¹ Sabab, satiap Iman Gadang nan di pilih dari antaro manusio ditunjuk manjadi wakil manusio dalom hal-hal nan bakenan jongon Allah, supayo innyo dapek mamparsembahkan parsembahan-parsembahan dan kurban ate dosa-dosa. ² karano iman gadang juo panuh jongon kalemahan, mako innyo juo basikkap lambut tahadap urang-urang nan indka mamiliki pangatahuan dan mudah taasek. ³ Itu sabab nyo, innyo wajib mampersembahkan kurban panghapusan dosa, bukkan hanyo untuk umat, tatapi juo untuk dirinyo sandiri. ⁴ Indak ado imam gadang nan dapek mangambik kahormatan ikko untuk dirnyo sandiri, innyo hanyo manarimonyo katiko innyo di imbo oleh Allah, maccam halnyo Harun. ⁵ Damikkian juo Kristus indak mamuliakan diri-nyo sandiri untuk manjadi saurang Imam Gadang, tatapi oleh Innyo nan mangecek kapado-Nyo, "Kau adolah Anak-Ambo. Pado hari ikko Ambo ala manjadi Ayah-Kau. maznur 2:7 ⁶ Di bagian lain iNnyo juo mangecek, "Kau adolah Imam untuk salamo-lamonyo, manurut paraturan Melkisedek." Mazmur 110:4 ⁷ Dalom hidupnyo maccam manusio, Yesus mamparsembahkan doa maupun pamohonan jongon ratapan air mato, kapado Innyo nan dapek manyalamatkan-Nyo dari kamatian. Dan, Innyo didanga karano kasalehan-Nyo. ⁸ Walaupun Yesus adolah Anak, tatapi Innyo balajar untuk taat malalui pandaritoan nan di alami-Nyo ⁹ jongon sasudah di sampurnakan, INnyo manjadi sumber kekal bagi sadonyo urang nan taat kapado-Nyo, ¹⁰ san Innyo ala di imbo oleh Allah sabagi Imam Gadang sasuai paraturan Melkisedek. MALANGKAH MANUJU KADEWASAAN ROHANI ¹¹ Ado nan banyak di katokan tantang hal ikko. Akkan tatapi, sulit untuk manjelaskannyo karano kau ala manjadi lamban untuk mandanga. ¹² Sabab, sakkalipun sat ikko saharusnyo ala manjadi pangajar, tatapi tanyato kau masih mambutuhkan sasaurang untuk mangajari kau lai tantang prinsip-prinsip dasar manganai firman Allah. kau masih mambutuhkan susu, bukkan makkanan nan padat. ¹³ Sabab, urang nan hidup nan dari susu adolah nan balum bapengalaman dalom mamahani ajaran tantang kabenaran, innyo masih bayi. ¹⁴ Akkan tatapi, makkanan padat adolah untuk urang-urang nan alah dewasa, yaitu sidak nan ala malatih indra sidak untuk mambedakan apo nan baik dan nan jahek.