¹ Iman adolah jaminan ate sagalo sasuatu nan kito harapkan, dan bukti dari sagao nan indak talieak. ² Sabab, oleh sidaklah urang-urang pado zaman dulu mamparolah pujian. ³ Oleh iman, kito mangerti bahwa alam semesta diciptokan jongon firman Allah. Jadi, apo nan taliek indak tabuek oleh apo nan taliek pulo. ⁴ Oleh iman, Habel mampersembahkann kapado Allah kurban nan labih baik dripad Kain. Malalui parsembahannyo itu, Habel mamparoleh kasaksian nan baik dari Allah sabagi urang benar; Allah mangagikan kasaksian it jongon manarimo kurban parsembahannyo. Dan, oleh imannyo meskipun innyo mati, Habel masih dapek babicaro. ⁵ OLeh iman, Henokh diangkek supayo innyi indak harus mangalami kamatian dan innyo indak di tamukan karano Tuhan ala mangangkeknyo; karano sabalum diangkek innyo mandapek kasaksian sabagai urang nan manyanangkan Allah. ⁶ Indak mungkin manyanangkan Allah tanpo iman, sabab siapo pun nan mandakkej kapado Allah harus piccayo bahwa Allah ado, dan bahwa Allah magagi pahalo kapado sidak nan mancari Innyo. ⁷ Oleh iman, sasudah diparingekkan oleh Allah tantang paristiwa nan balum innyo liek, Nuh jongon gentar dan taat mambangun sabuah bahtera untuk kaluargony. Jongon ikko, Nuh manghukum dunia dan manjadi pawaris kabenaran nan sasuai jongon imannyo. ⁸ Oleh iman, Abraham katiko diimbo Tuhan, taat untuk pai ka suatu tampek nan akkan diagikan sabagai milik pusakoyo. Dan, innyo barangkek, walaupun indak tau innyo kamano akkan pai. ⁹ Oleh iman, innyo pai dan tinggal di tanah nan dijanjikan maccam tinggal di tanah urang asing, yaitu di dalom kemah basamo Ishak dan Yakub; paro pewaris dari janji nan samo, ¹⁰ sabab Abraham sadang manantikan sabuah kota nan mampunyoi fondasi, nan parancang dan pambangunannyo adolah Allah. ¹¹ Oleh iman, Sarah manarimo kamampuan untuk mangandung dan malahirkan anak, maskipun innyo mandul ala tarlalu tuo untuk malahirkan, sabab Sara manganggap Innyo nan ala bajanji kapadoyo adolah setia. ¹² Karano itulah, dari satu urang nan ala sangat tuo dan hampir mati, lahirlah katurunan nan banyak maccam bintang di langit dan nan jumlahnyo tak tahitung maccam butiran pasir di pantai. ¹³ Sidak sadonyo ikko ala mati dalom iman jongon indak mandapek apa nan di janjikan, tatpi sidak mamandang dan manyambut janji-janji itu dari jauh, jongon mangetahui bahwa sidak adolah paro pandatang dan urang asing di bumi. ¹⁴ Parkatoan sidak nan damikian itu manunjukkan jongon jaleh bahwa sidak sadang mancari sabuah tanah air bagi sidak. ¹⁵ Karano, jiko nan sidak pikkikan adolah negeri nan sidak tinggakan sabalumnyo, mako sidak bisa sajo kambali lai ka sinun. ¹⁶ Namun, sidak marindukan suatu negeri nan labih baik, yaitu negeri surgawi, Oleh karano itulah, Allah indak malu disabut sabagai Allah sida sabab Innyo ala manyadiokan sabuah kota bagi sidak. ¹⁷ Oleh iman, katiko Tuhan manguji, Abraham manyerahkan Ishak sabagai kurban; innyo nan ala manarimo janji-janji itu rela mampersembahkan anak tunggalnyo. ¹⁸ Tantang anak itu, Allah panah mangecek, "Jongon namo Ishaklah katurunankau akkan di sabut." ¹⁹ Abraham manaruh paccayonyo kapado Allah, bahkan innyo piccayo bahwa Allah sanggup mambangkitkan urang mati. Ibaratnyo, Abraham ala mandapekkan Ishak kambali dari kamatian. ²⁰ Oleh kamatian, Ishak mamberkati masa depan Yakub dan Esau. ²¹ Oleh iman, Yakub, manjelang kamatiannyo, mamberkati anak-anak Yusuf. Innyo manyembah kapado Allah jongon barsandar pado kapalo tongkatnyo. ²² Oleh iman, Yusuf, pado akhir hidupnyo, babicaro tantang kaluargonyo bangsa Israel dari Mesir dan mangagi parintah sahubungan jongon tulang-tulangnyo. ²³ Oleh iman, Musa, katiko innyo lahir, disabunyikan salamo tigo bulan oleh urang tuonyo. sidak maliek bahwa Musa adolah bayi nan sangat manis, dan sidak takkut kapado parintah raja. ²⁴ Oleh iman, Musa, sasudah tumbuh innyo dewasa, manolak disabut anak dari putri Firaun. ²⁵ Innyo labih mamilih mandarito basamo umat Allah daripado manikmati kasenangan dosa nan hanyo samantaro, ²⁶ Innyo manganggap bahwa kahinaan Kristus labih barhargo daripado saluruh kakayaan Mesir sabab Musa mamandang kapado pahalo nan akkan datang. ²⁷ Oleh iman, Musa maninggalkan Mesir tanpo raso takkut tahadap murka Raja Firaun saolah-olah innyo dapek maliek Innyo nan indak taliek itu. ²⁸ Oleh iman, Musa malaksanokan Paskah dan pamercikan darah sahinggo malaikat kamatian jangan manyentuh bangsa Israel. ²⁹ Oleh iman, bangsa Israel bajalan manyubarangi Laut Merah, saakan-akkan bajalan di tanah karing. Namun, katiko urang-urang Mesir mancubo malakkukan hal nan samo, sidak tanggelam. ³⁰ Oleh iman, tembok Yerikho runtuh sasudah dikalilingi salamo tujuh hari. ³¹ Oleh iman, Rahab, pelacur itu, indak dibunuh basamo jongon urang-urang nan indak taat karano innyo manarimo mato-mato Israel jongon damai. ³² Dan, apo lai nan harus ambo katokan? Ambo indak punyo cukkup waktu untuk mancaritokan kapado kau tantang Gideon, Barak, Simsom, Yefta, Daud, Samuel, dan paro nabi, ³³ nan ole iman ala manaklukkan kerajaan-kerajaan, malakkukan kabenaran, mandapekkan janji-janji, dan mangatupkan mulut singa-singa, ³⁴ mamadamkan kobaran api, talapeh dari mato pedang, di kuekkan dari kalemahan sidak, gagah perkasa dalom partempuran, dan manghalau bala tantaro asing. ³⁵ Paro parampuan manarimo kambali urang-urang mati sidak malalui kabangkitan, tatapi ado pulo nan dianiayo dan manolak untuk manarimo pambebasan supayo sidak mandapekkan kabangkitan dalom kahidupan nan labih baik. ³⁶ Samantaro itu, ado pulo nan di hina dan di cambuk, bahkan dibelenggu dan dipanjarokan. ³⁷ Sidak dirajam, digergaji, manjadi duo, dan dibunuh jongon pedang. Ado pulo nan mangembara jongon mangenakan pakkean kulit domba atau kulit kambing; sidak sangat miskin ditindas, dan diparlakkukan samena-mena. ³⁸ Dunia ikko indak pantas bagi sidak, sidak mangembara di padang gurun dan gunung-gunung, tinggal di celah-celah guung, dan gua-gua di bawah tanah. ³⁹ Walaupun mandapekkan siksaan nan baik karano iman nan sidak milikki, sidak indak manarimo apo nan di janjikan. Sabab, Allah manyediakan sasuatu nan labih baik untuk kito, sidak indak akkan manjadi sampurno.