Kami akkan pai basamo kau." Sidak sadonyo pai ka lua nan naik ka parahu, tatapi malam itu, sidak indak manangkap apo-apo. ⁴ Katiko subuh manjalan, Yesus badiri di pantai, tatapi murid-murid indak tau bahwa itu adolah Yesus. ⁵ Innyo mangecek kapado sidak, "Anak-anak, apokah kau mamilikki ikan?" Sidak manjawab, "Indak ⁶ Innyo mangecek kapado sidak, "Tebarkanlah jala kau ka sabalah kanan parahu, dan kau akkan mandapek." Mako, sidak manebarkan jala, tatapi indak manariknyo ka dalom parahu karano banyak ikan. ⁷ Oleh sabab itu, murid nan dikasihi Yesus mangecek kapado Petrus, "Itu Tuhan!" Katiko Simon Petrus mandanga bahwa itu Tuhan, innyo mangenakan pakkeannyo karano innyo malapekan baju nyo saat bakarejo, dan terjun ka dalom danau. ⁸ Murid-murid nan lain datang jongon parahu dan manarik jala nan panuh jongon ikan. Sabab, sidak indak jau dari darat, jaraknyo kiro-kiro 200 hasta. ⁹ Katiko sidak sampe di darat, sidak maliek bara api jongon ikan nan talatak di atenyo dan juo roti. ¹⁰ Yesus mangecek, "Bawolah babarapo ekkor ikan nan baru kau tangkap." ¹¹ Simon Petrus naik ka parahu dan manarik jala nan panuh jongon ikan gadang itu ka darat, jumlah-nyo 153 ekkor. Meskipun ikan itu baitu banyak, jalanyo indak koyak. ¹² Yesus mangecek kapado sidak, "Mari dan makkanlah."Tak satu pun dari murid-murid itu barani batanyo kapado-Nyo, "Siapokah Kau?" karano sidak tau bahwa Innyo adolah Tuhan. ¹³ Yesus datang dan mangambik roti itu sarto mangagikannyo kapado sidak. Damikian juo dilakkukan-Nyo jongon ikan itu. ¹⁴ Ikkolah katigo kalinyo Yesus manampakkan diri kapado paro murid-murid-Nyo sasudah Innyo dibangkitkan dari antaro urang mati. YESUS MAMINTO PETRUS MANGEMBALAKAN DOMBA-DOMBA-NYO ¹⁵ Sasudah sidak salase makkan, Yesus mangecek kapado Simon Petrus, "Simon, anak Yohanes, apokah kau mangasihi Ambo labih dari pado sadonyo ikko?" Petrus manjawab, "Benar Tuhan, Kau tau bahwa ambo mangasihi Kau." Kamudia, Yesus mangecek kapadonyo, "Gembalakanlah domba-domba-Ambo!" ¹⁶ Yesus mangecek lai untuk kaduo kalinyo kapadonyo, "Simon, anak Yohanes, apokah kau mangasihi Ambo?" Petrus manjawab, "Benar Tuhan, Kau tau bahwa ambo mangasihi Kay." Yesus mangecek kapadonyo, "Gembalakanlah domba-domba-Ambo!" ¹⁷ Yesus mangecek kapadonyo untuk katigo kalinyo, "Simon, anak Yohanes, apkah kau mangasihi Ambo?" Hati Petrus manjadi sedih karano Yesus batanyo untuk katigo kalinyo, "Apokah kau mangasihi Ambo?" Lalu Petrus mangecek kapado-Nyo, "Tuhan, Kau tau sagalo sasuatu. Kau tau bahwa ambo mangasihi Kau!" Yesus mangecek kapadonyo, "Gembalakanlah domba-domba-Ambo! ¹⁸ Ambo mangatokan nan sasungguhnyo kapado kau, saat kau mudo, kau sandiri nan mangikkek pinggang kau dan bajalan mano pun kau mau; tatapi saat kau kau manjadi tuo, kau akkan marentangkan tangan kau dan urang lain akkan magikkek pinggang kau, dan mambawo kau ka tampek nan indak kau mau." ¹⁹ Yesus mangatokan hal ikko untuk manunjukkan jongon kamatian seperti apokah petrus akkan mamuliakan Allah. Dan satalah mangatokan hal itu, Innyo mangecek kapado petrus, "Ikutlah Ambo!" APO NAN AKKAN TAJADI JONGON MURID NAN SANGAT DI KASIHI YESUS? ²⁰ Petrus manoleh dan maliek murid nan lain sangat mangasihi Yesus sadang mangikkuti sidak. Innyo adolah murid nan duduk dakkek dada Yesus pado parjamuan malam dan batanyo, "Tuhan siapokah urang nan akkan manghianati Kau itu?" ²¹ Katiko maliek innyo, Petrus batanyo kapado Yesus, "Tuhan, maccammano jongon inyo?" ²² Yesus manjawab, "Saandainyo Ambo mau innyo tatap hidup dami sampe Ambo datang kambali, apo urusan kau?" Kau, ikkutlah Ambo!" ²³ Mako, pangecekan Yesus ikko tasebar di antaro saudaro-saudaro itu bahwa murid itu indak akkan mati, padahal Yesus indak mangatokan kapadonyo bahwa innyo indak akkan mati, malainkan hanyo mangecek, "Saandainyo Ambo mau innyo tatap hidup damai sampe Ambo datang kambali, apo urusan kau?" ²⁴ Innyolah murid nan basaksi manganoi sadonyo ikko, dan ala manuliskan sadonyo ikko, dan kito tau bahwa kasaksiannyo itu benar. ²⁵ Masih ado banyak hal lainn lai nan ala Yesus lakkukann, nan jiko dituliskann satu par satu, ambo raso saluruh dunia ikko pun indak akan cukkup untuk untuk sadonyo kitab nan harus ditulis itu. [[ayt.co/Yoh]]