¹ Ambo, paulus, diri ambo saurang mamohon kapado kau jongon kalembutan dan kamurahan Kristus -- ambo, nan indak berani katiko bahadapan mukko jongon kau, tatapi berani katiko jauh dari kau! ² Ambo mamohon kapado kau supayo katiko ambo datang, ambo indak parlu manjadi berani jongon kayakinan nan jongonnyo ambo mampahitungkan nandak berani malawan babarapo urang nan manganggap kami hidup sacaro daging. ³ Memang kami masih hidup dalom kadagingan, tatapi kami indak bajuang sacaro daging. ⁴ Sabab, senjato paperangan kami indak dari daging, malainkan dari kakuetan ilahi nandak kahancuran benteng-benteng. ⁵ Kami maruntuhkan pamikkiran-pamikkiran dan satiap hal tinggi nan dibangun oleh keangkuhan manusio nandak menentang pengenalan akkan Allah. Kami manawan sagalo pikkiran dn manalukkannyo kapado Kristus, ⁶ dan kami salose manghukum sadonyo katidaktaatan katiko kataatan kau disempurnakan. ⁷ Lieklah kapado apo nan ado sihadapan kau. Kalau ao urang nan manyakini dirinyo adolah milik Kristus, padialah inyo mamikkirkan kambali hal ikko, yaitu sabagai mano inyo adolah milik Kristus, kami pun demikian. ⁸ Bahkan, kalaupun ambo agak balabihan mambanggakan otoritas, nan Allah diagikan kapado kami nandak mambangun kau dan indak nandak manghancurkan kau, ambo indak akkan malu. ⁹ Ambo indak ingin tampak seolah-olah ambo akkan manakut-nakkuti kau jongon surek-surek ambo. ¹⁰ Sabab, sidak mangetcek, "Surek-sureknyo memang tegas dan kare, tatapi sacaro kahadiran tubuh, inyo lemah dan pangetcekannyo indak bararti." ¹¹ Padialah urang nan sarupo inun mamikkikan hal ikko, yaitu apo nan kami katokan jongon surek katiko kami indak basamo kau, samo sarupo pabuetan kami katiko basamo kau. ¹² Sabab, kami indak barani nandak mangelompokkan atau mambandingkan diri kami jongon babarapo urang nan mamuji-muji dirinyo saurang. Namun, katiko sidak mangukkur dirinyo jongon diri sidak saurang dan mambandingkan dirinyo jongon diri sidak saurang, sidak inun indak mamahaminyo. ¹³ Akkan tatapi, kami indak akkan bangga ate hal nan malampaui batasan kami, malainkan manurut batasan dari katetapan nan Allah bagikan kapado kami, yaitu batasan nandak manjangkau sampai kapado kau juo. ¹⁴ Sabab, kami indak malampaui batasan kami, saolah-olah kami indak manjangkaui sampai kapado kau. Kamilah nan partamo kali sampai kapado kau jongon Injil Kristus. ¹⁵ Kami juo indak babangga malampaui batasan kami jongon bangga ate jerih lelah urang lain, malainkan jongon pangharapan bahwa matcamano iman kau batumbuh, wilayah kami diantaro kau akkan semakin diperluas lai, ¹⁶ supayo kami dapek mambaritokan Injil ka wilayah-wilayah dilua kau, dan indak babangga ate apo nan ala diselesaikan diwilayah pakarajoan urang lain. ¹⁷ "Siapo nan ingin babangga, padialah inyo babangga didalom Tuhan." ¹⁸ Sabab, indak urang nan mamuji dirinyo saurang nan tabukti tahan uji, malainkan urang nan Tuhan puji.