¹ Karano itu, kito harus labih taliti mamparhatikan apo nan ala kito danga supayo kito indak taseret arus. ² Sabab, bilo ajara nan disampekan oleh paro malaikat tabukti indak dapek di ubah, dan satiap palanggaran atau katidak taatan akkan manarimo hukkuman nan adil, ³ maccam mano mano mungkin kito dapek lape jiko kito mangabaikan kasalamatan nan gadang itu? Yaitu, kasalamatan nan patamo-tamo di baritokan oleh Tuhan, dan buktikan kabenarannyo kapado kito oleh urang-urang nan mandanga-nyo ⁴ Salain itu, Allah juo mangagi kasaksian malalui tando-tando ajaib, babagai mukjizat sarto karunio-karunio Roh Kudus nan di bagikan manurut kahendak-Nyo. Yesus Manjadi Samo saparti Manusio untuk Manyalamatkan Manusio ⁵ Allah indak malakkukan dunia nan akkan datang, yaitu dunia nan sadang kito bicarokan, kapado paro malaikat ⁶ Namun, ado satu urang nan ala mangagi kasaksian dalom satu nas: "Siapokah manusio sahinggo kau mamikirkannyo? Siapokah anak manusio sahinggo Kau mampadulikannyo? ⁷ Untuk sasaat, Kau mambueknyo labih rendah dari pado malaikat; Kau msmakotai nyo jongon kamuliaan dan hormat. ⁸ Kau manaklukkan sagalo sasuatu di bawah kakkinyo." Mazmur 8:5-7 Sabab, jongon manaklukkan sagalo sasuatu di bawah kakki-Nyo, mako Allah indak mambiakan sasuatu pun nan indak takluk kapado-Nyo. Akkan tatapi, kini kito balum maliek sagalo sasuatu takluk kapado-Nyo. ⁹ Namun, kito ala maliek Yesus nan untuk samantaro dibuek labih randah dari pado paro malaikat, yaitu Yesus nan di mahkotai jongon kamuliaan dan hormat karano ala mandarito kamatian supayo oleh anugrah Allah, Innyo dapek marasokan kamatian bagi sadonyo urang. ¹⁰ Ala salayaknyo Innyo -- nan bagi Innyo dan mamuliakan Innyo sagalo sasuatu ado -- mayampurnakan perintis kasalamatan anak-anak-Nyo malalui pandaritoan, untuk mambawo sidak kapado kamuliaan. ¹¹ Sabab, baik Innyo nan manyucikan maupun sidak nan di sucikan, sadonyo barasal dari satu Ayah; itulah sababnyo Yesus indak malu manyambut sidak sabagai saudaro-saudaro-Nyo ¹² jongon mangecek: "Ambo akkan manyatokan namo-Kau kapado saudaro-saudaro-Ambo Di tanga-tanga saluruh umat-Kau Ambo akkan manyanyikan pujian bagi-Kau." Mazmur 22:23 ¹³ Dan lai "Ambo akkan manaruh kayakkinan-Ambo kapado Allah." Yesaya 8:17 Dan lai "Ikkolah Ambo, basarto anak-anak nan ala diagikan Allah kapado-Ambo Yesaya 8:18 ¹⁴ Karano anak-anak itu adolah manusio nan mamiliki darah dan daging, mako Yesus mangambik bagian dalom kaadaan sidak supayo malalui kamatian-Nyo, Innyo dapek mambinasokan innyo nan mamiliki kuaso ate kamatian, yaitu Iblis. ¹⁵ Dan, mambebaskan sidak nan saumur hidup nyo di pabudak kakuatan akkan kamatian. ¹⁶ Jadi, jalelah bahwa Innyo indak mangagi partolongan kapado paro malaikat, tatapi kapado katurunan Abraham. ¹⁷ Karano itu, dalom sagalo hal Yesus manjadi maccam saudaro-saudara-Nyo, supayo Innyo dapek Imam gadang* nan panuh baleh kasihan nan satio dalom palayanan kapado Allah. Jongom damikian, Innyo dapek mambawo panabusan ate dosa-dosa umat. ¹⁸ Sabab, Yesus sandiri mandarito katiko di cobai, mako Innyo dapek manolong sidak nan sadang dicobai.