¹ Bagi ambo, adolah balabihan nandak manyurek kapado kau tentang pelayanan kapado urang-urang kudus ikko. ² Sabab, ambo mengetahui kerelaan kau, nan ambo bangga-banggakan mengenai kau kapado urang Makedunio, yaitu bahwa Akhaya aala salose sajak tahun lalu dan sumange kau lah nan ala menggerakkan sabagian gadang dari sidak. ³ Akkan tatapi, ambo mangutus dusanak-dusanak ikko supayo kabanggaan kami tentang kau indak dijadikan sio-sio dalom hal ikko. Jongon baitu, kau siap sadio sarupo nan ala ambo kecekkan. ⁴ Sabab, jiko babarapo urang Makedunio datang basamo-samo jongon ambo dan sidak mandapek kau balum salose, kami (indak parlu kami mangetcek kau) akkan dipamalukan karano kayakinan ikko. ⁵ Karano inun, ambo bapikki parlu nandak mandasak dusanak-dusanak pai labih daulu kapado kau dan mampasiapkan pangagian nan ala kau janjikan sabalumyo. Jongon baitu, pangagian siap nandak manjadi pangagian sukkorela, dan indak karano tapakso. ⁶ Ambo mangetcek hal ikko: siapo nan manabu saketek akkan manunai saketek juo, dan urang nan manabu banyak akkan manunai banyak juo. ⁷ Setiap urang harus mangagi sarupo nan inyo putuskan dalom hatinyo, indak jongon dukkocito atau dibawah paksaan karano Allah mangasihi urang nan mangagi jongon sukkocito. ⁸ Dan, Allah sanggup malimpahkan sadonyo anugrah kapado kau supayo kau slalu mampunyoi sadonyo kacukkupan dalom sagalo hal dan kalimpahan dalom pakkarajoan elok. ⁹ Sarupo nan tasurek: "Inyo ala mambagi-bagian, Inyo ala mangagi kapado urang miskin, kabenaran-Nyo tetap nandak salamonyo." Mazmur 112:9 ¹⁰ Kini, Inyo nan manyediakan benih bagi panabur dan roti sabagi makkanan, akkan manyediakan dan malipat gandakan bibit kau nandak ditabur dan akkan mampabanyak hasil kabenaran kau. ¹¹ Kau akkan siperkayo dalom sagalo hal ate sadonyo kamurahan hati kau, nan malalui kami mambangkitkan ucapan syukur kapado Allah. ¹² Sabab, bantuan pelayanan ikko indak hanyo manukupkan kaparluan urang-urang kudus, tapi juo malimpahkan sykur kapado Allah malalui banyak urang. ¹³ Malalui bukti pelayanan ikko, sidak akkan mamuliakan Allah karano kataatan kau kapado pengakuan kau akkan Injil Kristus, dan nandak sadonyo kamurahan hati kau dalom babagi kapado sidak dan sadonyo urang ¹⁴ Dan, dalom doa-doa sidak nandak kau, sidak marindukan kau karano kasih karunia Allah nan balimpah ate kau. ¹⁵ Syukur kapado Allah pangagian-Nyo nan tak tarkecekkan!