¹ Hei urang-urang kayo, dangakanlah! Manangi dan marataplah untuk pandaritoan na akan manimpo kau. ² Kakayoankau ala mambusuk dan pakkaian kau dimakkan ngengat. ³ Ame jongon perak kau ala bakarek, dan karek tu akan manjadi bukti na mambarekkan kau sarto akan mamakkan dagingkau sakiro api. Kau ala manimbun harto pado hari-hari tarakhir. ⁴ Dangalah, upoh paro pakarajo na mangolah ladangkau, na kau tahan jongon kacurangan, mamakkik malawan kau. Dan, pakkikan paro pamanennyo ala sampe ka talingo Tuhan samesta alam. ⁵ Kau ala hidup di bumi dalam kamewahan jongon kasanangan diri sandiri, kau ala manggapukkan hatikaupado hari panyembelihan. ⁶ Kau ala manghukkum jongon mambunuh urang benar, dan inyo indak malawan kau. Tabah dalam Pandaritoan ⁷ karano itu, Saudaro-saudaro ambo, basabalah sampe pado Hari Kadatangan Tuhan. Lieklah baapo petani manantikan buah na elok na dihasilkan tanah, manantikannyo jongon sabar hinggo datangnyo hujan mulo dan hujan akhir. ⁸ Kau pulo harus basabar, kuekkan hatikau karano kadatangan Tuhan ala dakkek. ⁹ Saudaro-saudaro ambo, janganlah kau barengek-rengek saincek jongon na lain supayo kau indak di hukkum. Lieklah, Sang Hakkim ala tagak di mukko pintu. ¹⁰ Saudaro-saudaro ambo, sabage taladan pandaritoan dan kasabaran, lieklah paro nabi na mangeccek dalam namo Tuhan. ¹¹ Kami manganggap babahagio sidak na tabah. Kau ala mandanga katabahan Ayub dan maliek maksud Tuhan pado akhirnyo, bahwo Tuhan tu panu raso hiboh jongon murah hati. Jangan Basumpah ¹² Akan tatapi, Saudaro-saudaro ambo, di ate sadonyo itu, janganlah kau basumpah, elok demi langit, bumi, ato demi apo pun. Katokan "Ya" jiko ya dan "Indak" jiko indak supayo kau indak dijatuhi hukkuman. Kuaso Doa dalam Iman ¹³ Apokah di antaro kau ado na sadang mandarito? Padialah inyo badoa. Apokah ado na sadang basukkocito? Padialah inyo malagukan mazmur. ¹⁴ Apokah di antaro kau ado na sadang sakkik? Padialah inyo mangimbo tuo-tuo jemaat dan sidak harus mandoakannyo, mangurapinyo jonogn minyak dalam namo Tuhan. ¹⁵ Doa na dinaikkan dalam iman akan manyalamatkan urang na sakkik tu dan Tuhan akan mambangunkannyo. Dan, jiko inyo ala malakukan doso, inyo akan diampuni. ¹⁶ Karano itu, handaklah kamu saling mangakku dosakau dan saling mandoakan supayo kau cegak. Doa urang benar na di naikkan jongon sungguh-sungguh, gadang bana kuasonyo. ¹⁷ Elia iyolah manusio biaso sakiro kito. Inyo badoa jongon sungguh-sungguh supayo indak turun hujan, dan hujan indak turun di nagari itu salamo tigo tahun anam bulan. ¹⁸ Kamudian, inyo badoa lai, mako langit mancurahkan hujan dan bumi manumbuhkan buahnyo. Manolong Urang Babalik kapado Allah ¹⁹ Saudaro-saudaro ambo, saandainyo ado di antaro kau na manyimpang dari kabenaran, lalu ado urang na manolongnyo babalik, ²⁰ Katahuilah bahwo urang na mambaok urang badosokambali kajalan na benar akan manyalamtkan jiwo urang tu dari kamatian dan manutupi banyak doso.