¹ Saudaro-saudaro ambo, jangan ado banyak di antaro kau manjadi guru karano kau tau bahwo kito na mangajar akan dihakkimi jongon ukkuran na labi barek. ² Kito samo basalah dalam banyak hal. Jiko ado urang na indak pana basalah dalam pangeccekannyo, inyo iyolah urang na sampurno, na pulo mampu mangandalikan saluruh badan. ³ Kito mamasang kekang pado mulut kudo padia sidak manaati kito, dan kito pulo mangandalikan saluruh tubuh kudo. ⁴ Liek pulo kapal-kapal, padiapun sidak gadang bana dan digarakkan samo angin na kuek, kapal tu di kandalikan samo kamudi na ketek bana, dan akan pai ka mano pun juru mudi mangkahandakinyo. ⁵ Damikian pulo, lidah iyolah bagian na ketek dari tubuh, tatapi lidak dapek manyombongkan hal-hal gadang, Lieklah batapo lawenya hutan na tapanggang samo api na baitu ketek. ⁶ Lidah tu sakiro api, sabuah dunio kajahekan, na ditampekkan di antaro bagian-bagian badan jongon na dapek manajiskan saluruh badan. Inyo mamanggang saluruh arah hidup kito samantaro inyo sandiri dipanggang samo api sidak. ⁷ Sabab, sadonyo jenis binatang liar jongon pipik, reptil dan binatang na hidup di laut tu jinak dan ala dijinakkan samo manusio, ⁸ tatapi indak saurang pun dapek manjinakkan lidah. Lidah iyolah na jahek na indak dapek tenang, panu jongon raccun na mamatikan. ⁹ Jongon lidah kito mambarkati Tuhan dan Ayah kito, tatapi jongon itu pulo kito mangutuk urang, na diciptokan sarupo jongon Allah. ¹⁰ Dari mulut na samo kalua pujian dan kutukan. Saudaro-saudaro ambo, saharusnyo indaklah sakiro itu. ¹¹ Apokah saincek mato a'i dapek mangaluakan a'i mani jongon a'i paik pado saat na basamoan? ¹² Saudaro-saudaro ambo, dapaekkah batang aru manghasilkan buah zaitun; ato pohon anggur manghasilkan buah aru? Damikian pulo, mati a'i asin indak dapek manghasilkan a'i na segar. Duo Maccam Hikmat ¹³ Siapokah di antaro kau na bahikmat dan pangartian? Padialah jongon sikapnyo na elok, inyo manunjukkan parbuatan-parbuatannyo dalam kalembutan jongon hikmat. ¹⁴ Namun, jiko kau mampunyoi iri hari na panu kapaitan dan ambisi na egois di dalam hatikau, janganlah bangga jongon jangan badusto malawan kabenaran. ¹⁵ Hikmat sakiro itu indak turun dari ate, tatapi dari dunio, indak rohani, jongon jahek. ¹⁶ Jiko ado iri hati dan ambisi na egois, di situ ado kakaccoan dan sagalo maccam parbuatan jahek. ¹⁷ Hikmat na datang dari ate, partamo-tamo iyolah murni, kamudian sukko damai, lemah lembut,tabukko, panu raso hiboh dan buah-buah na elok, indak mambeda-bedakan, jongon indak munafik. ¹⁸ Buah kabenaran ditaburkan dalam damai samo paro pandamai.