1 Ambo baharap, kau sabar tahadap ambo dalom saketek kabodohan ambo, dan kau sabar tahadap ambo. ² Sabab, ambo maraso cemburu kapado kau jongon kacemburuan ilahi karano ambo ala manuangkan kau jongon saince suami, yaitu mampasembahkan kau sabagai perawan nan suci kapado Kristus. ³ Namun, ambo takkut, jangan-jangan, samo sarupo ulek nan jongon kalicikannyo manipu hawa, baitu pulo pikkiran kau akkan disasekkan dari katulusan dan kamurnian pangabdian dalom Kristus. ⁴ Sabab, kau sabar sajo katiko sasaurang datang dan mambaritokan tentang Yesus nan lain, nan barado jongon nan kami baritokan, atau katiko munak manarimo sumange nan babeda, nan balum panah munak tarimo, atau injil lain nan balum pernah munak tarimo. ⁵ Manurut ambo, ambo indaklah kurang dari rasul lua biaso inun. ⁶ Walaupun ambo indak pandai dalom pangetcekkan, tatapi indak baitu dalom hal pangetahuan, karano jongon babagi caro, kami ala manunjukkannyo kapado kau dalom sagalo hal. ⁷ Atau, apokah ambo malakkukan doso katiko marendahkan diri ambo saurang supayo munak dapek ditinggikan karano ambo mambaritokan Injil Allah kapado kau jongon cuma-cuma? ⁸ Ambo marampok jemaah-jemaah lain jongon manarimo upah dari sidak nandak malayani munak. ⁹ Dan, katiko ambo basamo kau dan melarat, ambo indak mambebani saurang pun karano dusanak nan datang dari Makedunio mamanuhi kabutuhan ambo. Dan, dalom sagalo hal, ambo manjago diri ambo nandak indak manjadi beban bagi kau dan ambo akkan tarus malakkukkannyo. ¹⁰ Sabagai mano kabenaran Kristus didalom ambo, kabanggaan ambo ikko indak akkan dihalangi diwilayah Akhaya. ¹¹ Mangapo? Apokah karano ambo indak mangasihi kau? Allah nan mangetahuinyo! ¹² Akkan tatapi, ambo akkan tarus malakukkan apo nan dilakkukan sahinggo ambo dapek mamotong kasempatan dari mereka nan manginginkan kasempatan nandak didapeti samo maccam kami dalom hal-hal nan sidak banggakan. ¹³ Sabab, urang -urang maccam inun adolah rasul-rasul palsu, pakkarajoan nan curang, nan menyamar sabagai rasul-rasul Kristus. ¹⁴ Hal inun indak mangajutkan karano Iblis pun menyamar manjadi maccam malaikat tarang. ¹⁵ Karano ikko, indaklah mangajutkan jiko para pelayanannyo juo menyamar sarupo pado pelayan kabenaran, nan kasudahan sidak akkan satimpal jongon pabuetannyo saurang. PANDARITOAN PAULUS bagi KRISTUS 16 Sakali lai, ambo mangetcek jangan ado saince pun namanganggap ambo bodoh. Paidapun baitu, tarimolah ambo sabagai urang nan bodoh supayo ambo juo dapek saketek babangga. ¹⁷ Apo nan ambo katokan dalom hal kayakinan akkan kabanggan ikko, ambo indak mangetcekkannyo sarupo kahendak Tuhan, malainkan maccam dalom kabodohan. ¹⁸ Banyak urang nan bangga sacaro daging. Jadi, ambo juo akkan babangga. ¹⁹ Sabab, munak baitu bijaksana sahinggo jongon sanang hati munak basabar tahadap urang bodoh! ²⁰ Munak basabar, jiko ado urang nan mamperhamba munak, manelan munak, mangambi kauntungan ate kau, maninggikan dirinyo, atau manampar wajah kau. ²¹ Jongon sangat malu ambo harus mangetcekkan bahwa kami talalu lemah nandak hal inun! Jongon ²² apokah sidak orang ibrani? ambo juo, Apokah sidak orang israel ambo juo. apokah sidak keturan ambraham? ambo juo. 3 apokah sidak malayani kristus? ambo labih labih lai - ambo mangence sarupo urang gila. nyerih payah ambo labih banyak, labih sering dalam panjara, pukulan nan indak dapek dihitung, jongon nabi sering barado dalam bahaya maut ²⁴ dari urang urang yahudi, sabanyak limo kali ambo ala manarimo ampe puluh kurang saince cambuakan. ²⁵ tigo kali ambo dipukul dengan rotan, saince kali dilantingi batu, tigo kali ambo barado kapal karam, samalam jongon saince ari ambo diserek ombak di laut. ²⁶ banyak bana dalam pajalanan ambo ambo tarancam bahaya dari sungai, dari para perambok, pihak urang urang yahudi, jongon indak yunani. ambo diancam bahaya dikota, dipadang balangtara, dilaut, jongon bahaya dari dusanak dusanak palsu. ²⁷ Ambo ala bajinih payah jongon bakarajo barek, tetap tajago, kalaparan jongon kahausan, sering indak punyo makkanan, dalam kadinginan, jongon tanpa pakkean. ²⁸ Jongon, salain ikko, ado juo masalah sahari-hari manjadi tanggung jawab ambo nanda pameliharaan ateh sadonyo jamaah. ²⁹ Siapo nan lemah, jongon ambo indak lemah? siapo nan tajatuh, jongon ambo indak badukacito? ³⁰ Jika ambo harus babangga, ambo akkan bangga ateh hal namanunjukkan kalemahan ambo. ³¹ Allah jongon Ayah tuhan yesus, nan harus dipuji salamo-lamonyo, mangetahui bahwa ambo indak babohong. ³² Di Damaskus, gubernur di bawah raja Aretas mangaluasi kota damaskus nanda manangkop ambo. ³³ Namun, ambo diturunkan dalam saince karanjang dari tangannyo.