¹ Karano itu, saudaro-saudaro nan kudus, kau mamiliki bagian dalom panggilan surgawi, lieklah Yesus, Sang Rasul dan Imam Gadang pangakkuan kito, ² nan satio kapado innyo nan ala manampekkan-Nyo, samo maccam Musa nan satio dalom saluruh brumah-Nyo. ³ Sabab, Yesus dianggap layak mandapek kamuliaan nan labih gadang dari pado Musa, maccam halnyo saurang nan mandapek kakahormatan dari pado rumah itu sandiri. ⁴ (Sabab, satiap rumah di bangun oleh sasaurang, tatapi pambangunan dari sagalo sasuatu adolah Allah). ⁵ Musa satio dalom saluruh rumah Allah sabagai saurang palayan, untuk mangagi kasaksian kapado hal-hal nan akkan di katokan di kamudian hari. ⁶ Namun, Kristus satio sabagi Anak dalom rumah Allah, yaitu kito, jiko kito tatap mamaccik taguh pado kayakkinan dan pangharapan nan kito banggakan sampe akhir. TARUS LAH MANGIKKUTI ALLAH ⁷ Karano itu, saparti nan Roh Kudus katokan, "Pado hari ikko, jiko kau mandanga suaro-Nyo, ⁸ janganlah karekan hati kau maccam dalom pambarontakkan na kau lakkukan pado hari pancobaan di padang gurun, ⁹ yaitu katiko nenek monyangkau mancobai Ambo dan maliek pabuean- pabuean-Ambo salamo ampek puluh tahun. Sabab itulah Ambo berang kapado ganerasi itu dan mangecek `Hati sidak salalu sasek dan sidak indak mangerti jalan-jalan-Ambo. ¹¹ Jadi, Ambo basumpah dalom amarah ambo-Ambo: Sidak indak akkan masuk ka tampek perhentian-Ambo."' Mazmur 95:7-11 ¹² Bahati-hatilah Saudaro-saudaro, janganlah ado di antaro kau nan mamiliki hati nan jahek dan nan indak piccayo, nan mambuek kau pabaling dari Allah nan hidup. ¹³ Sabaliknyo, nasihatilah satu jongon nan lain satiok hari, salamo masih ado nan di sabut "hari ikko" supayo indak ado di antaro kau nan di karekan oleh tipu dayo dosa. ¹⁴ Kito ala mangambik bagian di dalom Kristus, jiko kito mamaccik taguh pado kayakkinan kito nan samulo sampe pado akhirnyo. ¹⁵ Maccam tatulis, "Pado hari ikko, jiko kau mandanga suaro-Nyo, janganlah karekan hati kau maccam dalom pambarontakkan." MAZMUR 95:7b-9 ¹⁶ Siapokah urang-urang nan alah mandanga suaro Allah, tatapi pambarontak? Bukkankah sidak sadonyo nan kalua dari Mesir di bawah kapamimpinan Musa? ¹⁷ Dan, kapado siapokah Allah berang salamo ampek puluh tahun? Bukkan kah kapado sidak nan babuek dosa sahinggo mayat sidak pakalimpangan di padang gurun? ¹⁸ Dan, kapado siapokah Allah basumpah bahwa sidak indak akkan panah masuk ka tampek pambarantian-Nyo, kalau bukkan kapado sidak nan indak taat? ¹⁹ Jadi, kito maliek bahwa sidak indak dapek masuk karano katidak piccayo an sidak.