¹ Karano itu, marilah kito tinggalkan pangajaran dasar tantang Kristus dan malangkah kapado kadewasaan, indak lai mangulang-ulang tantang patobatan dari pabuean nan mati dan iman kapado Allah; ² Ajaran tantang pambasuhan dan panumpangan tangan; ajaran tantang kabangkitan urang mati dan hukkuman kekal. ³ Dan, itulah nan akkan kito lakkukan, jiko Allah mangizinkan nyo. ⁴ Sabab, indak mungkin mampartobatkan kambali urang-urang sabalumnyo nan mandapekkan pancerahan, ala marasokan karunio surgawi, ala mangambik bagian basmo Roh Kudus ⁵ mancicipi kabaikan firman Allah, dan marasokan kuaso dari dunio nan akkan datang. ⁶ Jiko sidak maningga kan jalan Kristus mako mustahil untuk mamparbaharui kambali patobatan sidak karano sidak sadang mayalibkan Anak Allah untuk nan kaduo kali-Nyo dan mamparmalukan-Nyo sacaro tabukko. ⁷ Sabab, tanah nan manyerap banayak air hujan nan jatuh di ate nyo, serta manghasilkan panen na bamanfaat bagi sidak nan mangarapnyo, akkan manarimo berkat dari Allah. ⁸ Namun, jiko tanah itu hanyo manumbuhkan duri dan samak-samak, mako tanah itu indak baguno dan dakkek jongon kutuk, dan pado akhirnyo dibakkar. ⁹ Akkan tatapi, saudaro-saudaro ambo nan ambo kasihi, sakkalipun kami mangecek-mangecek damikian, kami manyakkini hal-hal nan labih baik tantang kau, yaitu hal-hal bahubungan jongon kasalamatan. ¹⁰ Sabab Allah bukkan indak adil. Innyo indak malupokan sadonyo pakarejoan nan kasih kau nan kau tunjukkan dami namo-Nyo jongon malayani urang-urang kudus maccam nan masih kau lakkukan. ¹¹ Kami rindu masing-masing manunjukkan katekkunan nan samo untuk mamiliki jamiman pangharapan nan sampurno sampe akhir, ¹² supayo kau jangan manjadi malas, tatapi mangikuti taladan urang-urang nan ala mawarisi janji-janji Allah malalui iman dan katekkunan. JANJI ALLAH INDAK PANAH BARUBAH V 13 Katiko Allah bajanji kapdo Abraham, Innyo bajanji ate diri-Nyo sandiri karano indak ado nan labih gadang dari pado diri-Nyo. ¹⁴ Allah mangecek, "Ambo pasti akkan mamberkati kau," dam "Ambo pasti akkan malipekgandakan katurunan kau." ¹⁵ Dan, sasudah manantikan jongon sabar, Abraham manarimo janji itu. ¹⁶ Manusio basumpah dami sasaurang nan labih gadang dari pado dirinyo sandiri, dan sumpah diagikan sabagai panegasan untuk mangakhiri sadonyo pabantahan. ¹⁷ jadi, katiko Allah ingin manunjukkan jongon labih manyakinkan kapado ahli waris janji-Nyo bahwa tujuan-Nyo indak akkan barubah, Innyo manjamin jongon mambuek sumpah ¹⁸ sahinggo jongon duo hal nan indak dapek barubah itu, nan manganoi Allah mustahil babohong, kito nan datang mancari parlindungan akkan mandapekkan dorongan nan gadang untuk bapegang taguh pado pangharapan nan di agikan kapado kito. ¹⁹ Pangharapan nan kito miliki ikko adolah jangkar bagi jiwa kito, kuek dan pasti, nan manambus masuk sampe kabalik tirai, ²⁰ ka tampek nan ala dimasuki Yesus sabagai pambukko jalan bagi kito untuk manjadi Imam Gadang untuk salamo-lamonyo, sasuai jongon paraturan Melkisedek.