¹ Dari manokah datangnyo pacakkakan jongon patangkaran na tajadi di antaro kau? Indakkah itu barasal dari hawo nafsukau na baparang di dalam anggota-anggota tubuhkau ² Kau manginginkan sasuatu, tatapi indak mandapekkannyo, mako kau mambunuh. Kau iri hati dan indak talok mandapekkannyo, mako kau bacakkak jongon batangkar. Kau indak mandapek karano kau indak mamintak. ³ Ato, kau mamintak, tatapi indak mandapekkarano kau maminta jongon alasan na salah, yaitu untuk mamuaskan hawo nafsukau. ⁴ Hei, kau paro pazino, indak tau kau bahwo parsahabatan jongon dunio bararti parmusuhan jongon Allah? Karano itu, siapo pun na nandak basahabat jongon dunio, inyo manjadikan dirinyo musuh Allah. ⁵ Apokah kau pikki Kitab Suci tanpa alasan bacakkap, "Roh na ditampekkan Allah di dalam diri kito diinginkan-Nyo jongon camburu."? ⁶ Namun, Allah mangagi anugrah na labi lai. Karano itu, Kitab Suci bacakkap, "Allah manantang urang na sombong, tatapi mangagikan anugrah kapado urang na randah hati." ⁷ Karano itu, sarahkanlah dirikau kapado Allah. Lawanlah setan, mako inyo akan lari darikau. ⁸ Mandakkeklah kapado Allah, dan Inyo akan mandakkek kapadokau. Bersihkanlah tangankau, hei urang-urang badoso, dan murnikanlah hatikau, hai urang-urang na manduo hati. ⁹ Prihatin, badukko, jongon marataplah; padialah galakkau barubah manjadi ratapan jongon sukocito kau manjadi dukkocito. ¹⁰ Randohkanlah hatikau di mukko Tuhan, mako Inyo akan maninggikan kau. Jsngsn Mencela dan Manghakimi sasamokau ¹¹ Saudaro-saudaro, jangan saling mangatokan hal na jahek di antarokau. Urang na mangatokan na jahek tantang saudaronyo, ato manghakimi saudaronyo, mangeccek malawan hukkum dan manghakimi hukkum. Jiko kau manghakimi hukkum, kau indaklah pelaku hukkum, malainkan hakkimnyo. ¹² Hanyo ado saincek Pambari Hukkum jongon Hakkim, yaitu Inyo na dapek manyalamatkan; tatapi siapokah kau sahinggo kau manghakimi sasamokau? Kahandak Allah dalam Sagalo Rancano Manusio ¹³ Kini, dangakanlah hei kau na mangeccek, "Hari ko ato barisuk kami akan pai ka kota ikko dan itu, tingga di sinun salamo satahun, badagang, dan mandapek kauntungan," ¹⁴ padahal kau indak tau apo na akan tajadi barisuk. Apokah arti hidupkau? Hidupkau tu sakiro uap na muncu sabanta, dan kamudian lanyap. ¹⁵ Jadi, kau saharusnyo bacakkap, "Jiko Tuhan mangkahandaki, kami akan hidup dan malakukan ikko ato itu." ¹⁶ Tatapi ini, kau bangga dalam kasombongan kau; kabanggaan sakiro itu iyolah jahek. ¹⁷ Jadi, jiko sasaurang tau baapo babuek elok, tatapi indak malakukannyo, inyo badoso.