¹ Saudaro-saudaro ambo, jangan manunjukkan imankau dala, Tuhan kito na mulio, Yesus Kristus, jongon mambeda-bedakan urang. ² Jiko ado urang na datang ka sinagoge kau jongon mamakke cincin ame dan pakkain na maha, pado saat na samo, datang juo urang miskin na bapakain kotor, ³ dan kau mangagikan parhatian khusus kapado urang na bapakkain maha tu dan mangeccek kapadonyo, "Silakan duduk di tampek na elok ko," tatapi kapado urang miskin tu kau bacakkap, "Tagaklah di sinun!" ato "Duduklah di dakkek kakki ambo!" ⁴ Indakkah kau ala mabeda-bedakan di antaro kau dan manjadi hakkim jongon pikkiran-pikkiran na jahek? ⁵ Saudaro-saudaro na ambo kasihi, dangakanlah! Indakkah Allah ala mamilih urang na miskin di mato dunio untuk manjadi kayo dalam iman dan mawarisi Karajaan Allah na ala ala Inyo janjikan kapado sidak na mangasihi Inyo? ⁶ Akan tatapi, kau ala manghino urang miskin. Indakkah urang kayo na manindas dan manyarek kau ka pangadilan? Indakkah sidaklah na manghujek Namoelok, na samonyo kau diimbo? ⁸ Jiko kau manjalankan hukkum utamo sasue jonogn Kitab Suci, yaitu "Kasihilah sasamokau manusio sakiro dirikau surang," kau tala malakukan na benar. ⁹ Namun, jiko kau mambeda-bedakan urang, kau malakukan doso dan dinyatokan sabage palanggar hukkum samo hukkum. ¹⁰ Siapo pun na manaati sadonyo hukkum, tatapi gagal manaati saincek bagiannyo sajo, inyo basalah tahadok saluruh hukkum tu. ¹¹ Sabab, Inyo mangeccek, "Jangan bazino,"juo mangeccek, "Jangan mambunuh." Jadi, jiko kau indak malakukan pazinoan, tatapi kau mambunuh, kau ala manjadi palanggar hukkum tu. ¹² Mangeccek dan batindaklah sabage urang-urang na akan dihakkimi jongon hukkum na mambebaskan. ¹³ Sabab, panghakiman indak akan babalekasihan kapado urang na indak manunjukkan bale kasihan; bale kasihan akan manang ate panghakiman. Iman Tanpa Parbuatan iyolah Mati ¹⁴ Saudaro-saudaro ambo, apo gunonyo sasaurang mangatokan bahwo inyo mampunyoi iman, tatapi inyo indak mampunyoi parbuatan? Dapatkah iman itu manyalamatkannyo? ¹⁵ Jiko saurang saudaro ato saudari indak mampunyoi pakkaian dan mambutuhkan makkanan sahari-sahari, ¹⁶ dan saurang di antaro kau mangeccek kapadonyo, "Pailah dalam damai, samoga badankau dihangekkan dan dika yangkan," tatapi kau indak mangagikan kapadonyo apo na diparlukan badannyo, apo gunonyo itu? ¹⁷ Damikian juo iman, jiko iman indak disartoi parbuatan-parbuatan, pado dasarnyo iman tu mati. ¹⁸ Namun, mungkin ado urang na bacakkap, "Kau punyo iman, dan ambo punyo parbuatan." Ambo akan manjawab, "Tunjukkan imankau tanpa parbuatan, dan ambo akan manunjukkan iman ambo jongon parbuatan." ¹⁹ Kau piccayo bahwo Allah tu saincek. Itu benar. Roh-roh jahek pun piccayo dan sidak manggigi. ²⁰ Hei urang bodoh! Maukah kau manyadari bahwo iman tanpa parbuatan iyolah sio-sio? ²¹ Indakkah Abraham, ayah kito, dibenarkan samo parbuatan-parbuatan katiko inyo mangurbankan Ishak, anaknyo, di ate altar? ²² Lieklah bahwo iman bakarajo samo jongon parbuatan-parbuatannyo, dan samo parbuatan-parbuatan, iman di sampurnokan. ²³ Diganapilah apo na dikatokan Kitab Suci, "Abraham piccayo kapado Allah, dan itu dihitungkan kapadonyo sabage kabenaran,"dan inyo disabut "Sahabat Allah." ²⁴ Jadi, kau liek bahwo dari parbuatanlah urang dibenarkan, indak dari iman sajo. ²⁵ Damikian juo, indakkah Rahab, si pelacur tu, dibenarkan karano parbuatan katiko inyo manarimo mato-mato Israel dan mambantu sidak malarikan diri malalui jalan na lain? ²⁶ Jadi, samo sakiro badan tanpa roh iyolah mati, damikian juo imantanpa parbuatan iyolah mati.