¹ Ikkolah pokkok utamo pambicaroan kito: kito mamapunyoi Imam gadang nan duduk disabalah kanan takhta Nan Mahatinggi di surga. ² Innyo malayani di Ruang Mahakudus dan Kemah Suci sajati nan didirikon oleh Allah sandiri, bukkan oleh manusio. ³ Karano satiap imam gadang di tunjuk untuk mampersembahkon pambarian dan kurban, mako Imam Gadang ikko juo harus mambawok sasuatu untuk di persembahkon. ⁴ Jiko Imam Gadang ikko hidup di bumi, iNnyo indak akkan manjadi imam samo sakali sabab di bumi ala ado imam-imam nan mampersembbahkan pambarian Hukkum Taurat, ⁵ yaitu sidak nan baribadah manurut tiruan nan bayang-bayang dari hal-hal surgawi maccam katiko Allah mamparingakkan Musa saat innyo hendak mandirikan Kemah Suci: "Pastikan lah kau mambuek sagalo sasuatunyo sasuai jongon rancangan nan ala di tunjukkan kapado kau d ate gunung." ⁶ Namun, kini, Yesus manarimo tugas palayanan nan jauh labih mulia karano parjanjian baru nan diparantarai oleh-Nyo itu juo jauh labih tinggi dan ditampekkan badasarkan pado janji-janji nan labih baik. ⁷ Sabab, jiko parjanjian nan partamo indak mangandung kasalahan, indak ado mambutuhkan parjanjian nan kaduo. ⁸ Karano Allah mandapek kasalahan manusio, Innyo mangecek, '"Lieklah, saatnyo akkan tibo,' kato Tuhan 'katiko ambo akkan mangadokan sabuah parjanjian baru jongon kaum Israel dan dan kaum Yehuda. ⁹ Indak maccam parjanjian nan ala Ambo adakan jongon nenek monyang sidak, yaitu katiko ambo manuntun sidak jongon tangan Ambo untuk mamimpin sidak kalua dari tanah Mesir. Karano sidak indak setia pado parjanjian nan ambo agikan, mako ambo indak mampadulikan sidak,' kato Tuhan ¹⁰ ' Ikkolah parjanjian nan akkan ambo adakan jongon kaum israel sasudah maso itu,' kato Tuhan: ' Ambo akkan manaruh hukkum-hukkum-Ambo dalom pikkiran sidak, dan Ambo akkan manulisakannyo pado hati sidak, Ambo akkan manjadi Allah sidak, dan sidak akkan manjadi umat-Ambo. ¹¹ Sidak juo indak akkan mangajar sasamo bangsonyo atau saudaronyo jongon mangecek,' Tandolah Tuhan' karano sadonyo urang akkan manando Ambo, dari nan ketek sampe nan paling gadang. ¹² Sabab, Ambo akkan babaleh kasihan ate palanggarandan dosa-dosa sidak. Dan, Ambo indak akkan lai mangingekkasalahan-kasalahan sidak. "' Yeremia 31:31-34 ¹³ katiko Allah mangucapkan parjanjian baru, Innyo mambuek nan lamo parjanjian nan lamo indak balakku lai. Dan, apo nan ala indak balakku lai dan usang akkan sagaro lenyap.