¹ Karano Hukkum Taurat hanyo mamiiki banyangan tantang hal-hal nan baik nan akkan datang dan bukkan gambaran sangguhnyo dari hal-hal itu, mako jongon kurban-kurban nan samo, nan sidak parsembahkan tarus-manarus satiok tahun, hukkum itu indak akkan panah dapek mayempurnakan sidak nan datang mandakkek. ² Jiko sabaliknyo, bukkanlah pangagian parsembahan saharusnyo ala ala indak lai dilakkukan karano sakali disucikan, urang-urang nan baribadah itu indak lai maresahkan adonyo kasadaran akkan dosa? ³ Akkan tatapi, dalom parsembahan kurban itu, sidak justru diingekkan akkan dosa-dosa sidak dari tahun ka tahun. ⁴ Sabab, darah lembu jantan dan kambing jantan indak mungkin dapek manghapus dosa. ⁵ Karano itu, katiko Kristus datang ka dalam dunia, Innyo mangecek "Kurban da parsembahan indak Kau inginkan, tatapi ala kau siapkan bagi-Ambo; ⁶ Kau indak bakenan kapado kurban bakaran dan kurban panghapus dosa. ⁷ Lalu Ambo mangecek, 'Ikkolah Ambo ado tatulis tantang Ambo dalom gulungan kitab, Ambo datang untuk malakkukann kahendak-Kau ya Allah.''' Mazmur 40:7-9 ⁸ Sasudah Kristus mangatokan, " Kurban dan parsembahan, sarto kurban bakkaran dan kurban panghapus dosa indak Kau inginkan, dan indak bakenan kapado-Kau," (nan diparsembahkan jongon Hukkum Taurat) ⁹ Innyo manambahkan, "Ikkolah Ambo. Ambo datang untuk malakkukan kahendak-Kau." Jadi, Yesus manghapuskan nan partamo untuk manatapkan nan kaduo. ¹⁰ Oleh kahendak-Nyo, kito dikuduskan malaui pagurbanan tubuh Yesus Kristus, sakali untuk salamo-lamonyo. ¹¹ Satiok imam malakkukan palayanan hariannyo dari waktu ka waktu untuk mampersembahkan kurban nan samo, nan indak panah dapek manghapuskan dosa, ¹² tatapi Kristus, sasudah mampersembahkan kurban karano dosa, satu kali sajo untuk salamo-lamonyo, Innyo duduk di sabalah kanan Allah ¹³ dan manantikan saat musuh-musuh-Nyo dijadikan tumpuan kakki-Nyo. ¹⁴ Jongon satu kurban, kristus manyampurnakan sidak nan ala di sucikan-Nyo untuk salamo-lamonyo. ¹⁵ Roh kudus juo manjadi saksi untuk kito tantang hal ikko sabab sasudah mangecek, ¹⁶ "Ikkolah parjanjian nan akkan Kuadokan jongon umat-Ambo sasudah masa itu, kato Tuhan: 'Ambo akkan manaruh hukkum-hukkum-Ambo dalom hati sidak, dan akkan manuliskannyo dalom pikkiran sidak. '''Yeremia 31:33 ¹⁷ Kamudian Innyo malanjutkan, "Ambo akkan malupokan dosa-dosa sidak dan indak akkan lai mangingek kajahean sidak. "Yeremia 31:34 ¹⁸ Kini, katiko pangampunan bagi sadonyo itu ala tasadio, mako indak diparlukan lai kurban untuk manabus dosa. MANDAKKEKLAH KAPADO ALLAH ¹⁹ Sabab itu, saudaro-saudaro ambo, karano kini kito mamiliki kabaranian untuk masuk ka dalom Ruang Mahakudus oleh pangurbanan darah Yesus, ²⁰ jongon jalan nan baru dan hidup, nan ala dibukkokan oleh Yesus bagi kito malalui tirai, yaitu tubuh-Nyo, ²¹ dan karano kito ala mampunyoi saurang Imam Gadang nan mangapaloi rumah Allah, ²² mako marilah kito mandakkek kapado Allah jongon hati nan tulus dalom kayakkinan imam nan panuh nan panuh, jongon hati kito nan ala dibarsihkan dari nurani nan jahek, dan tubuh nan ala dicuci jongon air murni. ²³ Mari kito bapegang taguh pado pangakuan pangharapan kito karano Allah nan manjanjikannyo adolah setia, ²⁴ mari kito mancari caro untuk dapek saling mandorong dalom mangasihi dan mangarejokan pabuean-pabuean baik, ²⁵ janganlah manjauhkan diri dari partamuan ibadah kito basamo, maccam nan dibiasokan oleh babarapo urang. Akkan tatapi, marilah kito saling manguekkan, talabih lai karano kau tau bahwa Hari Tuhan ala samakkin dakkek. JANGAN MALAWAN ALLAH ²⁶ Sabab, jiko jongon sangajo kito tatap babuek dosa sasudah mandapekkan pangetahuan tantang kabenaran, mako indak ado lai kurban untuk manghapus dosa-dosa itu. ²⁷ Nan ado hanyolah panantian nan manakkutkan akkan panghakkiman dan kobaran api nan akkan mambinasokan musuh-musuh Allah. ²⁸ Badasarkan kasaksian dari duo atau tigo urang saksi, siapopun nan indak manaati Hukkum Musa akkan dihukkum mati tanpo mandapek baleh kasihan. ²⁹ Jiko damikian, batapo labiih bareknyo panghukkuman nan layak ditarimonyo oleh urang nan mampijak-pijak Anak Allah, dan nan manganggap najis darah parjanjian nan manguduskannyo dan nan manghino Roh* anugrah Allah? ³⁰ Sabab, kito mangenal Innyo dan mangecek, "Pambalasan adolah hak-Ambo; Ambo akkan manuntut pambalasan." Innyo juo mangecek, " Tuhan akkan manghakkimi umat-umat-Nyo." ³¹ Alangkah mangerikannyo jiko kito jatuh kadalam tangan Allah nan hidup PALIHAROLAH KABARANIAN DAN KASABARAN ³² Akkan tatapi, ingeklah hari-hari nan ala lalu, sasudah kau mandapek pancerahan, kau batahan dalom parjuangan kau mananggung pandaritoan nan barek. ³³ Kdang-kadang, kau dihina dan di aniaya sacaro tabukko di mukko urang, dan kadang-kadang kau juo turus dalom pandaritoan urang-urang nan di parlakkukan maccam itu. ³⁴ Kau juo barbalehkasihan kapado sidak nan dipanjaro, bahkan manarimo jogon sukkocito katiko harta milikkau dijarah karano kau tau bahwa kau mampunyoi harta nan labih baik dan kekal. ³⁵ Karano itu janganlah kau mambuang kayakkinan kau karano kayakkinan kau itu mandatangkan pahalo nan gadang. ³⁶ Sabab kau mambutuhkan katekkunan untuk malakkukan kahendak Allah sahinggo kau mandapekkan apo nan dijanjikan-Nyo. ³⁷ Sabab, "Indak lamo lai, Innyo nan datang, akkan tibo, dan indak akkan manunda. ³⁸ Namun, urang-Ambo nan banar akkan hidup oleh iman. Dan, jiko innyo mundur katakkutan, mako jiwa-Ambo indak akkan bakenan kapadonyo." Habakuk 2:3-4 ³⁹ Kito bukkan lah urang-urang nan undur kapado kabinasoan, malainkakan urang-urang nan bariman kapado pamaliharoan jiwa.